Home ព័ត៌មានអន្តរជាតិ ថ្ងៃនេះ​ថៃ​ឆ្...

ថ្ងៃនេះ​ថៃ​ឆ្លងកូវី​ដ​១៩ កើនឡើង​ដល់​៣៧៤​នាក់

ប្រែ​សម្រួលៈ​វាសនា​/​បាងកក​៖​ថៃ​កាលពី​ថ្ងៃអាទិត្យ​ទី​១៧​មករា​បាន​រកឃើញ​អ្នក​ឆ្លងកូវី​ដ​១៩​ចំនួន​៣៧៤​នាក់​ទៀត ដែនាំ​អោយ​ប្រទេស​នេះ​មាន​អ្នក​ឆ្លង​ជំងឺ​នេះ​សរុប​១២.០៥៤​នាក់ តែ​មិន​មាន​អ្នកស្លាប់​​ថ្មី​ទេ​គឺ​នៅ​៧០​នាក់​ដដែល​។​

​ក្នុងចំណោម​អ្នក​ឆ្លង​ថ្មី ភាគច្រើន​ជា​កម្មករ​មី​យ៉ាន់​ម៉ា​នៅក្នុង​ខេត្ត​សាមុត សា​ខន​ហើយ​ខេត្ត​ថៃ​ដែល​ឆ្លង​វីរុស​កូរ៉ូណា​ឥឡូវ​កើន​ដល់​៦១ ក្រោយ​ការឆ្លង​បី​ករណី​ត្រូវបាន​រកឃើញ​នៅ​ខេត្ត ផាត​តា​លុង​ដោយ​២​នាក់​ជា​កម្មករ​មី​យ៉ាន់​ម៉ា និង​ម្នាក់​ទៀត​ជា​ពលករ​ឡាវ​។​

​នៅ​ខេត្ត​ត្រា​ង ជនជាតិ​មី​យ៉ាន់​ម៉ា​២​នាក់​ធ្វើការ​នៅ​រោងចក្រ​កែច្នៃ​ជ័រកៅស៊ូ ត្រូវបាន​រកឃើញ​មានកូ​វីដ​១៩​។​

​ក្នុងពេល​ជាមួយគ្នា អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព​កូវី​ដ​១៩​ថៃ បាន​និយាយថា កម្មករ​ចំណាកស្រុក​មិនទាន់​ចុះបញ្ជី​ប្រមាណ​៥០.០០០​នាក់ អាច​បង្ក​ការឆ្លង​រាលដាល​វីរុស​កូរ៉ូណា បើ​ពួកគេ​​ឬ​និយោជក​របស់​គេ​គេ​មិន​ព្រម​ធ្វើតេស្តិ៍​រក​វីរុស ដោយសារ​ខ្លាច​មាន​បញ្ហា​ផ្លូវច្បាប់​នោះ​។​

​លោក​បាន​អំពាវនាវ​អោយ​ពួកគេ​មក​ចុះឈ្មោះ​នៅ​នាយកដ្ឋាន​ការងារ​នៃ​ក្រសួង​ការងារ ឬ​និយោជក​របស់​គេ​ចាត់ចែង​ធ្វើ​រឿងនេះ មុន​ការលើកលែង​ទោស​បច្ចុប្បន្ន​ផុត​កំណត់ពេល​។​

​សូមបញ្ជាក់​ថា រដ្ឋាភិបាល​ថៃ​អនុញ្ញាត​អោយ​កម្មករ​ខុសច្បាប់​ទៅ​ពី​កម្ពុជា មី​យ៉ាន់​ម៉ា​និង​ឡាវ ចុះ​ឈ្មោះ​តាម​អន​ឡាញ​នៅ​នាយកដ្ឋាន​ការងារ​ចាប់ពី​ថ្ងៃ​១៥​មករា​ដល់​១៣​កុម្ភៈ​ដោយ​មិន​យក​ទោសពៃរ៍​អ្វី​ទេ​។​​កម្មវិធី​លើកលែងទោស​នេះ​មាន​បំណង​អនុញ្ញាត​អោយ​អាជ្ញាធរ​តាមដាន​ត្រួតពិនិត្យ​សុខភាព​របស់​ពួកគេ​។​

​ក្រោយ​ចុះ​ឈ្មោះ​ហើយ ពួកគេ​អាច​រស់នៅ​ធ្វើការ​នៅ​ថៃ​បាន​២​ឆ្នាំ ជាមួយ​មនុស្ស​ក្នុងបន្ទុក​ម្នាក់​ដែល​រស់នៅ​ថៃ​ស្រាប់​និង​មាន​អាយុ​ក្រោម​១៨​ឆ្នាំ​៕

​បុរស​ម្នាក់​បាញ់ថ្នាំ​សម្លាប់​មេរោគ​នៅ​សង្កាត់​មួយ​ក្នុង​ក្រុង​បាងកក​កាលពី​ថ្ងៃ​១៤​មករា​

 

ទីតាំងផ្សាយពាណិជ្ជកម្ម

- Advertisment -

Most Popular