Home ព័ត៌មានសំខាន់ៗ ពាណិជ្ជកម្ម​ក...

ពាណិជ្ជកម្ម​កម្ពុជា​-​កូរ៉េខាងត្បូង​មានតម្លៃ​៨៨៤​លាន​ដុល្លារ​

​ដោយៈ ជា សីហៈ​/​ភ្នំពេញៈ ពាណិជ្ជកម្ម​ទ្វេភាគី​រវាង​កម្ពុជា និង​កូរ៉េខាងត្បូង​នៅ​ឆ្នាំ ២០២០ កន្លងទៅ មានតម្លៃ ៨៨៤​លាន​ដុល្លារ ធ្លាក់ចុះ​ប្រមាណ​ជា ១៤​ភាគរយ បើ​ប្រៀបធៀប​ទៅនឹង​រយៈពេល​ដដែល​កាលពី​ឆ្នាំ​២០១៩​។​

​តួលេខ​ពី​សមាគម​ពាណិជ្ជកម្ម​អន្តរជាតិ​កូរ៉េ​បាន​បង្ហាញថា ចាប់ពី​ខែមករា ដល់​ខែធ្នូ ឆ្នាំ​២០២០ ប្រទេស​កម្ពុជា បាន​នាំចេញ​ផលិតផល​មានតម្លៃ ៣១៧​លាន​ដុល្លារ​ទៅកាន់​ប្រទេស​កូរ៉េខាងត្បូង ធ្លាក់ចុះ ១៨​ភាគរយ​។​

​ទន្ទឹមនឹង​នេះដែរ ប្រទេស​កម្ពុជា​បាន​នាំចូល​ទំនិញ​ពី​ប្រទេស​កូរ៉េខាងត្បូង​ចំនួន ៥៦៧​លាន​ដុល្លារ​ធ្លាក់ចុះ ៥​ភាគរយ​។​

​រហូតមកដល់​ពេលនេះ កម្ពុជា និង​ប្រទេស​កូ​វ៉េ​ខាងត្បូង កំពុងតែ​ចរចា​លើ​កិច្ចព្រមព្រៀង​ពាណិជ្ជកម្ម​សេរី ហើយ​គេ​រំពឹងថា នៅពេលដែល​ភាគី​ទាំងពីរ​សម្រេច​កិច្ចព្រមព្រៀង​នេះ​បាន នោះ ពាណិជ្ជកម្ម​ទ្វេរ​ភាគី​របស់​ប្រទេស​ទាំងពីរ​នឹងមាន​កំណើត​កើនឡើង​ថែមទៀត​។

​ផលិតផល​ដែល​កម្ពុជា​នាំ​ចេញទៅ​ប្រទេស​កូរ៉េខាងត្បូង​ភាគច្រើន​ជា​សម្លៀកបំពាក់ ស្បែកជើង សំភារៈ​ធ្វើដំណើរ និង ផលិតផល​កសិកម្ម​ផ្សេងៗ ហើយ​នាំចូល​មកវិញ​គឺ ភេសជ្ជៈ គ្រឿងបន្លាស់​សម្រាប់​ឧបករណ៍​អេ​ឡិច​ត្រូ​និ​ច យានយន្ត ឧបករណ៍​ផ្ទះបាយ ឱសថ និង​ផលិតផល​ប្លា​ស្ទិ​ក​៕​

ទីតាំងផ្សាយពាណិជ្ជកម្ម

- Advertisment -

Most Popular