Home ព័ត៌មានអន្តរជាតិ ចំនួន​មនុស្ស​...

ចំនួន​មនុស្ស​ស្លាប់​ដោយកូវី​ដ​១៩​កើន​ឡើង​នៅ​៣០​រដ្ឋ​របស់​អាម៉េរិក​

​ប្រែ​សម្រួលៈ​វាសនា​/​ញូវយ៉ក​៖​ចំនួន​មនុស្ស​ស្លាប់​ដោយ​ជំងឺ​កូវី​ដ​១៩​កំពុង​កើនឡើង​ជិត​២​ភាគ​៣​នៅក្នុង​បណ្តា​រដ្ឋ​អាម៉េរិក​នៅពេល​រដូវរ​ងារ​រុញ​ចំនួន​ស្លាប់​សរុប​ឆ្ពោះទៅកាន់​ចំនួន​៤០០.០០០​នាក់ ចំពេល​​មានការ​ព្រមាន​ថា វីរុស​កូរ៉ូណា​ប្រភេទ​ថ្មី​ឆ្លង​ខ្លាំង​មួយ​កំពុង​បង្ហាញ​ខ្លួន​នៅ​អាម៉េរិក​។​

​ក្នុងពេល​ជាមួយគ្នា​អភិបាលរដ្ឋ​ញូវយ៉ក បាន​សុំ​អោយ​អាជ្ញាធរ​សហព័ន្ធ​រឹតបន្តឹង​ការធ្វើដំណើរ​មក​ពី​ប្រទេស​ដែល​វីរុស​កូរ៉ូណា​ប្លែ​ង​រូប​ថ្មី​នេះ​កំពុង​ឆ្លង​រាលដាល​។​ដោយ​ចង់​និយាយ​ដល់​វីរុស​ថ្មី​ដែល​គេ​រក​​ឃើញ​នៅ​អង់គ្លេស អាហ្វ្រិក​ខាងត្បូង និង​ប្រេ​ស៊ីល លោក​អភិបាលរដ្ឋ​បាន​និយាយថា «​បញ្ឈប់​កុំ​អោយ​មនុស្ស​ចូល​មក​ទី​នេះ​…​ហេតុអ្វី​បានជា​អ្នក​អនុញ្ញាត​អោយ​មនុស្ស​ចូលមក​ក្នុង​ប្រទេស​មួយ​នេះ​និង​​បន្ទាប់​មក​វា​ក្លាយជា​យឺត​ពេល​ក្នុង​ការទប់ស្កាត់​?»​។​

​តាមពិត​អាម៉េរិក​បាន​រារាំង​ការធ្វើដំណើរ​មក​ពី​ទី​កន្លែង​ខ្លះ​ដែល​កំពុង​ផ្ទុះ​វីរុស​កូរ៉ូ​ណាដូរ​រូបរាង​ថ្មី ដូចជា​អង់គ្លេស​និង​ប្រេ​ស៊ីល ហើយ​ថែមទាំង​តំរូវអោយមាន​ឯកសារ​បញ្ជាក់​ថា​មិន​មានកូ​វីដ​១៩​ថែម​ទៀត​​សំរាប់​អ្នក​ចូលមក​ពី​ក្រៅ​ប្រទេស​។​

​តែ​វីរុស​កូរ៉ូណា​ប្រភេទ​ថ្មី ដែល​គេ​ឃើញ​នៅ​អង់គ្លេស​ត្រូវបាន​គេ​ជឿ​ថា​បាន​ឆ្លង​ចូល​អាម៉េរិក​រួច​ជា​ស្រេច​ហើយ និង​មជ្ឈមណ្ឌល​គ្រប់គ្រង​និង​បង្ការ​ជំងឺ​អាម៉េរិក បាន​ព្រមាន​ថា វីរុស​នេះ​ប្រហែលជា​នឹង​វាយ​​ប្រហារ​គ្រប់គ្រង​លើ​អាម៉េរិក​នៅ​យ៉ាងយូរ​ត្រឹម​ខែ​មីនា​។​មជ្ឈមណ្ឌល​នេះ​អះអាង​ថា​វីរុស​ថ្មី​នេះ​ឆ្លង​ខ្លាំង​ជាង​វីរុស​កូរ៉ូ​ណា​មុន​ដល់​ទៅ​៥០​ភាគរយ​។​

​ឥឡូវ​រដ្ឋ​អាម៉េរិក​ជាច្រើន​កំពុង​ស្ថិត​ក្រោម​បន្ទុក​ធ្ងន់ធ្ងរ​ណាស់​ក្នុង​ការដោះស្រាយ​កំណើន​នៃ​ការឆ្លង​វីរុស​កូរ៉ូណា​នៅពេល​ចំនួន​ស្លាប់​ដោយ​កូ​វីដ​១៩​សរុប​កើន​ហួស​៣៩៩.០០០​នាក់​និង​ចំនួន​ឆ្លង​សរុប​ឡើង​​ហួស​២៤,១​លាន​នាក់​។​

​រដ្ឋ​កាលីហ្វ័​រញ៉ា​កាលពី​ថ្ងៃ​ចន្ទ​បាន​ក្លាយ​ជា​រដ្ឋ​ដំបូង​គេ​ដែល​ចំនួន​ឆ្លង​វីរុស​កើន​ហួស​៣​លាន​នាក់​ហើយ​ចំនួន​អ្នកជំងឺ​កូវី​ដ​១៩​ស្លាប់​មាន​ចំនួន​ជាង​៣៣.៦០០​នាក់​៕

​សមាជិក​ង​ឆ្មាំ​ជាតិ​ជួយ​ក្រុមគ្រូពេទ្យ​អាម៉េរិក​ក្នុងការ​ទុកដាក់​សព​អ្នកជំងឺ​កូវី​ដ​១៩​។​អាម៉េរិក​ឥឡូវ​អស់​កន្លែង​រក្សាទុក​សព​ដោយ​បង្ខំ​ប្រើ​ទូរ​កុងតេន័រ​ក្លាស្សេ​សំរាប់​រក្សាទុកស​ព​អ្នកជំងឺ​កូ​វីដ​១៩

 

ទីតាំងផ្សាយពាណិជ្ជកម្ម

- Advertisment -

Most Popular