Home ព័ត៌មានជាតិ សេដ្ឋកិច្ច ការវិនិយោគ​ចិ...

ការវិនិយោគ​ចិន​នៅ​កម្ពុជា​កាលពី​ឆ្នាំ​២០២០ មានតម្លៃ​៨៦០ លាន​ដុល្លារ

ដោយៈ ជា​សីហៈ​/​ភ្នំពេញៈ​ការវិនិយោគរ​បស់​ចិន​មកកាន់​កម្ពុជា​កាលពី​ឆ្នាំ​២០២០ មាន​កំណើន​កើនឡើង​ទោះបីជា​ស្ថិតក្នុង​ស្ថានភាព​នៃ​ជំងឺ​វីរុស​កូ​វីដ​-១៩​ក៏ដោយ នេះ​បើតាម សេចក្តីរាយការណ៍​រប​ស់​ស្ថានទូត​ចិន នៅ​កម្ពុជា ។

​ចាប់ពី​ខែ មករា ដល់ ខែវិច្ឆិកា ឆ្នាំ​២០២០ ការវិនិយោគ​ដោយផ្ទាល់​របស់​ចិន​ក្នុងប្រទេស កម្ពុ​ជាមាន​ចំនួន ៨៦០ លាន​ដុល្លារ​សហរដ្ឋអាមេរិក បើ​ធៀប​ជាមួយនឹង​រយៈពេល​ដូចគ្នា កាលពី​ឆ្នាំ ២០១៩ មាន​កំណើន ៧០%​។​

​ប្រភព​ដដែល​បាន​អះអាងថា គម្រោង​វិនិយោគ​សំខាន់ៗ​នៅ​កម្ពុជា​បាន​ពុះពារ​រាល់ ផលប៉ះពាល់​នៃ​ជំងឺ​វីរុស​កូ​វីដ​-១៩ និង​បាន​ដំណើរការ​ទៅមុខ​យ៉ាង​រលូន ។

​ប្រភព​ដដែល​បាន​បន្តថា គម្រោង​ដែល​លេចធ្លោរ​មានដូចជា ស្ថានីយ៍​អគ្គិសនី Huadian ខេត្ត​ព្រះសីហនុ​ដែល​ដើរ​ដោយ​ថាមពល​កម្តៅ​បានបញ្ចប់​ការ​តម្លើង​គ្រោង​ដែក​នៃ​រោងចក្រ​។ ផ្លូវ​ល្បឿន​លឿន​ពី​ភ្នំពេញ​-​ព្រះសីហនុ​បានបញ្ចប់ ៣៩% នៃ​សំណង់​វិស្វកម្ម​សរុប​។ ចំនួន សហគ្រាស​ក្នុង​តំបន់​សេដ្ឋកិច្ច​ពិសេស​ខេត្ត​ព្រះសីហនុ​មាន​ចំនួន​កើន​ឡើងជា​បន្តបន្ទាប់ ហើយ​បរិ​មាណនៃ​ការនាំ​ចូល​និង​នាំចេញ​បាន​ឈានដល់​កម្រិត​ខ្ពស់​ជា​ប្រវត្តិសាស្ត្រ​។ អាកាសយានដ្ឋាន​អន្តរជាតិ​សៀមរាប​អង្គរ​ថ្មី​(AIAI)​បានចាប់ផ្តើម​សាងសង់​អគារ Terminal និង​ទី​តំបន់​សម្រាប់​ការហោះហើរ​។ ក្រុមហ៊ុន Sinomach Heavy Equipment Group CO.,Ltd បាន​ចុះហត្ថលេខា​លើ​កិច្ចព្រមព្រៀង​លើ​គម្រោង​វិនិយោគ BOT​នៃ​ស្ថានីយ៍​វា​រី​អគ្គិសនី ស្ទឹង​តា​តៃ​លើ​៕​/PC

ទីតាំងផ្សាយពាណិជ្ជកម្ម

- Advertisment -

Most Popular