Home ព័ត៌មានសំខាន់ៗ កងកម្លាំង​ការ...

កងកម្លាំង​ការពារ​ព្រំដែន កម្ពុជា​-​ថៃ បន្ត​ទប់ស្កាត់​ពលករ​ខ្មែរ វិល​ពី​ថៃ ហើយ​រត់គេច​ពី​ការ ធ្វើ​ច​ត្តា​ឡី​ស័ក​

ដោយៈ ភ្នំ​ស្វាយ / ព្រំដែន​កម្ពុជា ថៃៈ កងកម្លាំង​យោធា , នគរបាល​ការពារ​ព្រំដែន កម្ពុជា ថៃ នៅ​ខេត្ត​ជាប់​ព្រំដែន ដូចជា បន្ទាយមានជ័យ បាត់ដំបង ប៉ៃលិន ឧ​ត្ត​រ​មានជ័យ ព្រះវិហារ កោះកុង និង​ពោធិសាត់ ពិសេស​គឺ​បាន​ច្រកព្រំដែន​វាលរាប និង​ងាយ​ចេញចូល​បាន​នឹង​បន្ត ទ្រោល ទទួលខុសត្រូវ ការទប់ស្កាត់​ពលករ​ខ្មែរ​វិល​ពី​ថៃ ដែល​ជ្រៀត​ចេញ ហើយ​រត់គេច​ពី ការធ្វើ​ច​ត្តា​ឡី​ស័ក​។​

​កម្លាំង​ទាំងនោះ បាន​ពង្រឹង​ការ​ល្បាត និង​ដាក់​កម្លាំង​ប្រចាំការ តាម​គោលដៅ មុខសញ្ញា ចាស់ និង​មុខសញ្ញា​ថ្មី ក្នុង​ប្រតិបត្តិ​ការទប់ស្កាត់ បង្ក្រាប​ការ​លួច​ជ្រៀត ចេញចូល​ក្នុង​បំណង ចូលរួម​ទប់ស្កាត់ ការរីករាយ​ដាល នៃ​ជំងឺ​កូ​វីដ ១៩ ចូល​សហគមន៍​កម្ពុជា តាមរយៈ​ពលករ ខ្មែរ ដែល​វិលត្រឡប់ ពី​ប្រទេស​ថៃ ជាទី​ដែល​ផ្ទុះ​នូវ ការរីក​រាលដាល ជំងឺ​កូ​វីដ ១៩ នៅក្នុង​សហគមន៍​ពេញទំហឹង​នោះ​។​

​សូម​រំលឹកថា កន្លងមក មាន​ពលករ​ខ្មែរ​មួយចំនួន​តូច លួច​រត់គេច​ពី ការ​ត្រូតពិនិត្យ និង​ធ្វើ​ច​ត្តា​ឡី​ស័ក ក្នុងនោះ មាន​ខ្លះ​បាន​លួច​ឆ្លងដែន តាម​ច្រករបៀង ហើយ​ចូលទៅ ដល់ផ្ទះ និង​សហគមន៍​តែម្តង ។ ខ្លះ​បាន​ប៉ុនប៉ង​ហក់ចុះ ពី​រថយន្តយោធា ដឹក​ពលករ និង​ពី​មណ្ឌល​ច​ត្តា​ឡី​ស័ក ។​

​បើ​គិត​នៅ​បណ្តា​ខេត្ត ឬ​នៅ​ស្រុក ក្រុង​នានា ករណី​ពលករ រត់គេច​ពី​ច​ត្តា​ឡី​ស័ក​មាន​ជា​បន្ត បន្ទាប់ រាប់សិប​នាក់​ហើយ ។ ប៉ុន្តែ​មួយចំនួន ត្រូវ​មន្ត្រី​អាជ្ញាធរ មាន​សមត្ថកិច្ច ជា​ក្រុមការងារ តាម​ទៅ​ចាប់​ដឹក​តាម​ឡានពេទ្យ ត្រឡប់មក​មណ្ឌល​វិញ ។ ដូច​កន្លងមក កម្លាំង​អាវុធហត្ថ នគរបាល មន្ត្រី​អាជ្ញា​ធរមាន​សមត្ថកិច្ច បាន​ប្រើ​គ្រប់​មធ្យោបាយ ដើម្បី​ពង្រឹង​ការគ្រប់គ្រង ត្រួតពិនិត្យ​ពលករ​ខ្មែរ ត្រឡប់​ពី​ប្រទេស​ថៃ ជាទី​ដែល​កូ​វីត ១៩ ផ្ទុះ​ពេញបន្ទុក​នៅក្នុង សហគមន៍ ។​

​ករណី លោក អ៊ុំ រាត្រី អភិបាលខេត្ត​បន្ទាយមានជ័យ និង​ជា​ប្រធាន​គណៈបញ្ជាការ កងឯកភាព​រដ្ឋបាល​ខេត្ត ប្រាប់​កាសែត​រស្មី​កម្ពុជា កាលពី​ព្រលប់​ថ្ងៃទី​១៦ ខែមករា​ថាៈ វិធានការ​ពង្រឹង​សន្តិសុខ និង​ការបង្ការ ទប់ស្កាត់​ពលករ​ខ្មែរ លួច​ជ្រៀត​ឆ្លងដែន​ដោយ​មិន បានធ្វើ​ច​ត្តា​ឡី​ស័ក ឬ​រត់គេច​ពី​ចូល​មណ្ឌល​ធ្វើ​ច​ត្តា​ឡី​ស័ក ត្រូវបាន​បន្ត​ពង្រឹង រឹតបន្តឹង​។ ព្រោះថា ការឆ្លង​កូ​វីដ​១៩ ក្នុង​សហគមន៍​នៅ​ថៃ ក៏​មិនបាន​ធូរស្រាល​។ ឯ​ពលករ​ខ្មែរ​វិល​ពី​ថៃ មក​ធ្វើ​ច​ត្តា​ឡី​ស័ក ក៏​កើន​ដល់ ៤.០០០ នាក់ នៅ​ខេត្តបន្ទាយមានជ័យ​។ ក្នុងនោះ អ្នក​វិជ្ជមាន​កូ​វីដ ១៩ កើន​ដល់ ៣៦ នាក់ ហើយ​ទើប​មាន ៤ នាក់ បាន​សះស្បើយ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular