Home ព័ត៌មានជាតិ សន្តិសុខ ជិះ​ម៉ូតូ​វ៉ា...

ជិះ​ម៉ូតូ​វ៉ា​ជែង រេ​ចង្កូត​ចូល​ក្រោម​រថយន្ត បណ្តាលឱ្យ​ស្លាប់​ម្នាក់ និង​របួស​ម្នាក់​

ដោយៈ ស​រិ​ទ្ធ / ភ្នំពេញៈ យុវជន​ពីរ​នាក់ ជិះ​ម៉ូតូឌុប​គ្នា វ៉ា​ជែង ជ្រុល​ទៅ​ប៉ះ​ពីក្រោយ​រថយន្ត រេ​ចង្កូត​ឆ្លងផ្លូវ​ទៅបុក ចូល​ក្រោម​រថយន្ត មួយគ្រឿង​ទៀត ក្នុងទិសដៅ​បញ្ច្រាស​គ្នា​បណ្តាល ឲ្យ​ស្លាប់​ម្នាក់ និង​ម្នាក់ទៀត រងរបួស​ស្រាល​។ ហេតុការណ៍ គ្រោះថ្នាក់​ចរាចរណ៍​នេះ បានកើត​ឡើង នៅ​ម៉ោងជាង ៩ យប់ ថ្ងៃទី ១៧ ខែមករា ឆ្នាំ​២០២១ ស្ថិតនៅតាម​ផ្លូវជាតិ លេខ​៥ ក្នុងភូមិ​ឌួង សង្កាត់​ព្រែក​ព្នៅ ខណ្ឌ​ព្រែក​ព្នៅ ។

​សមត្ថកិច្ច បាន​ឲ្យ​ដឹងថាៈ ជនរងគ្រោះ​ដែល​ស្លាប់ មានឈ្មោះ ម៉ុ​ន គួ​ង អាយុ​១៩​ឆ្នាំ មាន​ស្រុកកំណើត នៅ​ភូមិ​បន្ទាយ​ចាស់ ស្រុក​បរសេដ្ឋ ខេត្តកំពង់ស្ពឺ ។

​ប្រភពព័ត៌មាន ពី​ប្រជាពលរដ្ឋ នៅ​កន្លែងកើតហេតុ បាន​ប្រាប់​ឲ្យ​ដឹងថាៈ មុនពេល​កើតហេតុ គេ​បានឃើញ​យុវជន ពីរ​នាក់ បើក​ម៉ូតូឌុប​គ្នា ម៉ាក​ហុងដា ឌ្រី​ម សេ ១២៥ ពាក់​ស្លាក​លេខ បាត់ដំបង 1AD-1820 ធ្វើដំណើរ​តាមផ្លូវ​ជាតិ​លេខ​៥ ក្នុងទិសដៅ​ពី​ខាងត្បូង ទៅខាង​ជើង យ៉ាង​លឿន​។ នៅពេល​មកដល់ ចំណុចកើតហេតុ ម៉ូតូ​នោះ បាន​ទៅ​ប៉ះ​ពីក្រោយ​រថយន្ត នៅខាងមុខ មិន​ចាំ​ម៉ាក រួច​ក៏​ជ្រុល​ចង្កូត ឆ្លងផ្លូវ​ទៅបុក​ចូល​ក្រោម​រថយន្ត ម៉ាក TOYOTA VIGO ពាក់​ស្លាក​លេខ 2AA-2121 ដែល​បើក​ក្នុងទិសដៅ​ពី​ខាងជើង ទៅខាង​ត្បូង ( ទិស​ផ្ទុយគ្នា​) បណ្តាល​ឲ្យ​រថយន្ត កិន​ស្លាប់​ម្នាក់ និង​ម្នាក់ទៀត រងរបួស​ស្រាល ។ ចំណែក អ្នកបើករថយន្ត ត្រូវ​សមត្ថកិច្ច ឃាត់ខ្លួន​បាន​។​

​បន្ទាប់ពី​កើតហេតុ សមត្ថកិច្ច​មូលដ្ឋាន បាន​ទំនាក់ទំនង ទៅ​សមត្ថកិច្ច​ជំនាញ​ចរាចរណ៍ ចុះមក​វាស់វែង យក​ម៉ូតូ និង​រថយន្ត ទៅ រក្សាទុក នៅ​ការិយាល័យ ចរាចរណ៍​ផ្លូវគោក រាជធានី​ភ្នំពេញ រង់ចាំ​ដោះស្រាយ នៅពេល​ក្រោយ​។ ចំណែក​សព ប្រគល់​ឲ្យ​សាច់ញាតិ យកទៅ​ធ្វើបុណ្យ តាម​ប្រពៃណី ៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular