Home ព័ត៌មានជាតិ សន្តិសុខ មន្ត្រី​ជំនាញ...

មន្ត្រី​ជំនាញ​រកឃើញ​គ្រឿងសំអាង និង​ឡេ​មួយចំនួន​មាន​ដាក់លក់​នៅក្នុង​ផ្សារ​ប៉ា​ហ៊ី​ខេត្ត​ប៉ៃលិន​

ដោយ​: ភ្នំ​ខៀវ / ប៉ៃលិន​: មន្ត្រី​ជំនាញ​ចុះ​ពិនិត្យ​រកឃើញ​គ្រឿងសំអាង និង​ឡេ​មួយចំនួន ដែល​អា​ជីករ​បន្លំ​ដាក់លក់​នៅក្នុង​ផ្សារ​ប៉ា​ហ៊ី​ខេត្ត​ប៉ៃលិន​។​

​លោក ឈឹម វាសនា ប្រធាន​សាខា​ការពារ​អ្នកប្រើប្រាស់ កិច្ច​ប្រកួតប្រជែង និង​បង្ក្រាប​ការ​ក្លែងបន្លំ ក​.​ប​.​ប ខេត្ត​ប៉ៃលិន​បាន​ប្រាប់​ឲ្យ​ដឹងថា ក្នុងការ​ឆ្មក់​ចុះ​ត្រួតពិនិត្យ​ចំណីអាហារ​នៅក្នុង​ផ្សារ​ប៉ា​ហ៊ី ខេត្ត​ប៉ៃលិន​នៅ​ថ្ងៃ ១៨ ខែមករា ឆ្នាំ​២០២១​នេះ​មន្ត្រី​ជំនាញ​បាន​រកឃើញ​គ្រឿងសំអាង និង​ផលិតផល​ឡេ​មួយចំនួនទៀត​ត្រូវបាន​ក្រុម​អា​ជីករ​បន្លំ​ភ្នែក​ដាក់លក់​ឲ្យ​អតិថិជន​ប្រជាពលរដ្ឋ ខណ​:​គ្រឿង​សមុទ្រ ពពុះសណ្តែក បាញ់​កាញ់ គុយទាវ ប្រហិត គ្រឿងទេស​លទ្ធផល​បង្ហា​ញ​ថា​អវិជ្ជមាន​មិនមាន​ផ្ទុក​សារធាតុ​គីមី​នាំអោយ​ប៉ះពាល់​ដល់​សុខភាព​នោះឡើយ​។​

​ប្រភព​ខាងលើ​បន្តថា ទន្ទឹមនឹង​ការរកឃើញ​ផលិតផល​គ្រឿងសំអាង និង​ឡេ​ប្រើប្រាស់​លាប​ស្បែក​ហួស​កាលបរិច្ឆេទ​កំណត់​មន្ត្រី ក​.​ប​.​ប ក្រោម​កិច្ចសហការ​ជាមួយ​មន្ត្រី​ជំនាញ​នៃ​មន្ទីរ​ពាណិជ្ជកម្ម​ខេត្ត​បាន​អប់រំ ណែនាំ និង​ដកហូត​ជាការ​ព្រមាន និង​ដើម្បី​ឲ្យ​ក្រុម​អា​ជីករ​ទាំងអស់​ចូលរួម​សហការ​ជាមួយ ជៀសវាង​គិតតែ​ពី​ផលប្រយោជន៍​ផ្ទាល់ខ្លួន​ជាធំ​បង្ក​ឲ្យ​មានការ​ប៉ះពាល់​ដល់​សុខភាព​អ្នកប្រើប្រាស់​ក្នុង​ប្រការ​ផ្សេងៗ​។​

​កន្លងមក​មន្ត្រី​ពាក់ព័ន្ធ​បាន​ខិតខំ​ប្រឹងប្រែង​ផ្សព្វផ្សាយ បំផុស​ដល់​បងប្អូន​ប្រជាពលរដ្ឋ​ឲ្យ​អនុវត្ត​តាមដាន ឬ​ចេះ​ត្រួតពិនិត្យ​នូវ​សុពលភាព​ប្រើប្រាស់​ឲ្យ​បានច្បាស់លាស់ ជៀសវាង​ទិញ​ទំនិញ​យកទៅ​ប្រើប្រាស់​ជា​ផលិតផល​ក្លែងបន្លំ ផុតកំណត់ និង​មាន​សារធាតុ​គីមី​អស់ទាំង​ថវិកា​ថែមទាំង​ប៉ះពាល់​ដល់​សុខភាព​ទៀត​។​

​លោក ឈឹម វាសនា បាន​មាន​អំពាវនាវ​ផងដែរ​ដល់​បងប្អូន​ក្រុម​អ្នកលក់ដូរ​ទាំងអស់​សូម​លះបង់​គំនិត​កេង​ប្រ​វ​ញ្ច័​លោភលន់​យក​ប្រយោជន៍​ជាធំ​ហើយ​ងាក​មក​ចូលរួម​ជាមួយ​អាជ្ញាធរ មន្ត្រី​ជំនាញ​ប​ញ្ឍ​ប់រា​ល់​ការ​នាំយកមក​ដាក់លក់​នៅតាម​តូប​របស់ខ្លួន ផ្ទុយទៅវិញ​ត្រូវមាន​ភាពស្មោះត្រង់​ទទួលខុសត្រូវ​ខ្ពស់​គោរព​តាម​បទដ្ឋាន​បច្ចេកទេស​ផ្គត់ផ្គង់​ម្ហូបអាហារ​លើ​ទីផ្សារ​ឲ្យ​ខ្ជាប់ខ្ជួន​៕

ទីតាំងផ្សាយពាណិជ្ជកម្ម

- Advertisment -

Most Popular