Home ព័ត៌មានអន្តរជាតិ ចំនួន​អ្នក​ស្...

ចំនួន​អ្នក​ស្លាប់​ពី​អំពើ​ហិង្សា​នៅ​តំបន់​ដា​ហ្វួ​ខាងលិ​ចកើនឡើង​ដល់​៨៣​នាក់​

​ប្រែ​សម្រួល : កញ្ញា​ដា​លី​ស ៖ វេជ្ជបណ្ឌិត​ម្នាក់​និង​បុគ្គលិក​ជំនួយ​ម្នាក់​បាន​និយាយថា​ចំនួន​អ្នក​ស្លាប់​ដោយសារ​អំពើហិង្សា​រវាង​កុលសម្ព័ន្ធ​ជនជាតិ​អារ៉ាប់​និង​មិនមែន​ជនជាតិ​អារ៉ាប់​នៅ​ក្នុង​ខេត្ត​ដា​ហ្វួ​ខាង​​លិច​នៃ​ប្រទេស​ស៊ូដង់​បាន​កើនឡើង​ដល់ ៨៣ នាក់ ក្នុងនោះ​មាន​ស្ត្រី​និង​កុមារ​ផង​ដែរ ខណៈ​អំពើហិង្សា​យូរៗ​ម្តង​បាន​បន្ត​កាលពី​ថ្ងៃអាទិត្យ​ទី​១៧​មករា​។​

​ក្រុមប្រឹក្សារដ្ឋ​ដែល​កំពុងកាន់​អំណាច​បា​ន​ជួបប្រជុំ​កាលពី​ថ្ងៃអាទិត្យ​ហើយ​និយាយ​ថា​កងកម្លាំង​សន្តិសុខ​នឹង​ត្រូវ​ដាក់​ពង្រាយ​នៅ​តំបន់​នោះ​។​

​ការ​ប៉ះទង្គិច​គ្នា​ដ៏​សាហាវ​បាន​កើតឡើង​ចេញពី​ការ​វាយតប់​គ្នា​ដោយ​ដៃ​កាលពី​ថ្ងៃ​សុក្រ​រវាង​មនុស្ស​ពីរ​នាក់​នៅក្នុង​ជំរំ​មួយ​សម្រាប់​ប្រជាជន​ផ្លាស់​ទីលំនៅ​នៅ​ទីក្រុង​ជេ​ណេ​ណា ជាទី​រួម​ខេត្ត​ដា​ហ្វួ​។​បុរស​​ជនជាតិ​អារ៉ាប់​ម្នាក់​ត្រូវ​បាន​ចាក់​សម្លាប់​ហើយ​ក្រុមគ្រួសារ​របស់​គាត់​មក​ពី​កុលសម្ព័ន្ធ​អារ៉ាប់​រី​ហ្ស៊ី​ហ្គាត​បាន​វាយប្រហារ​ប្រជាជ​ន​នៅ​ជំរំ​គ្រីន​ឌី​ង​និង​តំបន់​ផ្សេងទៀត​កាលពី​ថ្ងៃ​សៅរ៍​។​

​ក្នុងចំណោម​អ្នកស្លាប់​មាន​ពលរដ្ឋ​អាម៉េរិក​ម្នាក់​ឈ្មោះ​សា​អ៊ី​ត បា​រ៉ា​កា អាយុ ៣៦ ឆ្នាំ​ដើមកំណើត​នៅ​ទីក្រុង​អា​ត្លង់​តា បាន​មក​ដល់​ប្រទេស​ស៊ូដង់​កាលពី​ជាង ២​ខែ​មុន​ដើម្បី​ទៅ​សួរសុខទុក្ខ​ក្រុមគ្រួសារ​របស់​​គាត់​នៅ​ដា​ហ្វួរ ។​

​ភរិយា​របស់​លោក​បា​រ៉ា​កា​និយាយថា ស្ថានទូត​អាម៉េរិក​ប្រចាំ​នៅ​ទីក្រុង​ខា​ទុំ​បាន​ទូរស័ព្ទ​ទៅ​នាង​ដើម្បី​ចូលរួម​រំលែក​ទុក្ខ​៕

​អ្នក​ស្លាប់​នៅ​ខេត្ត​ដា​ហ្វួ​ខាងលិ​ចកើនឡើង​ដល់ ៨៣ នាក់

ទីតាំងផ្សាយពាណិជ្ជកម្ម

- Advertisment -

Most Popular