Home ព័ត៌មានអន្តរជាតិ ថ្ងៃនេះ ថៃ​ស្...

ថ្ងៃនេះ ថៃ​ស្លាប់​ដោយកូវី​ដ​១៩​ម្នាក់ និង​ឆ្លង​២៣០​នាក់​បន្ថែម​

​ប្រែ​សម្រួលៈ​វាសនា​/​បាងកក​(​បាងកក​ប៉ុស្តិ៍​)៖​បុរស​នៅ​ក្រុង​បាងកក​ម្នាក់​បាន​ស្លាប់​ដោយ​ជំងឺ​កូវី​ដ​១៩ និង​មនុស្ស​២៣០​នាក់​ទៀត​បាន​ឆ្លង​វីរុស​កូរ៉ូ​ណា​នៅ​ថ្ងៃ​សៅរ៍​ទី​១៦​មករា​នេះ នាំ​អោយ​ចំនួន​ឆ្លង​វីរុស​​ផ្លូវដង្ហើម​នេះ​សរុប​នៅ​ថៃ​ឡើងដល់​១១.៦៨០​នាក់​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានការណ៍​កូវី​ដ​១៩​ថៃ បានអោយដឹងថា បុរស​អាយុ​៦៧​ឆ្នាំ​ដែល​ស្លាប់​នេះ​ធ្លាប់​បាន​កន្លែង​កម្សាន្ត​២​ដង​នៅ​ថ្ងៃ​២១​និង​២៣​ធ្នូ​។​ចាប់ពី​ថ្ងៃ​២៤​ដល់​២៧​ធ្នូ គាត់​បាន​ធ្លាក់​​ខ្លួន​ឈឺ ដូចជា​ក្តៅខ្លួន​និង​ក្អក​។​

​ក្រោយ​ពី​ដឹង​ថា និយោជិត​ម្នាក់​នៅ​កន្លែង​កម្សាន្ត​នេះ​ឆ្លងកូវី​ដ​១៩ បុរស​វ័យ​ចំណាស់​នេះ​បាន​ទៅ​ពិនិត្យ​សុខភាព​និង​ឃើញកូ​វីដ​១៩​កាលពី​ថ្ងៃ​៣០​ធ្នូ​។​កាលពី​ថ្ងៃ​១៤​មករា គាត់​បាន​វិវត្ត​ទៅរលាក​សួត​និង​​ខូច​ក្រលាន​ធ្ងន់ធ្ងរ ហើយ​បាន​ស្លាប់​នៅក្នុង​ថ្ងៃ​ដដែល​នោះ​។​

​អ្នកនាំពាក្យ​បានបញ្ជាក់​ថា ក្នុងចំណោម​ការឆ្លង​ក្នុងស្រុក​ថ្មី មាន​១៦៥​ករណី​នៅ​ខេត្ត​សាមុត សា​ខន និង​១២​ករណី​នៅ​ក្រុង​បាងកក ។​

​នៅ​ទូទាំង​ពិភពលោក​ករណី​ឆ្លង​បាន​កើន​៧៦១.៥៥៤​ករណី​រហូតដល់​៩៤,៣​លាន​នាក់ ហើយ​ការស្លាប់​បាន​កើន​១៤.៨១៦​នាក់​ទៀត​រហូតដល់​ចំនួន​២,០១​លាន​នាក់​។ អាម៉េរិក​នាំមុខគេ ដោយ​ករណី​ឆ្លង​​កើន​ដល់​២៤,១​លាន​នាក់ និង​ឥណ្ឌា​នៅ​ចំណា​ត់ទី​២ គឺ​១០,៥៤​លាន​នាក់ ៕

ទីតាំងផ្សាយពាណិជ្ជកម្ម

- Advertisment -

Most Popular