Home ព័ត៌មានសំខាន់ៗ ញាក់សាច់ រដ្ឋ...

ញាក់សាច់ រដ្ឋ​កាលីហ្វ័រ​ញ៉ាមួយថ្ងៃ​ស្លាប់​ដោយ​វីរុស​កូរ៉ូ​ណា​ជាង​៥០០​

​ប្រែ​សម្រួល : កញ្ញា​ដា​លី​ស ៖ ប្រជាជន​នៅ​រដ្ឋ​កាលីហ្វ័រ​នីញ៉ា​ច្រើន​ទៅៗ​បាន​ស្លាប់​ដោយសារ​វីរុស​កូរ៉ូណា គឺ​ខ្ទង់​៥២៥ ជា​រៀងរាល់ថ្ងៃ ហើយ​ខណៈ​ចំនួន​អ្នកស្លាប់​រំពឹង​កើនឡើង​ជា​បន្ត​នោះ​ក្រុម​មន្ត្រី​របស់​​រដ្ឋ​នេះ​និយាយ​កាលពី​ថ្ងៃ​សុក្រ​ទី​១៥​មករា​ថា ពួកគេ​កំពុង​បញ្ជូន​រថយន្ត​កុងតឺន័រ​ក្លាសេ​ដើម្បី​ធ្វើជា​កន្លែង​ដាក់​សាកសព​បណ្តោះអាសន្ន​។

​នាយក​ការិយាល័យ​សេវាកម្ម​គ្រាអាសន្ន​លោក ម៉ាក ហ្គីល​ឡា​ឌូ​ស៊ី និយាយថា ឥឡូវ​នេះ​មាន​រថយន្ត​ក្លាសេ​សព​ចំនួន ៩៨ គ្រឿង​ដើម្បី​ជួយ​ដល់​អ្នក​ធ្វើ​សព​វិភាគ រក្សា​ទុក​សាកសព​”​ជាមួយ​ការគោរព​និង​​សេចក្តីថ្លៃថ្នូរ​”​។

​នៅក្នុង​តំបន់​ទីក្រុង​ឡូ​ស អែន​ជើ​ឡេស ដែល​ជា​មធ្យម​មាន​មនុស្ស​ស្លាប់​ម្នាក់​រៀងរាល់​៦ នាទី​ម្តង កន្លែង​ទុក​សព​បណ្តោះអាសន្ន​ត្រូវបាន​រៀបចំឡើង​នៅក្នុង​ចំណត​រថយន្ត​ជាប់​នឹង​សាល​ខ្មោច​តែម្តង​។​

​ការិយាល័យ​សេវាកម្ម​សង្គ្រោះបន្ទាន់​កំពុង​ប្រើប្រាស់​ទិន្នន័យ​មន្ទីរពេទ្យ​រដ្ឋ​ដើម្បី​ប៉ាន់ប្រមាណ​ថា​តើ​នឹង​មាន​មនុស្ស​ប៉ុន្មាន​នាក់​អាច​នឹង​ស្លាប់​ក្នុង​ប៉ុន្មាន​សប្តាហ៍​ខាងមុខ​។ ​រដ្ឋ​បាន​វិភាគ​គំរូ​ជាច្រើន​ដើម្បី​ព្យាយាម​ព្យាករណ៍​អំពី​អ្នកជំងឺ​កូវី​ដ​១៩​ដេក​នៅ​មន្ទីរពេទ្យ​និង​ការស្លាប់​។ ការព្យាករណ៍​បាន​ប៉ាន់ស្មាន​ឃើញថា​នឹង​មាន​មនុស្ស​ស្លាប់ ១ ម៉ឺន​នាក់​ផ្សេងទៀត​ក្នុង​រយៈពេល ៣ សប្តាហ៍​ខាង​មុខ​នេះ​៕

​ញាក់សាច់​មួយ​ថ្ងៃ​ស្លាប់​៥២៥​នាក់​នៅ​រដ្ឋ​កាលីហ្វ័​រញ៉ា ដោយ​បង្ខំ​អោយ​អាជ្ញាធរ​ប្រើ​ទូរ​កុងតឺន័រ​ដើម្បី​ដាក់​សាកសព​

ទីតាំងផ្សាយពាណិជ្ជកម្ម

- Advertisment -

Most Popular