Home ព័ត៌មានជាតិ សន្តិសុខ ស្ត្រី​២​នាក់...

ស្ត្រី​២​នាក់​បាន​ស្លាប់ ព្រោះតែ​ជួយ​សត្វ​ឆ្កែរ​របស់ខ្លួន​លង់ទឹក

ដោយ​: វណ្ណៈ / ព្រះសីហនុ​: សមត្ថកិច្ច​មូលដ្ឋាន​បាន​ប្រាប់ថា ស្ត្រី​២​នាក់​ម្តាយ​និង​កូន​លង់ទឹក​ស្លាប់ នៅ​ចំណុច​ព្រែក​កណ្ដាល ស្រះ​ចិញ្ចឹម​ត្រី មួយកន្លែង វេលា​ម៉ោង​០៤:៣០​នាទី ថ្ងៃទី​១៨ ខែមករា ឆ្នាំ​២០២១ ស្ថិតនៅ​ក្នុងភូមិ​ដើមថ្កូវ សង្កាត់​កោះរ៉ុង ក្រុង​កោះរ៉ុង ខេត្ត​ព្រះសីហនុ ព្រោះតែ​ចុះជួយ​សត្វ​ឆ្កែ លង់ទឹក​។​

​សមត្ថកិច្ច​បាន​ថ្លែង​ប្រាប់ថា សាកសព​មានឈ្មោះ មិន សុភាព ភេទ​ស្រី អាយុ ៤០​ឆ្នាំ ត្រូវជា​ម្ដាយ និង ឈ្មោះ យឹម គឹម​មួយ ភេទ​ស្រី អាយុ​១៦​ឆ្នាំ​ត្រូវជា​កូន រស់នៅ​ភូមិ​កើតហេតុ​ខាងលើ​។​

​សាក្សី​នៅ​ជិត​កន្លែងកើតហេតុ បាន​ប្រាប់​សមត្ថកិច្ច​ថា​នៅវេលា​ម៉ោង​១៤:៣០​នាទី បានឃើញ​ម្ដាយ​និង​កូន​ជិះ​ម៉ូតូ​ចូលទៅ​កន្លែងកើតហេតុ​(​ស្រះ​ចិញ្ចឹម​ត្រី​) តាម​ការសង្ស័យ​មូលហេតុ​ខាងលើ បណ្ដាលមកពី​ឆ្កែ​ធ្លាក់ចូល​ក្នុង​ស្រះ ហើយ​ម្ដាយ​និង​កូន​ព្យាយាម​ជួយ ទើប​បណ្ដាល​ឲ្យ​លង់ទឹក​ស្លាប់​ទាំងពីរ​នាក់​ដូច្នេះ​។​

​សាកសព​ជនរងគ្រោះ​ទាំងពីរ បាន​ប្រគល់ជូន​ក្រុមគ្រួសារ​ធ្វើបុណ្យ​តាម​ប្រពៃណី បន្ទាប់ពី​សមត្ថកិច្ច​ជំនាញ​កោសល្យ​វិ​ច្ច័​យ​រួចរាល់​៕​

ទីតាំងផ្សាយពាណិជ្ជកម្ម

- Advertisment -

Most Popular