សត្វ​ក្រៀល​បន្ត​បង្ហាញ​វត្ត​មាននៅ​កម្ពុជា ប៉ុន្តែ​ចំនួន​កំពុងតែ​ថយចុះ

ដោយៈ ជា សីហៈ​/​ភ្នំពេញៈ រហូតមកដល់​ព្រឹក​ថ្ងៃទី​១៨​ខែមករា​នេះ មាន​សត្វ​ក្រៀល​ចំនួន ៥៩​ក្បាល​ហើយ​បាន​ត្រលប់​មកដល់​តំបន់ការពារទេសភាព​អន្លង់​ព្រីង នៅ​ស្រុក​កំពង់ត្រាច ខេត្តកំពត​។ នេះ​បើតាម របាយការណ៍​របស់​អង្គការ​សត្វ​ស្លាប​អន្តរជាតិ​បាន​អះអាង ។

​ប្រភព​ដដែល​បាន​អះអាងថា នៅពេល​នៅពេលនេះ​អង្គការ​សត្វ​ស្លាប​អន្តរជាតិ​កំពុង តែ​សហការ​ជាមួយនឹង ដៃគូរ​កំពុងតែ​ធ្វើ​ជំរឿន​សត្វ​នេះ​នៅ​កម្ពុជា​នៅឡើយ​ទេ ។ តាម​ការ គ្រោងទុក​ចំនួន​នៃ​វត្តមាន​សត្វ​នេះ​នៅ​កម្ពុជា​រំពឹងថា​នឹង​ដឹ​ក្រោយ​ពេលដែល​ជំរឿន​នឹង​បញ្ចប់ នៅក្នុង​រង្វង់​ខែ ឧសភា ខាងមុខ ។

​សូម​ជំរាបជូន​ថា​សត្វ​ក្រៀល​គឺជា​ប្រភេទ​សត្វ​រងគ្រោះ​ឈានទៅរក​ការ​ផុត​ពូជ​វា​មានការ ថយចុះ​ជាខ្លាំង​ក្នុង​រយ​:​ពេល​៧​ឆ្នាំ​ចុង​ក្រោយនេះ លទ្ធផល​ជំរឿន​សត្វ​ក្រៀល ដើមឆ្នាំ​២០២០ មាន​សត្វ​ក្រៀល​ប្រ​ម៉ាណ​តែ​១៩៤​ក្បាល​ប៉ុណ្ណោះ​ដែល​រាប់បាន​។ នា​រដូវ​ពង​កូន​សត្វ ក្រៀល​បំលាស់​ទី​ទៅ​ខេត្តព្រះវិហារ រតនគីរី និង​មណ្ឌល​គី​រី ដើម្បី​កាច់​សំបុក​ពង​កូន​។​

​នៅ​រដូវ​មិន​បន្ត​ពូជ​សត្វ​ក្រៀល​បំលាស់​ទី​មក​តំបន់ដីសើម​ក្នុង​ខេត្តតាកែវ កំពត និង​ខេត្ត​ជុំវិញ បឹង​ទន្លេសាប​ដើម្បី​រក​ចំណី​។ ការបាត់បង់​ទីជម្រក ការរំខាន​ដោយ​សកម្មភាព​មនុស្ស និង​ការ​លួច​ពង​កូន​ពី​សំបុក​គឺជា​កត្តា​គំរាមកំហែង​ដ៏​ចម្បង​ដែល​ធ្វើអោយ​សត្វ​ក្រៀល​មានការ​ថយចុះ​៕​/PC

ទីតាំងផ្សាយពាណិជ្ជកម្ម

- Advertisment -

Most Popular