ប្រធាន​រាជបណ្ឌិត្យសភាកម្ពុជា​ថ្លែងថា​ឈើ​ធ្នង់​គឺជា​ស​ត្រូវជាមួយ​ប្រជាជន​កម្ពុជា​

ដោយៈ​តារា​រិ​ទ្ធ​/​ភ្នំពេញ​៖លោក​បណ្ឌិត សុខ ទូច ប្រធាន​រាជបណ្ឌិត្យសភាកម្ពុជា​បាន​ថ្លែងថា​វា​ជា​អកុសល​ណាស់​ដើម​ធ្នង់​គឺជា​សត្រូវ​ជាមួយ​ប្រជាជន​នៅក្នុង​តំបន់​ឧទ្យាន​ជាតិ តេ​ជោ​សែន​ឫស្សី​ត្រឹប​,​ព្រោះ​នៅពេលដែល​ដើម​ធ្នង់​មាន​អាយុ ២០ ឆ្នាំ ធំ​ប៉ុន​ភ្លៅ​មនុស្ស គឺ​ប្រជាជន​នា​គ្នា​កាប់​គ្មាន​សល់ ១ ស​ប្តា​ហ៌​ពួកគាត់​ចូលទៅ​កាប់​ដើម​ធ្នង់​ក្នុង​រង្វង់​ពី ២ ពាន់​ទៅ​បី​ពាន់​ដើម​ហើយ​ពួកគេ​កាប់​យកតែ​ត្រឹម​មួយ​ម៉ែត្រ​ប៉ុណ្ណោះ​ក្នុង​មួយ​ដើម ។

​លោក​បណ្ឌិត សុខ ទូច បានលើកឡើង​បែបនេះ​នៅក្នុង​ក្នុង​សន្និសីទ​សារព័ត៌មានស្ដីពី​ការអភិរក្ស​ព្រៃឈើ​នៅ​ឧទ្យា នជាតិ​តេ​ជោ​សែន​ឫស្សី​ត្រឹប ដែល​រៀបចំ​ដោយ​អង្គភាព​អ្នក នាំពាក្យ​រាជរដ្ឋាភិបាល​នៅ​ទីស្ដីការគណៈរដ្ឋមន្ត្រី​នា​ព្រឹក​ថ្ងៃទី​១៨ ខែមករា ឆ្នាំ ​២០២១ ។ លោក​បាន​លើកឡើងថា​លោក​ស្រក់​ទឹកភ្នែក​នៅពេលដែល​ឃើញ​ប្រជាជន​គាត់​កាប់ ដើម​ធ្នង់​ដែលជា​ឈើប្រណិត​បែបនេះ ។ ​​លោកបានបន្តថានៅទីនោះផ្ទះប្រជាជន ១៥ ផ្ទះគឺមានឈើធ្នង់គរនៅក្រោយផ្ទះទាំង១៥ ផ្ទះ ។

​លោក​បណ្ឌិត សុខ ទូច បាន​បញ្ជាក់ថា​ប្រជាពលរដ្ឋ​ដែល​រស់នៅក្នុង​ឧទ្យាន​ជាតិ​ខាងលើនេះ​ភាគច្រើន​ប្រកបមុខ របរ​កាប់​ព្រៃឈើ​ដើម្បី​យក​ឈើ​លក់​ឱ្យ​ឈ្មួញ​និង​ដើម្បី​យក​ជ័រ លក់​(​ជ័រ​ច្បោះ​) ដែលនាំឱ្យ​មានការ​បាត់​បង់​ព្រៃឈើ​អស់​ជាច្រើន ។ក្រៅពីនេះ​ពួកគាត់​ក៏​តែងតែ​កាប់​រាន​ព្រៃឈើ​នៅ​រដូវប្រាំង​មាន​ទាំង​ការដុត​បំផ្លាញ​ព្រៃ​ដើម្បី​យក​ដី​ធ្វើស្រែនៅ​រដូវវស្សា​ដែលជា​ហេតុ​នាំឱ្យមាន​ភ្លើង​ឆេះ​ព្រៃ​ជា​ញឹកញាប់​។​ដោយ​ឃើញ​នូវ​សកម្មភាព​ខុសច្បាប់​ដែល​នាំ ទៅដល់​ភាពហិនហោច​ព្រៃឈើ​នៅក្នុង​ឧទ្យាន​ជាតិ​យ៉ាងដូច្នេះ​ហើយ​រាជបណ្ឌិត្យសភាកម្ពុជា​ក៏បាន​សហការ​ជាមួយ​អាជ្ញាធរខេត្ត​-​ស្រុក​និង​មន្ទីរ​-​អង្គភាព​ពាក់ព័ន្ធ​ចុះ​ទប់ស្កាត់ និង អប់រំ​ផ្សព្វផ្សាយ​ដល់​ប្រជាពលរដ្ឋ​ជារឿយៗ​អំពី​បញ្ហា​ទាំងនេះ ព្រមទាំង​រក​ទីតាំង​លំនៅដ្ឋាន​ថ្មី​ជូន​ពួកគាត់​សម្រាប់​ផ្លាស់​ចេញពី​តំបន់​ឧទ្យាន​ជាតិ​នេះ​ដោយផ្ដល់​ដី​អាស្រ័យ​ផល បង្កើតឱ្យមាន​ប្រភពទឹក​ប្រើប្រាស់ដូចជា​ការជីក​អណ្ដូង​ជីកស្រះ ត​បណ្ដាញ​អគ្គិសនី ព្រមទាំង​កសាង ​ឱ្យមាន​ប្រព័ន្ធ​ហេដ្ឋារចនាសម្ព័ន្ធ​នានា​មាន​ផ្លូវថ្នល់ សាលារៀន វត្ត​អារាម ផ្សារ​ជាដើម​ពិសេស​គឺ​រាជបណ្ឌិត្យសភាកម្ពុជា​កំពុង​ខិតខំបង្កើតឱ្យមាន​ឱកាស​កា​រងារ​ជូន​ប្រជាពលរដ្ឋ​នៅ​ទីនោះ​ខណៈ​គោលដៅ​នៅ​ចំពោះមុខ​គឺ​ស្វែង រក​អ្នកវិនិយោគ​លើ​វិស័យ​ទេសចរណ៍​។​

​ឧទ្យាន​ជាតិ​តេ​ជោ​សែន​ឫ​ស្ស៉ី​ត្រឹប​ត្រូវបាន​បង្កើតឡើង​តាមរយៈ​ព្រះរាជក្រឹត្យ​លេខ រស​/​នក​ត​/០៤០១៤/៤៣៦​ចុះ​ថ្ងៃទី​១៧​ខែមេសា​ឆ្នាំ​២០១៤​ដែលមាន​ផ្ទៃដី​សរុប១១,៤៣៥ ហិកតា​ផ្តោត​សំខាន់​លើ​ការអភិរក្ស​ព្រៃឈើ អភិរក្ស​វប្ប ធម៌ ព្រមទាំង​មានការ​អភិវឌ្ឍ​ផងដែរ ។

​លោក​បណ្ឌិត សុខ ទូច បាន​ទម្លាយ​ឱ្យដឹង​ដែរ​ថា​នៅពេល​លោក​រួមជាមួយ​ក្រុម​ឧ​ទ្យា​នុ​រក្ស​ចុះ​ចាប់​សកម្មភាព​ដឹក ឈើ​ក្រុម​ឧ​ទ្យា​នុ​រក្ស​ចង់​កសាង​សំណុំរឿង​បញ្ជូន​ខ្លួន​ពលរដ្ឋ អ្នកប្រព្រឹត្ត​បទល្មើស​ជាក់ស្ដែង​ទាំងនោះ​ទៅ​តុលាការ ប៉ុន្តែ​ដោយ​ការអាណិតអាសូរ​និង​ការគិតគូរ​អំពី​ការរស់នៅ​របស់​ពួកគាត់ លោក​ក៏បាន​អង្វរ​ទៅកាន់​ក្រុម​ឧ​ទ្យា​នុ​រក្ស​ដើម្បី សុំ​កុំឱ្យ​កសាង​សំណុំ​រឿងនេះ​ពីព្រោះ​លោក​យល់ថា​ប្រសិនបើ​ចាប់​ពួកគាត់​ដាក់ពន្ធនាគារ​គ្រួសារ​របស់​ពួកគាត់​នឹង​ជួប​នូវ​ការលំបាក​ដោយ​បាត់បង់​អ្នក​ទីពឹង​ដែល​រកស៊ី​ចិញ្ចឹម គ្រួសារ​ប្រចាំថ្ងៃ ។ ដូច្នេះ​ទើប​លោក​ព្យាយាម​ចរចា​ជាមួយ​ឧ​ទ្យា​នុ​រក​ដើម្បី​ដោះស្រាយ​ជាមួយ​ប្រជាពលរដ្ឋ​តាម​វិធី​ផ្សេង​។​

​លោក​បណ្ឌិត សុខ ទូច បាន​ឲ្យ​ដឹង​ទៀតថា​បច្ចុប្បន្ន​លោក​មាន​ប្រជាពលរដ្ឋ​ចំនួន​៣១ គ្រួសារ​ចូលទៅ​រស់នៅក្នុង​តំបន់​ឧទ្យាន​ជាតិ​តេ​ជោ​សែន​ឫ​ស្ស៉ី​ត្រឹប​ដោយ​ប្រកប​របរ​ធ្វើ ស្រែវស្សា​លើដី​ដែល​កាប់​រាន​ព្រៃ​ពី​រដូវប្រាំង​រួចហើយ​ហើយ​មានការ​ចូល​ព្រៃ​រក​អនុផល​ព្រៃឈើ​ផ្សេងៗ​ដូចជា ដក​ផ្សិត បេះ​ផ្លែ​រពាក់ ជីក​ទំពាំង​ជាដើម​។​មុខរបរ​មួយទៀត​គឺ​កាប់ ឈើ​យក​ជ័រ​ដោយ​ក្នុង​ឈើ​មួយ​ដើម​យកបាន​ជ័រ​ដល់​ទៅ​៥​លីត្រ​ប៉ុន្តែ​ប្រជាពលរដ្ឋ​ទាំងនោះ​ចូលចិត្ត​កាប់រំលំ​ដើមឈើ​ទាំងមូល​ដើម្បី​បាន​ជ័រ​ច្រើនជាង​នេះ ។​

​លោក​បណ្ឌិត​បានលើកឡើង​ថា​លោក​មានបំណង​រៀបចំ​ឧទ្យាន​ជាតិ​តេ​ជោ​សែន​ឫ​ស្ស៉ី​ត្រឹប ទៅជា​តំបន់​ទេសចរណ៍ ៥ ប្រភេទ​៖​ទី​១.​ទេសចរណ៍​បរិស្ថាន ដោយ​ខិតខំ​រក្សា​ព្រៃ ឈើ​និង​សត្វព្រៃ​នៅក្នុង​តំបន់​នោះ ។ ២.​ទេសចរណ៍ វប្ប​ធ៌​ម ដោយសារ​នៅ​ទីនោះ​មាន​បងប្អូន​ជនជាតិ​គួ​យ​រស់​ហើយ​បាន​បន្សល់ទុក​នូវ​វប្ប​ធ៌​ម និង​ប្រពៃណី ដែល​អាច​ឲ្យ​ទេ ស​ចរណ៍​អាច​ស្វែងយល់​ពី​វប្ប​ធ៌​ម​របស់​ជនជាតិភាគតិច​របស់​ផងដែរ ។ ៣.​ទេសចរ​ណ៌​ផលិតផល ។ ទី​៤.​ទេសចរណ៍​សប្ប​និ​ម​ត្តិ​ដោយ​យើង​បង្កើត​ប៉ម​មួយ​នៅ​ចំ​កណ្តាល​ឧ ទ្យា​ន​ដើម្បី​ឲ្យ​ទេសចរណ៍​អាច​គយគន់​មើល​ព្រៃ​ប្រឹក្សា​ក្នុង​រង្វង់ ១ ម៉ឺន​ហិច​តា​បាន​ហើយ​យើង​និង​ធ្វើ​នៅលើ​ភ្នំ​បែក​ចាន​ដែ​ម​មាន​កម្ពស់ ១៧០ ម៉ែត្រ​ពី​និ​វោ​ទឹកសមុទ្រ និង ទី​៥. គឺ​ទេសចរណ៍​លំហែរ​អារម្មណ៍ សម្រាប់​ការសម្រាកលំហែរ​របស់​មនុស្ស​ចាស់ ហើយ​យើង​និង​រក​វិនិយោគ​ទៅ​សាង​សង់ផ្ទះ​លំហែរ​គឺ​ព្រោះ​ទីនោះ​គឺជា​ឋានសួគ៌​នៃ​សុខដុម​នី​យកម្ម​រវាង​មនុស្ស​និង​ធម្មជាតិ ។

​លោក​បណ្ឌិត សុខ ទូច ប្រធាន​រាជបណ្ឌិត្យសភា​ក៏បាន​ឲ្យ​ដឹងផង​ដែរ​ថា​បច្ចុប្បន្ននេះ​លោក​បាន​ចិញ្ចឹម​គោ​យក​ទឹក ដោះ​នៅ​ទីនោះ​ប្រមាណ១០០​ក្បាល ។ចំនួន​គោ​ទាំងនេះ មិនអាច​ផ្គត់ផ្គង់​តាម​តម្រូវការ​អ្នកទិញ​ប្រចាំថ្ងៃ​បានឡើយ​ហេតុនេះ​លោក​ត្រូវការ​គោ​បន្ថែមទៀត​យ៉ាងហោចណាស់​ក៏ ៣០០​ក្បាល​ដែរ​។ លោក​ក៏បាន​ឲ្យ​ដឹងផង​ដែរ​ថា​កា​រវិ​និ យោគ​ទៅលើ​ការចិញ្ចឹម​គោ​យក​ទឹកដោះ​នេះ​លោក​បាន​យក​ប្លង់​ផ្ទះ​ទៅ​ខ្ចីលុយ​ធនាគារដោយសារ​ថា​រាជរដ្ឋាភិបាល​បាន​ជួយ​គោ​៥០​ក្បាល​សម្រាប់​យក​ចិញ្ចឹម​នៅក្នុង​ឧទ្យាន ជាតិ​តេ​ជោ​សែន​ឫស្សី​ត្រឹបប៉ុន្តែ​ដោយសារ​លុយ​នោះ​ធ្លាក់​មក​យឺត​ពេក​លោក​ក៏​សម្រេចចិត្ត​ខ្ចី​ធនាគារ​តែម្តង​។​

​បើតាម​គំនិត​របស់លោក​បណ្ឌិត សុខ ទូច គឺ​លោក​ចង់​ចិញ្ចឹម​គោ​យក​ទឹកដោះ​នេះ​ទៅធ្វើជា​មូល​ធិ​ទឹកដោះគោ​ដើម្បី​ចែកជូន​កូន​ខ្មែរ​ទទួលទាន​ដោយ​ឥតគិតថ្លៃ​និង​ដើម្បី​សរសេរ​សៀវភៅ​ស្តីពី​ការចិញ្ចឹម​គោ​យក​ទឹកដោះ​ដោយ​ដៃ​កូន​ខ្មែរ​ផ្ទាល់​ដំបូង​គេ​ដើម្បី​ទុកជា​ឯកសារ​សម្រាប់​កូន​ខ្មែរ​ជំនាន់​ក្រោយ​។​លោក​ក៏បាន​ច្រានចោល​ចំពោះ​ការ ចោទប្រកាន់ថា​លោក​កំពុង​ធ្វើ​អាជីវកម្ម​ដើម្បី​ប្រយោជន៍​ផ្ទាល់ខ្លួន​នៅក្នុង​ឧទ្យាន​ជាតិ​តេ​ជោ​សែន​ឫស្សី​ត្រឹប ។​

​លោក​បណ្ឌិត សុខ ទូច​ បន្តថា​ដើម្បី​ឲ្យ​ទឹកដោះគោ​ស្រស់​ឫស្សី​ត្រឹប​ផ្គត់ផ្គង់​គ្រប់​តាម​តម្រូវការ​ទីផ្សា​គឺ​រាជ្យ​បណ្ឌិត សភា​កម្ពុជា​ត្រូវការ​ចិញ្ចឹម​គោ​រហូតដល់​៣០០​ ក្បាល​ខណៈ​ប​ច្ចុ ប្បន្ន​មាន​១០០​ក្បាល​តែប៉ុណ្ណោះ ។ លោក សុខ ទូច បាន​គូសបញ្ជាក់ថា​គោ​ឲ្យ​ទឹកដោះ​គឺមាន​រយៈពេល​កំណត់​ម្ដង ៩ ខែ​ប៉ុណ្ណោះ​នឹង​អស់​ទឹកដោះ​សម្រាប់​ផ្គត់ផ្គង់ ។​

​លោក​បណ្ឌិត សុខ ទូច បាន​អះអាងថា​ការអភិរក្ស​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប ពិសេស​ការចិញ្ចឹម​គោ​យក​ទឹកដោះ​នេះ​អាច​ដំណើរការ​ទៅបាន​ដោយសារ​មានការ ជួយ​ជ្រុម​ជ្រែង​ពី​រាជរដ្ឋាភិបាល​បើ​គ្មាន​រាជរដ្ឋាភិបាល​ជួយ​ជ្រុម​ជ្រែង​នោះទេ​មិនអាច​ដំណើរការបាន​មកដល់​ពេលនេះ​ឡើយ​។ ទឹកដោះគោ​ស្រស់​តេ​ជោ​សែន​ឫស្សី​ត្រឹប​ក្រៅពី ផ្គត់ផ្គង់​ទីផ្សារ​ក្នុងស្រុក​ហើយ​នោះ កន្លងមក​ក៏បាន​ចែកចាយ​និង​ផ្ដល់ជូន​ដោយ​ឥតគិតថ្លៃ​ជូន​មណ្ឌលកុមារ​កំព្រា​និង​សិស្សានុសិស្ស​បាន​ចំនួន​១៥,៩៦៣​នាក់​រួចមកហើយ​ផងដែរ ។ លោក សុខ ទូច បានបង្ហាញ​មហិ ច្ឆតា​ដែរ​ថា​នឹង​ជំរុញ​ការផ្គត់ផ្គង់​ទឹកដោះគោ​ស្រស់​នេះ​ទៅកាន់​ទីផ្សារ​ក្រៅ​ស្រុក​ផងដែរ​នាពេល​អនាគត​។​

​សូម​រំលឹកថា​ទឹកដោះគោ​ស្រស់​តេ​ជោ​សែន​ឫស្សី​ត្រឹប​ជា​ទឹកដោះគោ​ស្រស់​សុទ្ធ​១០០​ភាគរយ មិនមាន​បន្ថែម​សារធាតុ​គីមី​ឬ​សារធាតុ​រក្សាទុក​ដែល​នាំ​ឲ្យ​ប៉ះពាល់​ដល់​សុខភាព របស់​អ្នកប្រើប្រាស់​នោះឡើយ​។ ទឹកដោះគោ​នេះ​ពោរពេញ​ដោយ​ប្រូតេអ៊ីន​និង​កាលស្យូម​ខ្ពស់​ជួយ​ដល់​សុខភាព​ជួយ​ដល់​ការលូតលាស់បំប៉ន​ឆ្អឹងប្រាជ្ញា​ឈ្លាសវៃ​។​ក្រៅពី​ការចិ ញ្ចឹម​គោ​យក​ទឹកដោះ​ហើយ​នោះ​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹបក៏មាន​ចិញ្ចឹម​ពពែ​និង​ចៀម​ផងដែរ​។តួលេខ​ដែល​បង្ហាញ​ដោយលោក សុខ ទូច ពពែ​ទិញ​ចូល​សរុប ចំនួន​២២២​ក្បាលញី​១៩១​ក្បាលនិង​ចៀម ចំនួន​១៣៨​ក្បាល ញី​១២៤​ក្បាល​ ។

ប្រធានរាជបណ្ឌិតសភារូបនេះបានប្តេជ្ញាផងដែរថារយៈពេល បីឆ្នាំទៅមុខទៀតលោកនិងធ្វើឲ្យបាននូវអ្វីដែលលោ កបានរៀបចំគម្រោងអភិរក្សនិង អភិវឌ្ឍន៍ឲ្យចេញជារូបរៀងឡើងតាមរយៈកែប្រៃទម្លាប់ប្រជាជននៅតំបន់នោះ ដោយប្តូរមុខរបរ និង បង្កើតមុខរបរថ្មីនៅទីនោះ តាមរយៈការរុញវិស័យទេសចរណ៍ទៅក្នុងតំបន់នោះ ៕​

ទីតាំងផ្សាយពាណិជ្ជកម្ម

- Advertisment -

Most Popular