Home ព័ត៌មានជាតិ សន្តិសុខ ប៉ូលិស បញ្ជូន...

ប៉ូលិស បញ្ជូន​ជនសង្ស័យ​ម្នាក់ ទៅ​តុលាការ ពីបទ រំលោភ​ទំនុកចិត្ត​

​ដោយៈ គ្រញូង / បាត់ដំបងៈ នគរបាល​ការិយាល័យ ព្រហ្មទណ្ឌ​កម្រិត​ស្រាល​ខេត្ត កាលពី​ព្រឹក​ថ្ងៃទី​១៦ ខែមករា ឆ្នាំ​២០២១ បាន​បញ្ជូន​ជនសង្ស័យ​ម្នាក់ ទៅ​តុលាការ ពីបទ​រំលោភ​ទំនុកចិត្ត​។ ជនសង្ស័យ​រូបនេះ ត្រូវ​កម្លាំង​ការិយាល័យ នគរបាល ព្រហ្មទណ្ឌ​កម្រិត​ស្រាល សហកា​ជាមួយ​កម្លាំង ក្រុម​អន្តរាគមន៍​បង្ការ បង្ក្រាប ឃាត់ខ្លួន​បាន កាលពី​យប់​ថ្ងៃទី​១៤ មករា នៅ​ភូមិ​កំពង់ក្របី សង្កាត់​ស្វាយប៉ោ ក្រុង​បាត់ដំបង ។​

​លោក​វរសេនីយ៍ឯក ឈឿង គឹម​សុង នាយការិយាល័យ​ការិយាល័យ ព្រហ្មទណ្ឌ​កម្រិត​ស្រាល​ខេត្ត បានឱ្យដឹងថាៈ ជនសង្ស័យ ឈ្មោះ អៀ​ប វុ​ទ្ធា​រ៉ា ហៅ វៀត ភេទ​ប្រុស អាយុ​២៨​ឆ្នាំ មាន​លំនៅ មិន​ពិតប្រាកដ​។​

​លោក បាន​ជម្រាបជូន​ថាៈ កាលពី​ព្រឹក​ថ្ងៃទី​១៣ ខែមករា​នេះ នៅ​ចំណុច​ភូមិ​ស្តី​លើ ឃុំ​ព្រែក​នរិន្ទ ស្រុក​ឯក​ភ្នំ ជនសង្ស័យ បាន​ខ្ចី​ម៉ូតូ ពី​ជនរងគ្រោះ​ឈ្មោះ មាឃ រតនា ហៅ ស្នា ភេទ​ប្រុស អាយុ​៣៦​ឆ្នាំ បច្ចុប្បន្ន ស្នាក់នៅ​អាហារ​ដ្ឋា​ន យីហោ កូន​ពុក ស្ថិតនៅ​ក្នុងភូមិ​រតនៈ សង្កាត់​រតនៈ​ក្រុង​បាត់ដំបង​។ ក្រោយពី​ខ្ចី​បាន​ហើយ ជនសង្ស័យ បាន​ជិះ​យក​ម៉ូតូ ទៅ​បាត់​រហូត មិនបាន​យកមក​ប្រគល់ ជូន​ម្ចាស់​វិញ​ទេ​។​

​ដោយ​បាត់​យូរ និង​មិនមាន​ទំនាក់ទំនង ចំពោះ​ករណីនេះ ជនរងគ្រោះ បានដាក់​ពាក្យបណ្តឹង ចូលមក​សមត្ថកិច្ច នគរបាល ដើម្បី​ចាត់វិធានការ តាមផ្លូវ​ច្បាប់​។ ឆ្លង​តាមរយៈ​ការស្រាវជ្រាវ ទើប​សមត្ថកិច្ច ឃាត់ខ្លួន​ជនសង្ស័យ ខាងលើ និង​ដកហូត​ម៉ូតូ ១​គ្រឿង ម៉ាក​ហុងដា ស្កូ​ពី ពណ៌​ស ស៊េរី​ឆ្នាំ​២០១៩ លេខ​តួ​ម៉ាស៊ីន KTII0DE 8104702 គ្មាន​ស្លាក​លេខ (​ប្រគល់ជូន​ជនរងគ្រោះ​វិញ​។​

​បច្ចុប្បន្ន ការិយាល័យ​ជំនាញ បានរៀបចំ​សំណុំរឿង បញ្ជូន​ជនសង្ស័យ ទៅ​សាលាដំបូង ខេត្តបាត់ដំបង ចាត់ការ​បន្ត តាម​នីតិវិធី​៕/V

ទីតាំងផ្សាយពាណិជ្ជកម្ម

- Advertisment -

Most Popular