Home ព័ត៌មានជាតិ សន្តិសុខ ប៉ូលិស​ចាប់ផ្...

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

​ដោយៈ មុនី​រ័ត្ន / ភ្នំពេញៈ ឧ​ត្ត​ម​សេនីយ៍​ឯក ស ថេត អគ្គ​ស្នងការរង នគរបាលជាតិ និង​ជា​ស្នងការ​នគរបាល រាជធានី​ភ្នំពេញ បាន​ដឹកនាំ​កិច្ចប្រជុំ ដាក់ចេញ​នូវ​វិធានការ​ម៉ឺងម៉ាត់ អនុវត្ត​សេចក្តីណែនាំ របស់​ក្រសួងមហាផ្ទៃ ស្តីពី​ការលុបបំបាត់​ការបង្ក សម្លេង លើស​កម្រិត ពី​យានយន្ត​គ្រប់​ប្រភេទ កែច្នៃ​ខុស​បច្ចេកទេស ខុសច្បាប់​ចរាចរណ៍​ផ្លូវគោក ដើម្បី​បង្ការ​ទប់ស្កាត់ ការរំខាន​ដល់​អារម្មណ៍​ប្រជាពលរដ្ឋ និង​ការប៉ះពាល់ សណ្តាប់ធ្នាប់ សុវត្ថិភាព​សង្គម នៅពេល​គេ​មើលឃើញថា បញ្ហា​ការកែច្នៃ បំពង់​ស៊ី​ម៉ាំង​រថយន្ត ឬ​ម៉ូតូ​មួយចំនួន ខុស​បច្ចេកទេស ត្រូវបាន​ជន​ទំនើង ប្រើប្រាស់​បង្ក​ឱ្យ ប៉ះពាល់​អារម្មណ៍ ប្រជាពលរដ្ឋ កំពុង​ទទួល​ដំណេក នៅពេល​យប់ បាន​នាំឱ្យ​ប្រជាពលរដ្ឋ លើកឡើង​រិះគន់ តាម​បណ្តាញ​ព័ត៌មាន​សង្គម​។​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

​កិច្ចប្រជុំ បានធ្វើ​ឡើង នៅ​រសៀល​ថ្ងៃទី​១៨ ខែមករា ឆ្នាំ​២០២១ នៅ​ស្នងការដ្ឋាន​នគរបាល​រាជធានី​ភ្នំពេញ ក្នុងនោះ​មានការ​អញ្ជើញ​ចូលរួម ពី​លោក​ស្នងការរង លោកនាយ​ការិយាល័យ​ជំនាញ និង​លោក​អធិការ នៃ​អធិការដ្ឋាន​នគរបាល​ខណ្ឌ ទាំង​១៤ ក្នុង​រាជធានី​ភ្នំពេញ​។​

​ស្នងការ​នគរបាល រាជធានី​ភ្នំពេញ បាន​ណែនាំ​ដល់​លោក អធិការនគរបាល​ខ​ណ្ឌ ទាំង​១៤ និង​លោកនាយ ការិយាល័យ​ជំនាញ ពាក់ព័ន្ធ នៅពេល​ចុះ​អនុវត្ត ត្រូវ​ធ្វើឱ្យបាន​ត្រឹមត្រូវ តាមច្បាប់​ចរាចរណ៍​ផ្លូវគោក និង​ធ្វើ​ជាទូទៅ ចំពោះ​យានយន្ត​គ្រប់​ប្រភេទ ដែល​រកឃើញថា មានការ​កែច្នៃ ខុស​បច្ចេកទេស ខុសច្បាប់​។ ជាង​នេះ​ថែមទៀត ត្រូវ​ចុះ​ណែនាំ​ទីតាំង​កែច្នៃ បំពង់​ស៊ី​ម៉ាំង​យានយន្ត ខុស​បច្ចេកទេស ខុសច្បាប់ ឱ្យ​បញ្ឈប់ ហើយ​ការណែនាំ ដោយ​កាយវិកា​ទន់ភ្លន់ និង​ពន្យល់​អំពី​ផ្លូវច្បាប់ ក៏ដូចជា ផលប៉ះពាល់ ពី​ការប្រើប្រាស់ សម្លេង​លើស​កម្រិត​។​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

​ឧ​ត្ត​ម​សេនីយ៍​ឯក ស ថេត ក៏បាន​ណែនាំ​ដល់​មន្ត្រីក្រោមឱវាទ​ថា ការចុះអនុវត្ត​នេះ ត្រូវធ្វើ​កុំឱ្យ​លើស តាម​សេចក្តីណែនាំ របស់​ក្រសួងមហាផ្ទៃ និង​លើសពី គោលការណ៍​ច្បាប់ ដើម្បី​ចៀសវាង​កុំឱ្យ​រង ការរិះគន់​ពី​ប្រជាពលរដ្ឋ​។ ការចុះអនុវត្ត​នោះ​ផងដែរ ក៏ត្រូវ​ពង្រឹង​ទប់ស្កាត់ ចំពោះ​ក្មេង​ទំនើង ជិះ​ម៉ូតូ​បង្ហោះ តាមផ្លូវ​សាធារណៈ ប៉ះពាល់​សណ្តាប់​សង្គម ដោយ​ឃាត់​ចាប់ យកមក​អប់រំ ហើយ​អញ្ជើញ​អាណាព្យាបាល ឱ្យមក​ទទួល​និង​យកទៅ​អប់រំ​បន្ត​។​

​សូមបញ្ជាក់ថា ក្នុង​កិច្ចប្រជុំ លោក​អធិការ នៃ​អធិការដ្ឋាន​នគរបាល​ខណ្ឌ និង​លោក​ស្នងការរង មួយចំនួន ក៏បាន​លើកឡើង ពី​បញ្ហា​ប្រឈម និង​ការយក សេចក្តីណែនាំ នៃ​ខ្លឹមសារ​កិច្ចប្រជុំ ទៅ​អនុវត្ត​ឱ្យចំ​ទិសដៅ​ការងារ ដើម្បី​ចុះ​អនុវត្ត លើ​ការលុបបំបាត់ ការបង្ក​សម្លេង​រំខាន លើស​កម្រិត ដោយ​យានយន្ត គ្រប់​ប្រភេទ ឱ្យមាន​ប្រសិទ្ធភាព​៕/V​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

ប៉ូលិស​ចាប់ផ្តើម​រឹតបន្តឹង លុប​បាត់​យានយន្ត បង្ក​សម្លេង​លើស​កម្រិត​កែច្នៃ ខុស​បច្ចេកទេស​

ទីតាំងផ្សាយពាណិជ្ជកម្ម

- Advertisment -

Most Popular