Home ព័ត៌មានជាតិ សន្តិសុខ បុរស​ម្នាក់ ស...

បុរស​ម្នាក់ ស្លាប់​ក្នុង​មណ្ឌល​បន្សាប​គ្រឿងញៀន នៅ​ខណ្ឌ​ព្រែក​ព្នៅ​

ដោយៈ ស​រិ​ទ្ធ / ភ្នំពេញៈ បុរស​ម្នាក់ ត្រូវបាន​នគរបាល ដឹក​យកទៅ​បន្សាប​សារធាតុ​ញៀន បែរជា​ត្រូវ​ជន​មិន​ស្គាល់មុខ វាយ​បណ្ដាល​ឲ្យ​ស្លាប់ កាលពី​រសៀល ថ្ងៃទី​១៧ ខែមករា ឆ្នាំ​២០២១ នៅ​ចំណុច​ផ្លូវ​២០១១ ភូមិ​ធ្លក សង្កាត់​គោក​រកា ខណ្ឌ​ព្រែក​ព្នៅ ។

​ជនរងគ្រោះ ឈ្មោះ ម៉ូយ សំណាង ភេទ​ប្រុស អាយុ​៣៨​ឆ្នាំ មុខរបរ​មិន​ពិតប្រាកដ មាន​ទីលំនៅ ក្នុងភូមិ​បុរី​កម្មករ សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ​។ លើ​សាកសព មាន​ស្លាកស្នាម​បន្សល់ទុក ស្នាម​ជាំ​ហើម នៅ​ក្បាល ចំហៀង​ខាងស្ដាំ កកឈាម ចំនួន​១ កន្លែង និង​ស្នាម​ជាំ នៅលើ​ចុងដង្ហើម និង​រង្វង់​ភ្នែក​សងខាង មាន​ស្នាម​ជាំខ្មៅ​។​

​តាម​ការបំភ្លឺ​របស់​ឈ្មោះ គង់ ឆុន និង​ឈ្មោះ ហែម សុផាន់​ណា បាន​រៀបរាប់ថាៈ នៅមុន ពេល​កើតហេតុ កម្លាំង​សមត្ថកិច្ច នៃ​អធិការដ្ឋាន នគរបាល​ខណ្ឌ សែន​សុខ បាន​ដឹក​ជន រងគ្រោះ ដោយមាន​ភ្ជាប់​ឯកសារ​ផង ដើម្បី​ចូល​សម្រាក​ព្យាបាល នៅ​មណ្ឌល​ជាតិ និង​ស្ដារនីតិសម្បទា និង​បន្សាប​គ្រឿងញៀន ដែល​ដាក់​ជនរងគ្រោះ ស្នាក់នៅ​អគារ​ខាងលិច បន្ទប់​លេខ​០៧ ជាមួយ​អ្នក​ព្យាបាល បន្សាប​គ្រឿងញៀន ចំនួន ៣៨ នាក់​។ បន្ទាប់មក ស្រាប់តែ​ជនរងគ្រោះ មាន​អា​ការៈមិន​ប្រក្រតី ក៏បាន​បញ្ជូន​ជនរងគ្រោះ ទៅ​គ្រូពេទ្យ​ប្រចាំ នៅ​មជ្ឈមណ្ឌល ដើម្បី​សង្គ្រោះបន្ទាន់ តែដោយសារ​សភាព​ធ្ងន់ធ្ងរ​ពេក ក៏បាន​ដាច់ខ្យល់ ស្លាប់​តែម្ដង​។​

​តាម​ការពិនិត្យ​របស់ កម្លាំង​ការិយាល័យ បច្ចេកទេស​វិទ្យាសាស្ត្រ ឧកញ៉ា វេជ្ជបណ្ឌិត នង សុវណ្ណ​រ័ត្ន គ្រូពេទ្យ​កោសល្យវិច័យ រាជធានី​ភ្នំពេញ បាន​សន្និដ្ឋានថាៈ ជនរងគ្រោះ បាន​ស្លាប់​ដោយសារ ការប៉ះទង្គិច​ក្បាល និង​ខ្លូន​ប្រាណ​ធ្ងន់ធ្ងរ​។ ដោយមាន​ការឯកភាព ពី​លោកស្រី សុង ឆ​វ័​ន្ត ព្រះរាជអាជ្ញារង អម​សាលាដំបូង រាជធានី​ភ្នំពេញ​ឱ្យ​សមត្ថកិច្ច ប្រគល់ សព​ជនរងគ្រោះ ទៅ​ក្រុមគ្រួសារ យកទៅ​ធ្វើបុណ្យ តាម​ប្រពៃណី​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular