Home ព័ត៌មានសំខាន់ៗ ស្នងការរង​នគរ...

ស្នងការរង​នគរបាល​ខេត្តកណ្តាល​ត្រូវ​ទទួល​ការព្រមាន​លើក​ទី​១ រឿង​ល្មើស​វិន័យ​កងកម្លាំង​នគរបាលជាតិ​

​ដោយៈ​ស​រិ​ទ្ធ​/​កណ្តាល​: លោក​អុល ប៊ុណ្ណា ស្នងការរង​នៃ​ស្នងការដ្ឋាន​នគរបាល​ស្នងការរង​ខេត្តកណ្តាល​បាន​ត្រូវ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ចេញ​លិខិត ព្រមាន​លើក​ទី​១ពាក់ ព័ន្ធ​ករណី​ល្មើស​វិន័យ​របស់​កងកម្លាំង​នគរបាលជាតិ​។

​នៅក្នុង​លិខិត​របស់​សម្ដេច​ក្រឡាហោម​សខេង​ចុះ​ថ្ងៃទី​១១ ខែមករា ឆ្នាំ​២០២១ កន្លងទៅ គឺ​យោងតាម​សំណើ​របស់​អគ្គស្នងការ នៃ​អគ្គស្នងការដ្ឋាន​នគរ​បាល​ជាតិ បានសម្រេច​អនុវត្ត​វិន័យ​ក្រោមរូបភាព ព្រមាន​លើក​ទី​១ ចំពោះ​ឧ​ត្ត​ម​សេនីយ៍​ត្រី អុល ប៊ុណ្ណា អត្តលេខ ៦១៧៤៣ ស្នងការរង នៃ​ស្នងការដ្ឋាន​នគរបាល​ខេត្តកណ្តាល ដោយ​មូលហេតុ ល្មើស​វិន័យ​របស់​កងកម្លាំង​នគរបាលជាតិ​។ សាមីខ្លួន​ត្រូវ​កែប្រែ​នូវ​កំហុសឆ្គង​ឱ្យបាន​ត្រឹមត្រូវ ។ ក្នុងករណី​នៅតែ​ប្រព្រឹត្ត​ផ្ទុយ​ពី​ការណែនាំ​ទៀត​នោះ នឹង​ចាត់វិធានការ​តាម​វិន័យ​របស់​កងកម្លាំង​នគរបាលជាតិ ។

អគ្គលេខាធិការ នៃ​អគ្គលេខាធិការដ្ឋាន អគ្គស្នងការ នៃ​អគ្គស្នងការដ្ឋាន​នគរ​បាល​ជាតិ អភិបាល នៃ​គណៈ​អភិបាលខេត្ត​កណ្តាល ប្រធាន​នាយកដ្ឋាន​បុគ្គលិក ស្នងការ នៃ​ស្នងការដ្ឋាន​នគរបាល ខេត្តកណ្តាល និង​សាមីខ្លួន​ដែលមាន​ឈ្មោះ ត្រូវអនុវត្ត​តាមប្រកាសនេះ ចាប់ពី​ថ្ងៃ​ចុះ ហត្ថលេខា​តទៅ ។​

​សូម​រំលឹក​ផងដែរ​ថា លោក​ស្នងការរង អុល​ប៊ុណ្ណា ធ្លាប់​ប្រព្រឹត្ត​នូវ​កំហុស​មួយចំនួន​ដូចជា ករណី​យក​រថយន្ត​ពន្លត់​អគ្គិភ័យ​របស់​អង្គភាព ទៅ​បម្រើ​ការជួល​ឲ្យ​ឯកជន និង​ធ្លាប់​ប្រើប្រាស់​ឈ្មោះ​អ្នកធំ​រកស៊ី​ដី និង​រត់ការ​ជាដើម​៕

ទីតាំងផ្សាយពាណិជ្ជកម្ម

- Advertisment -

Most Popular