Home ព័ត៌មានជាតិ សន្តិសុខ បុរស​ម្នាក់ រ...

បុរស​ម្នាក់ របួសធ្ងន់ ដោយសារ​បើក​ឡំ​ប្រឺ​តា បុក​របាំង​ថ្ម ពុះ​ចែកផ្លូវ​

ដោយៈ ស​រិ​ទ្ធ​ / ​ភ្នំពេញៈ បុរស​ម្នាក់ បាន​បើក​ម៉ូតូ​ឡំ​ប្រឺ​តា ក្នុង​ល្បឿន​លឿន រេ​ចង្កូត​បុក​របាំង​ថ្ម ពុះ​ចែក​ទ្រូងផ្លូវ រួច​បន្ត​មក​បុក​រថយន្ត BMW ដែល​ចត​ទុក នៅមុខ​កន្លែង​លក់ ស​ម្ការ​បន្ទប់ទឹក យីហោ អាមេរិកាំង ស្តង់ដា បណ្តាល​ឲ្យ​រងរបួស​ធ្ងន់​។ ហេតុការណ៍ គ្រោះថ្នាក់​ចរាចរណ៍​នេះ បានកើត​ឡើង នៅវេលា​ម៉ោង ១០ និង ២០ នាទី យប់​ថ្ងៃទី ១៦ ខែមករា ឆ្នាំ​២០២១ នៅតាម​បណ្ដោយ​ផ្លូវ សហព័ន្ធរុស្ស៊ី ក្នុង​សង្កាត់​ទឹកល្អក់​ទី​៣ ខណ្ឌទួលគោក​។​

​តាម​ប្រភពព័ត៌មាន ពី​កន្លែងកើតហេតុ បានឱ្យដឹងថា មុនពេល​កើតហេតុ គេ​ឃើញ​មាន​ម៉ូតូ​ឡំ​ប្រឺ​តា មួយគ្រឿង ពណ៌ ស ពាក់ស្លាក​លេខ កណ្តាល 1AH-8341 បើកបរ​ដោយ​បុរស​ម្នាក់ ចុះ​ពីលើ​ស្ពាន​អាកាស ៥ មករា ក្នុងទិសដៅ ពី​ខាងលិច ទៅខាង​កើត ខណៈ​មកដល់​ចំណុចកើតហេតុ ស្រាប់តែ​រេ​ចង្កូត ទៅបុក​នឹង​របាំង​ថ្ម ពុះ​ចែក​ទ្រូងផ្លូវ បណ្ដាល​ឲ្យ​ម្ចាស់​ម៉ូតូ​ឡំ​ប្រឺ​តា ធ្លាក់​ពីលើ​ម៉ូតូ រងរបួស​ធ្ងន់ ត្រូវបាន​បញ្ជូន​ទៅកាន់​មន្ទីរពេទ្យ​ភ្លាមៗ ។ ចំណែកឯ​ម៉ូតូ​ឡំ​ប្រឺ​តា មិនទាន់​អស់​ល្បឿន ក៏បាន​ជ្រុល​ទៅ បុក​នឹង​រថយន្ត BMW ពណ៌​ខ្មៅ ពាក់​ស្លាក​លេខ ភ្នំពេញ 2AF-6081 ដែល​ចត​ទុក​នៅខាងមុខ កន្លែង​លក់ស​ម្ការ​បន្ទប់ទឹក យីហោ អាមេរិកាំង ស្តង់ដា បណ្ដាលឱ្យ​រង​ការខូចខាត ផ្នែក​ខាងមុខ ចំហៀង​ខាងស្តាំ យ៉ាងដំណំ​។​

​ក្រោយពេល​កើតហេតុ សមត្ថកិច្ច​មូលដ្ឋាន បានមក​ដល់ ហើយ​បាន​ទាក់ទង ទៅ​សមត្ថកិច្ច​ជំនាញ​ចរាចរណ៍ ធ្វើការ​វាស់វែង យក​រថយន្ត និង​ម៉ូតូ​ឡំ​ប្រឺ​តា ទៅ​រក្សាទុក នៅ​អធិការដ្ឋាន​នគរបាល ខណ្ឌទួលគោក រង់ចាំ​ដោះស្រាយ ពេល​ក្រោយ​តាមផ្លូវ​ច្បាប់ ៕/V​

បុរស​ម្នាក់ របួសធ្ងន់ ដោយសារ​បើក​ឡំ​ប្រឺ​តា បុក​របាំង​ថ្ម ពុះ​ចែកផ្លូវ​

បុរស​ម្នាក់ របួសធ្ងន់ ដោយសារ​បើក​ឡំ​ប្រឺ​តា បុក​របាំង​ថ្ម ពុះ​ចែកផ្លូវ​

បុរស​ម្នាក់ របួសធ្ងន់ ដោយសារ​បើក​ឡំ​ប្រឺ​តា បុក​របាំង​ថ្ម ពុះ​ចែកផ្លូវ​

ទីតាំងផ្សាយពាណិជ្ជកម្ម

- Advertisment -

Most Popular