Home ព័ត៌មានសំខាន់ៗ បើក​ឆាកប្រយុទ...

បើក​ឆាកប្រយុទ្ធ​ក្នុង​រោងការ : ឃាត់ខ្លួន​ភាគី​កូន​កំលោះ​៤​នាក់ និង​ភាគី​កូនក្រមុំ​២​នាក់​

​ដោយៈ​ស​រិ​ទ្ធ​/​កណ្ដាលៈ ភាគី​កូន​កំលោះ​៤​នាក់ និង​ភាគី​កូនក្រមុំ​២​នាក់ បាន​បើកឆាក​ប្រយុទ្ធ​ផ្អើល​ពេញ​រោងការ ក្រោយពី​ផឹកស៊ី​ស្រវឹង​រៀងៗ​ខ្លួន​នោះ ត្រូវ​សមត្ថកិច្ច​នគរបាល​ប៉ុស្តិ៍​កំពង់​សំណាញ់​ឃាត់ខ្លួន​កាលពី​ម៉ោង​៩​យប់​ថ្ងៃទី​១៧ ខែមករា ឆ្នាំ​២០២១​នៅ​ ក្នុង​រោងការ​ភូមិ​ព្រែ​ករោង​១ សង្កាត់​កំពង់​សំណាញ់ ក្រុង​តាខ្មៅ ខេត្តកណ្តាល​។​

​មន្ត្រីនគរបាល​ក្រុង​តាខ្មៅ​បាន​ឲ្យ​ដឹងថា ជនសង្ស័យ​មាន​២​ក្រុម​រួមមាន​៖ ក្រុមទី​១​ជា​ភាគី​ខាង​កូន​កំលោះ​មាន​គ្នា​៤​នាក់ (​ប្រុស​ទាំងអស់​) មាន​៖ ឈ្មោះ ម៉េ​ត សុ​ភី​ន ភេទ​ប្រុស អាយុ​២២​ឆ្នាំ ជា​កូន​កំលោះ មាន​របួសស្នាម​បែកក្បាល​, ឈ្មោះ ម៉េ​ត លាភ ភេទ​ប្រុស អាយុ​៣០​ឆ្នាំ ត្រូវជា​ពូ​របស់​កូន​កំលោះ​មាន​របួសស្នាម​បែក​សៀតផ្កា​, ឈ្មោះ ងួន សុភា ភេទ​ប្រុស អាយុ​២០​ឆ្នាំ ត្រូវជា​ភ្ញៀវ​​មាន​របួសស្នាម​បែក​ចិញ្ចើម​។ ទាំងបី​នាក់​រស់នៅ​ភូមិ​ព្រែ​កក់ ឃុំ​ព្រៃ​បាក់ ស្រុក​ស្ទឹងត្រង់ ខេត្តកំពង់ចាម មុខរបរ​កម្មករសំណង់​ដូចគ្នា និង​ឈ្មោះ អេង រដ្ឋា អាយុ​២៩​ឆ្នាំ​ទីលំនៅ​ភូមិ​ខ្លា​ក្រ​ហ៊ឹម ឃុំ​អំពិល​ទឹក ស្រុក​កំពង់ត្រឡាច ខេត្តកំពង់ឆ្នាំង មុខរបរ​កម្មករសំណង់ ត្រូវជា​ភ្ញៀវ​មាន​របួសស្នាម​បែកក្បាល​។

​ចំណែក​ក្រុមទី​២ មាន​គ្នា​២​នាក់ (​ប្រុស​ទាំងអស់​) ជា​ភាគី​ខាង​កូនក្រមុំ ៖ ឈ្មោះ​អេង មិនា អាយុ​២២​ឆ្នាំ ត្រូវជា​បងជីដូនមួយ​ខាង​កូនក្រមុំ​មាន​របួសស្នាម​រយះ​ត្រង់​ក​ខាងឆ្វេង និង​-​ឈ្មោះ ផន តុលា អាយុ​២៤​ឆ្នាំ ត្រូវជា​បងជីដូនមួយ​ខាង​កូនក្រមុំ​មាន​របួសស្នាម​ហើម​ត្រង់​ភ្នែក​ខាងស្តាំ​។ ទាំង​២​នាក់​មាន​ទីលំនៅ​ភូមិ​ព្រែក​សំរោង​៣ សង្កាត់​តាខ្មៅ ក្រុង​តាខ្មៅ ខេត្តកណ្តាល មុខរបរ​កម្មករសំណង់ ។​

​ប្រភព​ដដែល​បន្តថា កាលពីពេល​វេលា​ម៉ោង​កើតហេតុ​ខាងលើ មានកម្ម​វិធី​រៀប​មង្គលការ​ដោយមាន​ភ្ញៀវ​ទាំងសងខាង​បាន​ចូលរួម​ផឹកស៊ី​រាំរែក សប្បាយ​គ្រប់គ្នា​។​លុះ​ផឹក​ស្រវឹងធ្លាក់ភ្នែក​រៀងៗ​ខ្លួន ភាគី​ទាំង​២​បាន​ឌឺដង​ដាក់គ្នា​រហូត​ឈ្លោះប្រកែក​គ្នា បាន​យក​កៅអី ចាន កែវ ថូផ្កា គប់​គ្នា​ទៅវិញទៅមក​បណ្តាល​ឲ្យ​មាន​របួសស្នាម​រៀងៗ​ខ្លួន​តែម្តង​។ ក្រោយមក​សមត្ថកិច្ច​ប៉ុស្តិ៍​កំពង់​សំណាញ់​ចុះទៅ​ឃាត់ខ្លួន​ជនសង្ស័យ​ទាំង​២​ក្រុម​យកមក​ចាត់ការ​តាម​នីតិវិធី​តែម្តង ៕សរន


ទីតាំងផ្សាយពាណិជ្ជកម្ម

- Advertisment -

Most Popular