Home ព័ត៌មានជាតិ សេដ្ឋកិច្ច និស្សិត​កម្ពុ...

និស្សិត​កម្ពុជា​ទៅ​សិក្សា​នៅ​សហរដ្ឋអាមេរិក កើនឡើង​៨ ភាគរយ នៅ​ឆ្នាំ​សិក្សា ២០១៩-២០២០

ដោយៈ​បញ្ញា​សាស្ត្រ​/ ភ្នំពេញៈ កំណើន​សិស្ស​និស្សិត កម្ពុជា ដែល​បាន​ទៅ​សិក្សា​នៅ​សហរដ្ឋអាមេរិក មានការ​កើនឡើង​៨ ភាគរយ ក្នុង​ឆ្នាំ​សិក្សា ២០១៩-២០២០​។ នេះ​បើ​យោងតាម​របាយការណ៍​អប់រំ​ឆ្នាំ ២០២០ Open Door ស្តីពី​ការផ្លាស់ប្តូ​រលើ​ការសិក្សាអប់រំ​ជា​អន្តរជាតិ បានបង្ហាញ​ឲ្យ​ឃើញថា មាន​និស្សិត​កម្ពុជា​ចំនួន ៧៤២ នាក់​បាន​សិក្សា​នៅក្នុង​សហរដ្ឋអាមេរិក ក្នុង​ឆ្នាំ​សិក្សា ២០១៩-២០២០​។

​លោក W.Patrick Murphy ឯកអគ្គរដ្ឋទូត​អាមេរិក​ប្រចាំ​កម្ពុជា បាន​ថ្លែង​ក្នុង​ពិធី​សម្ពោធ​ដាក់អោយ​ដំណើរការ​ជា​ផ្លូវការ មជ្ឈមណ្ឌល​ប្រឹក្សា ការសិក្សា​នៅ​សហរដ្ឋអាមេរិក ស្ថិតក្នុង​សាកលវិទ្យាល័យ​បញ្ញា​សាស្ត្រ​កម្ពុជា​ក្រុង​សៀមរាប កាលពី​ព្រឹក​ថ្ងៃ​ច័ន្ទ ទី​១៨ មករា ២០២១ ថា ស្ថានទូត​សហរដ្ឋអាមេរិក សង្ឃឹមថា នឹងមាន​កំណើន​នៃ​និស្សិត​កម្ពុជា​បន្ថែមទៀត ទៅ​សិក្សា​នៅក្នុង​សហរដ្ឋអាមេរិក ពិសេស​អ្នករស់នៅ​តាម​បណ្តា​ខេត្ត ក្រៅពី​រាជធានី​ភ្នំពេញ​។ ក្រោម​ជំនួយ គាំទ្រ​ពី​ថវិកា​របស់ ក្រសួងការបរទេស​ស​ហ​រដ្ឋ​អាមេរិក មជ្ឈមណ្ឌល EducationUSA ផ្តល់ព័ត៌មាន​ទាន់ពេល ច្បាស់លាស់ ពេញលេញ មិន​លំអៀង និង​ត្រឹមត្រូវ ស្តីពី​ស្ថាប័ន​អប់រំ ក្នុង​សហរដ្ឋ​អាមេរិក ហើយ​ផុ្ត​ល់​ការណែនាំ​ចំពោះ​អ្នក​ដែលមាន​លក្ខណៈសម្បត្តិ​គ្រប់គ្រាន់ ឲ្យ​ចាប់យក​ឱកាស​ទាំងនោះ​។

​លោក​បន្តទៀតថា បន្ទាប់ពី​សិក្សា​នៅ​សហរដ្ឋអាមេរិក ពួកគេ​មានឱកាស​ច្រើន ក្នុងការ​ចាប់យក​ការងារ ជាពិសេស ក្រោយពេល​ត្រឡប់​មកពី​អាមេរិក ពួកគេ​បាន​ប្រើ​ចំណេះ​ជំនាញ ក្នុងការ​ចូលរួម ដោយមាន​អ្នកខ្លះ​ធ្វើការ​ក្នុង​ជួរ​រាជរដ្ឋាភិបាល វិស័យ​ឯកជន សង្គម​ស៊ីវិល ហើយ​ពួកគេ​បាន​ប្រើប្រាស់​ជំនាញ ការគិត​ដោយមាន​កា​រីកចម្រើន​។

​លោក​បណ្ឌិត ជា សាន​ច័ន្ទ​ថន អធិការបតី​សាកលវិទ្យាល័យ​បញ្ញា​សាស្ត្រ​កម្ពុជា បាន​មានប្រសាសន៍ថា ការសិក្សា​នៅ​សហរដ្ឋអាមេរិក មានចំណេះដឹង​ទូលំទូលាយ ការអប់រំ​ខ្ពស់ ជាក់ស្តែង​ខ្លួន​លោក​ផ្ទាល់​បាន​អារ​ហារ​រូបកណ៍​ទៅ​សិក្សា​នៅ​អាមេរិក ហើយ​ទទួលបាន​ចំណេះដឹង​ខ្ពស់ និង​ចង់​ត្រឡប់​មកជួយ​ជាតិខ្មែរ ដោយ​លោក​បាន​ចំណង់​ចំណូលចិត្ត​ផ្នែក​អប់រំ និង​បាន​បំរើ​ការងារ​អប់រំ​នេះ ជាង​ម្ភៃ​ឆ្នាំ​មកហើយ​។

​សូមជម្រាបថា មជ្ឈមណ្ឌល EducationUSA មាន​ចំនួន ២ រួច មកហើយ នៅ​កម្ពុជា ដោយមាន​ទីតាំង​មួយ ស្ថិតនៅក្នុង​ស្ថានទូត​សហរដ្ឋអាមេរិក​នៅ​ភ្នំពេញ និង​មួយទៀត​ស្ថិតនៅក្នុង សាកលវិទ្យាល័យ​បញ្ញា​សាស្ត្រ​កម្ពុជា នៅ​ភ្នំពេញ​ផងដែរ​។ មជ្ឈមណ្ឌល​ថ្មី ស្ថិតក្នុង​សាកលវិទ្យាល័យ​បញ្ញា​សាស្ត្រ​កម្ពុជា​-​សៀមរាប​។

​តាម​របាយការណ៍​អប់រំ​ឆ្នាំ ២០២០ Open Door ស្តីពី​ការផ្លាស់ប្តូ​រលើ​ការសិក្សាអប់រំ​ជា​អន្តរជាតិ បានបង្ហាញ​ឲ្យ​ឃើញថា មាន​និស្សិត​កម្ពុជា​ចំនួន ៧៤២ នាក់​បាន​សិក្សា​នៅក្នុង​សហរដ្ឋអាមេរិក នៅ​ឆ្នាំ​សិក្សា ២០១៩ – ២០២០​។ ចំនួន​នេះ​គឺ​កើន​ជាង ៨% លើស​ឆ្នាំមុន ដែល​បង្ហាញ​ពី​ការបន្ត​នូវ​កំណើន​ជា​វិជ្ជមាន ក្នុង​រយៈពេល ៦ ឆ្នាំ​កន្លងមកនេះ​៕

 

ទីតាំងផ្សាយពាណិជ្ជកម្ម

- Advertisment -

Most Popular