Home ព័ត៌មានសំខាន់ៗ នៅ​ភ្នំពេញៈ​ក...

នៅ​ភ្នំពេញៈ​កាត់​មែកឈើ​តាម​បណ្តោយ​វិថី​ព្រះ​អង្គឌួង និង​វិថី​ក្រមួនស​ឬ​សួន​កាណាឌីយ៉ា​ចាប់ពី​ថ្ងៃទី​១៨​មករា​តទៅ​

ដោយៈ​រ៉ា​ម៉ន​/​ភ្នំពេញៈ​រដ្ឋបាល​រាជធានី​ភ្នំពេញ​បានចេញ​សេចក្តីជូនដំណឹង​ពី​ការ​កាត់​មែកឈើ​តាម​បណ្តោយ​វិថី​ព្រះ​អង្គឌួង និង​វិថី​ក្រមួនស​ក្នុង​ខណ្ឌដូនពេញ​ដែលមាន​អាយុកាល​ច្រើន​ឆ្នាំមាន​សភាព​ចាស់​ទ្រុឌទ្រោម​និង​មាន​ដុះ​មែកឈើ​ស៊ុបទ្រុប​ដែល​ធ្វើឱ្យ​ដើម​មិនអាច​ទ្រទ្រង់បាន​។​

​យោងតាម​សេចក្តីជូនដំណឹង​បានបញ្ជាក់ ដើមឈើ​ធំៗ​នៅតាម​បណ្តោយ​វិថី​ព្រះ​អង្គឌួង និង​វិថី​ក្រមួន​សមាន​អាយុកាល​ច្រើន​ឆ្នាំ មាន​សភាព​ចាស់​ទ្រុឌទ្រោម​និង​មាន​ដុះ​មែកឈើ​ស៊ុបទ្រុប​ដែល​ធ្វើឱ្យ​ដើម​មិនអាច​ទ្រទ្រង់បាន​។​រដ្ឋបាល​រាជធានី​ភ្នំពេញ​នឹង​ឱ្យ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ​ធ្វើការ​លះ​មែកឈើ​មួយចំនួន​ចេញ ព្រមទាំង​បន្ត​ថែទាំ​និង​រក្សាទុក​ដើមឈើ​ធ្វើ​ទម្រ​ទប់​ដើម ដោយ​ចំណាយពេល​អនុវត្ត​ការងារ​រយៈពេល​មួយខែ ចាប់ពី​ថ្ងៃទី​១៨ ខែមករា​នេះ​តទៅ​។​

​រដ្ឋបាល​រាជធានី​បាន​បន្តថា​ដើម្បីឱ្យ​ការងារ​ខាងលើ​ប្រព្រឹត្ត​ទៅដោយ​រលូន ស្នើ​បងប្អូន​ប្រជាពលរដ្ឋ​ទាំងអស់​ក្នុង​រាជធានី​ភ្នំពេញ​មេត្តា​ជ្រាប យោគយល់ អធ្យាស្រ័យ និង​បញ្ចៀស​ការធ្វើដំណើរ​ឆ្លង​កាត់​ទីតាំង​ខាងលើ​បើ​មិនមាន​ការចាំបាច់ ដើម្បី​កាត់បន្ថយ​ការកកស្ទះ​ចរាចរណ៍ និង​គ្រោះថ្នាក់​កើតឡើង​ជាយថាហេតុ ព្រោះ​ដោយសារ​ក្រុមការងារ ត្រូវ​ប្រើប្រាស់​ឧបករណ៍​សម្រាប់​កាត់​មែកឈើ និង​រថយន្ត​ធុន​ធំ​ដែល​អាច​បង្ក​ការកកស្ទះ​ចរាចរណ៍​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular