Home ព័ត៌មានអន្តរជាតិ ស្លាប់​ដោយកូវ...

ស្លាប់​ដោយកូវី​ដ​១៩ ជាង​១​ពាន់​នាក់​ក្នុង​មួយថ្ងៃ​ដល់​ថ្ងៃទី​៤​ជាប់ៗ​គ្នា​នៅ​ប្រេ​ស៊ីល​

ប្រែ​សម្រួលៈ​វាសនា​/​ប្រា​ស៊ី​លី​យ៉ា​៖​ប្រេ​ស៊ីល​កាលពី​ថ្ងៃ​សុក្រ​ទី​១៥​មករា​បាន​ឃើញ​អ្នក​ឆ្លង​វីរុស​កូរ៉ូណា​ថ្មី​ចំនួន​៦៩.១៩៨​នាក់​ទៀត​នៅ​២៤​ម៉ោង​កន្លងទៅ និង​១.១៥១​នាក់​បាន​ស្លាប់​ដោយ​ជំងឺ​កូវី​ដ​១៩​។​វា​ជា​ថ្ងៃ​​ទី​៤​ជាប់ៗ​គ្នា ដែល​មនុស្ស​ជាង​១.០០០​នាក់​បាន​បាត់បង់​ជីវិត​ដោយកូវី​ដ​១៩​នៅក្នុង​ប្រទេស​នៅ​អាម៉េរិក​ខាងត្បូង​មួយ​នេះ​។​

​ក្រសួង​សុខាភិបាល​ប្រេ​ស៊ីល​បាន​និយាយថា​មាន​អ្នក​ឆ្លង​ថ្មី​៣.១៥១​នាក់​និង​ស្លាប់​១១៣​នាក់​បន្ថែម​កាលពី​ថ្ងៃ​សុក្រ​នៅ​ទីក្រុង​ម៉ា​ណូស ដែល​កំពុង​អស់​អុកស៊ីសែន​នៅតាម​មន្ទីរពេទ្យ​នៅ​ពេល​ការវាយប្រហារ​​ដោយ​ជំងឺ​កូវី​ដ​១៩​នៅ​រលក​ទី​២​កំពុង​នាំ​អោយ​បណ្តា​មន្ទីរពេទ្យ​ជោរជន់​ទៅដោយ​អ្នកជំងឺ​។​

​ប្រេ​ស៊ីល​ឥឡូវ​មាន​អ្នក​ឆ្លង​វីរុស​កូរ៉ូ​ណាសរុប​៨.៣៩០.៣៤១​នាក់ និង​២០៨.១៣៣​នាក់​បាន​ស្លាប់​ដោយកូវី​ដ​១៩​។​

​កាលពី​ថ្ងៃ​សុក្រ​នេះដែរ កងទ័ព​អាកាសប្រេ​ស៊ីល​បាន​ដឹក​ខ្យល់​អុកស៊ីសែន​ទៅកាន់​មន្ទីរពេទ្យ​ក្នុង​រដ្ឋ​អា​ម៉ា​ហ្សូ​ន​ណាស​ដែល​កំពុង​រង​ការវាយប្រហារ​ដោយ​ជំងឺ​នេះ​ខ្លាំងក្លា​ក្នុង​ពេល​រដ្ឋាភិបាល​ខិតខំ​ចាត់​​ចែង​ចាក់​វ៉ាក់សាំង​នៅ​ទូទាំង​ប្រទេស តែ​ប្រធានាធិបតី ហ្ស៊ែ​រ បុល​សូ​ណារ៉ូ បែរជា​និយាយ​ថា​លោក​«​នឹង​នៅ​ឯ​ឆ្នេរសមុទ្រ​ល្អ​ជាង​»៕

​អ្នក​ជីក​ផ្នូរ​នៅ​កន្លែង​បញ្ចុះសព​មួយ​នៅ​ក្រុង​ម៉ា​ណូស កាលពី​ថ្ងៃ​៣១​ធ្នូ ឆ្នាំ​២០២២០​។​ចំនួន​ស្លាប់​គរ​ជើង​ដោយកូវី​ដ​១៩​នាំអោយ​ទីក្រុង​ខ្លះ​អស់​កន្លែង​បញ្ចុះ​សព ហើយ​ឥឡូវ​មន្ទីរពេទ្យ​ខ្លះ​អស់​អុកស៊ីសែន​​ដោយសារ​ឆ្លង​មួយថ្ងៃ​រាប់​ម៉ឺន​នាក់​

ទីតាំងផ្សាយពាណិជ្ជកម្ម

- Advertisment -

Most Popular