កម្ពុជា​-​ហុង​គ្រី នឹង​បើក​កិច្ចប្រជុំ​រួមគ្នា​មួយនា​ថ្ងៃស្អែក

ដោយ​: ពៅ​និមល​/​ភ្នំពេញ​: រដ្ឋាភិបាល​កម្ពុជា និង​រដ្ឋាភិបាល​ហុង​គ្រី នៅ​ថ្ងៃទី​២០ និង​២១ ខែមករា​ខាងមុខនេះ នឹង​បើក​កិច្ចប្រជុំ​លើក​ទី​១ ដើម្បី​ជំរុញ​ការអនុវត្ត​កិច្ចព្រមព្រៀង និង​អនុស្សារណៈ​ដែល​បាន​ចុះហត្ថលេខា​កន្លងមក និង​ពិនិត្យ​តាមដាន​វឌ្ឍនភាព​ការងារ រវាង​ភាគី​ទាំងពីរ ដែល​នឹង​ប្រព្រឹត្តទៅ​តាមរយះ​ប្រព័ន្ធ​វីដេអូ​។​

​នៅក្នុង​សេចក្តីប្រកាស​ព័ត​មាន ស្តីពី​ការរៀបចំ​កិច្ចប្រជុំ​លើក​ទី​១ គណៈកម្មការ​ចម្រុះ​នៃ កិច្ចសហប្រតិបត្តិការ​លើ​វិស័យសេដ្ឋកិច្ច​កម្ពុជា​-​ហុង​គ្រី តាមរយះ​ប្រព័ន្ធ​វីដេអូ កាលពី រសៀល​ថ្ងៃទី​១៨ មករា ឆ្នាំ​២០២១​កន្លងទៅ ក្រសួងពាណិជ្ជកម្ម បាន​លើកឡើងថា កិច្ចប្រជុំ នេះ នឹង​រៀបចំឡើង​នៅ​ទីស្តីការ​ក្រសួងពាណិជ្ជកម្ម ក្រោម​វត្តមាន​របស់លោក​ស្រី តឹក​រ៉េត កំរង រដ្ឋលេខាធិការ​ក្រសួងពាណិជ្ជកម្ម និង​លោក អ៊ី​ស្វាន់ ចូ អនុរដ្ឋមន្ត្រី​ទទួលបន្ទុក​វិស័យ អភិវឌ្ឍ​ការនាំចេញ​នៃ​ក្រសួងការបរទេស និង​ពាណិជ្ជកម្ម​ហុង​គ្រី ដោយមាន​ការអញ្ជើញ ចូលរួម​ពី​មន្ត្រីជាន់ខ្ពស់​មកពី​ក្រសួង​ពាក់ព័ន្ធ​នានា​ដែលជា​សមាជិក​គណៈកម្មកា​រ​ចម្រុះ​។

​កិច្ចប្រជុំ​នេះ នឹង​ពិភាក្សា​អំពី​កិច្ចសហប្រតិបត្តិការ​ណ៍​លើ​វិស័យ​សំខាន់ៗ ដូចជា​៖ ពាណិជ្ជកម្ម និង​សេដ្ឋកិច្ច​, គម្រោង​ឥណទាន (Tied Aid Credit Cooperation), កសិកម្ម សន្តិសុខ​ស្បៀង និង​រុក្ខាប្រមាញ់​, ការគ្រប់គ្រង​ធនធានទឹក​, វិស័យ​អប់រំ យុវជន និង​កីឡា​, វប្បធម៌​, ទេសចរណ៍​, ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ និង​អាកាសចរ ស៊ីវិល​។​

​យោងតាម​ស្មារតី​នៃ​កិច្ចព្រមព្រៀង​រវាង​ពាណិជ្ជកម្ម​រវាង​រដ្ឋាភិបាល​កម្ពុជា និង​រដ្ឋាភិបាល ហុង​គ្រី ស្តីពី​កិច្ចសហប្រតិបត្តិការ​សេដ្ឋកិច្ច ដែល​បាន​ចុះហត្ថលេខា​ដោយ​លោក ប៉ាន សូរ​ស័ក្តិ រដ្ឋមន្ត្រី​ពាណិជ្ជកម្ម​កម្ពុជា និង​លោក ភី​ទើ ហ្ស៊ី​យ៉ា​តូ រដ្ឋមន្ត្រី​ក្រសួងការបរទេស និង​ពាណិជ្ជកម្ម​ហុង​គ្រី កាលពី​ថ្ងៃទី​១៣ ខែមិថុនា ឆ្នាំ​២០១៩ អំឡុងពេល​ទស្សនកិច្ច​ជា​ផ្លូវ​ករ របស់​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា នៅ​ទីក្រុង​ប៊ុ​យ​ដា​ប៉េ​ស​ប្រទេស ហុង​គ្រី ភាគី​ទាំង​ពីរបាន​ឯកភាពគ្នា​ក្នុងការ​រៀបចំ​បង្កើត​គ​ណៈ​កម្ម​ការ​ចម្រុះ​នៃ​កិច្ច សហប្រតិបត្តិការ​លើ​វិស័យសេដ្ឋកិច្ច​-​ហុង​គ្រី ដើម្បី​ពង្រឹង​មិត្តភាព និង​លើកកម្ពស់​កិច្ច សហប្រតិបត្តិការ​សេដ្ឋកិច្ច​រវាង​ប្រទេស​ទាំងពីរ​៕​/PC

ទីតាំងផ្សាយពាណិជ្ជកម្ម

- Advertisment -

Most Popular