Home ព័ត៌មានជាតិ សង្គម មន្ត្រីរដ្ឋបា...

មន្ត្រីរដ្ឋបាល​ខេត្តកំពង់ធំ បាន​ជួបប្រជុំ​ជាមួយ​អ្នកសារព័ត៌មាន ដែល​បំពេញការងារ​ក្នុងភូមិ​សាស្ត្រ​ខេត្ត​

ដោយ​: ភ្នំ​ស្វាយ / កំពង់ធំ​: មន្ត្រី​ថ្នាក់ដឹកនាំ​រដ្ឋបាលខេត្ត មន្ទីរ​អង្គភាព បញ្ជាការដ្ឋាន ស្នងការដ្ឋាន អធិការដ្ឋាន មូលដ្ឋាន ស្រុក​ក្រុង​នៃ​រដ្ឋបាល​ខេត្តកំពង់ធំ បាន​ជួបប្រជុំ​ដ៏​កម្រ​មួយ​ជាមួយ​អ្នកសារព័ត៌មាន​ដែល​បំពេញការងារ​ក្នុងភូមិ​សាស្ត្រ​ខេត្ត​នៅ​រសៀល​ថ្ងៃទី​១៥ ខែមករា ឆ្នាំ​២០២១ នៅ​សា​សា​ខេត្ត​។​

​កិច្ចប្រជុំ​មានបំណង​ស្វែងយល់​ពី​សុខទុក្ខ ជីវភាព ភាពងាយស្រួល ការលំបាក បញ្ហា​ប្រឈម ហើយនឹង​កិច្ច​រួមសហការ​គ្នា​រវាង​ស្ថាប័ន​រដ្ឋបាល និង​មន្ទីរ​អង្គភាព​ជំនាញ​នានា​ជាមួយ​អ្នកសារព័ត៌មាន នៃ​ប្រព័ន្ធ​ផ្សព្វផ្សាយ​ក្នុងស្រុក (Local Media) ដែល​បំពេញការងារ​ក្នុងភូមិ​សាស្ត្រ​ខេត្តកំពង់ធំ​។ ថ្នាក់ដឹកនាំ​និង​ម​ន្ត្រិ​នស​រដ្ឋបាល​និង​មន្ទីរ អង្គភាព​នានា ក៏បាន​នៅតែ​ចាត់ទុក​ប្រព័ន្ធ​ផ្សព្វផ្សាយ និង​តួអង្គ​អ្នកសារព័ត៌មាន​ជា​ដៃគូ​, ជា​និមិត្តរូប​កញ្ចក់​សម្រាប់​ឆ្លុះបញ្ចាំង​នៃ​ការដឹកនាំ និង​ការបំពេញ​ការងារ​រប​ស់​ខ្លួន​ដដែល​ទេ​។ ជាមួយគ្នានេះ ក៏បាន​ស្ដាប់​នូវ​បញ្ហា​ប្រឈម​មួយចំនួន​របស់​អ្នកសារព័ត៌មាន ក្នុងការ​ប្រក​បរបរ​វិជ្ជាជីវៈ​យក​ព័ត៌មាន​យកមក ពិភាក្សា​ជជែក​គ្នា​ដើម្បី​ដោះស្រាយ​។​

​អង្គ​ប្រជុំបាន​ស្ដាប់​លោកស្រី ង៉ែត ណា​រី​ន ប្រធាន​មន្ទីរ​ព័ត៌មាន​ខេត្តកំពង់ធំ​ជុំវិញ​សកម្មភាព​របស់​អ្នកសារព័ត៌មាន​នៃ​ប្រព័ន្ធ​ផ្សព្វផ្សាយ​ក្នុងស្រុក​មកពី​ស្ថាប័នរដ្ឋ​និង​ឯកជន​នៅក្នុង​ខេត្តកំពង់ធំ​។​
​និង​ការលើកឡើង របស់​អ្នកសារព័ត៌មាន​មួយចំនួន រួមបញ្ចូល​ទាំង​ការបើកចំហ​បេះដូង កិច្ចសហការ​ផ្តល់​ព័​ត័​មាន​របស់​មន្ត្រី​ផ្តល់ព័ត៌មាន មន្ត្រី​អ្នកនាំពាក្យ​និង​អ្នក​ទាំងឡាយណា​ដែល​អ្នកសារព័ត៌មាន​បាន​សួរ​។​ សូមអោយ​ផ្តល់ព័ត៌មាន​ពិត កុំ​លំអៀង ចៀសវាង​អគតិ​ទាំង​៤ (​មោហៈ ទោសៈ ស្អប់​និង​ស្រឡាញ់​)​។​

​លោក សុក ហៃ អភិបាលរង​ខេត្តកំពង់ធំ បាន​សំណូមពរ​សូមឱ្យ​អ្នកសារព័ត៌មាន​ទាំងអស់ ត្រូវ​មក​ចុះបញ្ជី​អ្នកសារព័ត៌មាន​នៅ​មន្ទីរ​ព័ត៌មាន​ខេត្ត និង​សូមឱ្យ​ពង្រឹង​វិជ្ជាជីវៈ ចំណេះ​ជំនាញ​របស់ខ្លួន តាម​ក្រមសីលធម៌​វិជ្ជា​ជីៈ​អ្នកសារព័ត៌មាន​។ និង​ខិតខំ​ស្វែងរក​ព័ត៌មាន​ពិត ធ្វើអោយមាន​តុ​ល្យា​ភព​មក​ចុះផ្សាយ ហើយ​ជាពិសេស​មិនត្រូវ​ស្ដាប់​តែ​ម្ខាង ហើយ​ចុះផ្សាយ​តែ​ម្ខាង​នោះទេ​។ ត្រូវគោរព​តាម​អនុសា​ស​ន័​សម្តេច​តេ​ជោ​ក្នុង​គោលការណ៍ «​កុំ​បំពាន​សិទ្ធិ​អ្នកដទៃ កុំ​បំ​ភ្នៃ​ការពិត។​

​លោក សុក ហៃ ក៏បាន​ស្នើ​សុំឱ្យ​សាលាខេត្ត ក្រុង ស្រុក មន្ទីរ​អង្គភាព​ទាំងអស់ រួម​សហការគ្នាជាមួយ​អ្នកសារព័ត៌មាន ។ ក៏​ទទូច​ស្នើសុំ​សូម​ឲ្យ​អ្នកសារព័ត៌មាន​ទាំងអស់​ផ្សព្វផ្សាយ​នូវ​ជំងឺ​កូ​វីដ​-១៩ ដែល​កំពុង​រីក​រាលដាល​ក្នុងប្រទេស​កម្ពុជា​គឺ​ត្រូវ​ពាក់​ម៉ាស់ រក្សា​អនាម័យ​ឲ្យ​បានល្អ និង​នៅ​គម្លាត​ពីគ្នា​ចាប់ពី​១.៥០​ម៉ែត្រ ព្រមទាំង​អនុវត្តតាម​ការណែនាំរ​បស់​ក្រសួងសុខាភិបាល៕​

ទីតាំងផ្សាយពាណិជ្ជកម្ម

- Advertisment -

Most Popular