Home ព័ត៌មានអន្តរជាតិ កាំជ្រួច​អ៊ីរ...

កាំជ្រួច​អ៊ីរ៉ង់​ធ្លាក់​នៅ​ចម្ងាយ​១៥០​គីឡូម៉ែត្រ​ពី​នាវា​ដឹក​យន្តហោះ​អាម៉េរិក​

​ប្រែ​សម្រួលៈ​វាសនា​/​មូ​ស្គូ​៖​សារព័ត៌មាន​អ៊ីរ៉ង់​បាន​រាយការណ៍​ថា កង​ឆ្មាំ​បដិវត្តន៍​អ៊ីរ៉ង់ បាន​បាញ់​កាំជ្រួច​ចម្ងាយ​ឆ្ងាយ​ជាច្រើន​ជា​ផ្នែក​នៃ​សមយុទ្ធ​យោធា​ប្រចាំឆ្នាំ ដោយ​អាច​ហោះ​ទៅដល់​គោលដៅ​ចម្ងាយ​១.៦០០​គីឡូម៉ែត្រ​។​

​ប្រភព​ព័ត៌មាន​បាន​និយាយថា កាំជ្រួច​របស់​អ៊ីរ៉ង់​បាន​ធ្លាក់​នៅ​ចម្ងាយ​១០០​ម៉ៃល៍​(១៦០​គីឡូម៉ែត្រ​)​ពី​នាវា​ផ្ទុក​យន្តហោះ​អាម៉េរិក​USS Nimitz​និង​នៅ​ចម្ងាយ​ប្រមាណ​តែ​៣០​គីឡូម៉ែត្រ​ពី​នាវា​ពាណិជ្ជកម្ម​​មួយ​។​

​មន្ត្រី​អាម៉េរិក​សុំ​មិន​បញ្ចេញ​ឈ្មោះ​បាន​ប្រាប់​សារព័ត៌មាន​Fox News​ថា «​គ្រាប់​រ៉ុក្កែត​២​បាន​ផ្ទុះ​នៅពេល​វា​ប៉ះ​ទឹក​នៅ​មហាសមុទ្រ​ឥណ្ឌា​នៅ​ចម្ងាយ​៣០​គីឡូម៉ែត្រ​ពី​នាវា​ពាណិជ្ជកម្ម​មួយ តែ​មិនឃើញ​មានការ​​គំរាម​ណាមួយ​ដល់​យោធា​អាម៉េរិក​ទេ​»​។​

​ក្នុងពេល​ជាមួយគ្នា បណ្តា​ផ្កាយរណប​ឈ្លប​យកការណ៍​អាម៉េរិក​បាន​តាមដាន​ការបាញ់​កាំជ្រួច​ចេញពី​អ៊ីរ៉ង់​ផងដែរ ។​

​កាលពី​ថ្ងៃ​សៅរ៍ ប្រព័ន្ធ​ផ្សព្វផ្សាយ​អ៊ីរ៉ង់​បាន​រាយការណ៍​ថា អ៊ីរ៉ង់​បាន​បាញ់​កាំជ្រួច​ជា​ផ្នែក​នៃ​សមយុទ្ធ​យោធា​ប្រចាំឆ្នាំ​របស់​ខ្លួន ដោយ​ធ្លាក់ចំ​គោលដៅ​នៅ​ចម្ងាយ​ជាង​១.៦០០​គីឡូម៉ែត្រ​។​មុន​នេះ​មួយ​ថ្ងៃ គេ​ថា​​នាវាមុជទឹក​អ៊ីរ៉ង់​ក៏​បាន​បាញ់​កាំជ្រួច​បណ្តែត​នៅ​ឈូង​សមុទ្រ​អូ​ម៉ង់​៕

​អ៊ីរ៉ង់​បាញ់​ហ្វឹកហាត់​បាញ់​កាំជ្រួច​និង​ប្រើ​ដ្រូ​ន​កាលពី​ថ្ងៃ​សុក្រ ក្នុង​សមយុទ្ធ​យោធា​លើក​ទី​៣​ក្នុង​រយៈពេល​មិន​ដល់​២​សប្តាហ៍​

​នាវា USS Nimitz​ត្រូវបាន​បញ្ជូន​ទៅ​កាន់​ឈូង​សមុទ្រ​កាលពី​ខែ​មេសា​ឆ្នាំ​២០២០ និង​ត្រូវបាន​បញ្ជា​អោយ​បន្ត​ស្ថិតនៅ​ទីនោះ​ចំ​ពេល​មាន​ការបារម្ភ​ខ្លាចក្រែង​អ៊ីរ៉ង់​វាយប្រហារ​សងសឹក​ការសម្លាប់​ឧត្តម​​សេនីយ៍​របស់​ខ្លួន​ម្នាក់​កាល​ពី​មួយ​ឆ្នាំ​មុន​

 

ទីតាំងផ្សាយពាណិជ្ជកម្ម

- Advertisment -

Most Popular