Home ព័ត៌មានជាតិ សន្តិសុខ យោធា​និង​នគរប...

យោធា​និង​នគរបាល​ជំនាញ​ឃាត់ខ្លួន​បាន​មេខ្យល់​ម្នាក់​ដែល​រត់ពន្ធ​ពលករ នៅ​ស្រុក​ស្វាយចេក

ដោយ​: ប​.​ជ័យ / បន្ទាយមានជ័យ​: យោធា​និង​នគរបាល​ការិយាល័យ ប្រឆាំង​ការជួញដូរ​មនុស្ស​និង​ការពារ​អនីតិជន នៃ​ស្នងការដ្ឋាន​នគរបាល​ខេត្តបន្ទាយមានជ័យ និង​នគរបាល​ស្រុក​ស្វាយចេក បាន​ឃាត់ខ្លួន​មេខ្យល់​ម្នាក់ ពាក់ព័ន្ធ​រត់ពន្ធ ជួញដូរ​មនុស្ស​ឆ្លងដែន​ពី​កម្ពុជា​ទៅ​ថៃ ហើយ​បាន​បញ្ជូន​សំណុំរឿង​ទៅ​សាលាដំបូង​ខេត្តបន្ទាយមានជ័យ នៅ​ថ្ងៃទី​១៩​ខែមករា​ឆ្នាំ​២០២១​។​

​លោក​វរសេនីយ៍ឯក ជា ស្លូញ អធិការនគរបាល​ស្រុក​ស្វាយចេក បាន​ឲ្យ​ដឹងថា​៖ ជនសង្ស័យ​ឈ្មោះ ប៉ិក ឌ​ត ឬ ប៉ិក ដូ​ត ភេទ​ប្រុស អាយុ​៣៦​ឆ្នាំ នៅ​ភូមិ​ចំការ​គ ឃុំ​ស្វាយចេក ស្រុក​ស្វាយចេក ខេត្តបន្ទាយមានជ័យ​។

​ជននេះ ត្រូវបាន​កម្លាំងយោធា​ក​ង​ការពារ​ព្រំដែន​៥០៣ នៃ​យោធភូមិភាគ​តី​៥ ល្បាត​ឃើញ​មុខសញ្ញា​៣​នាក់ នេះ​កំពុង​ជូន​ពលករ​ខ្មែរ​ប្រុស ស្រី​ចំនួន​១១​នាក់ ក្នុងនោះ​ក្មេង​តូច​អាយុ​០៣​ខែ​០១​នាក់ លួច​រត់ពន្ន្ធ​មនុស្ស​ដែន​ពី​កម្ពុជា ទៅ​ថៃ នៅ​ចំណុច​ចំការ​ស្វាយ ស្ថិតក្នុង​ភូមិ​ចំការ​គ ឃុំ ស្វាយចេក ស្រុក​ស្វាយចេក ខេត្តបន្ទាយមានជ័យ​កាលពី​ម៉ោង​១០​យប់​ថ្ងៃទី​១៦​ខែមករា​ឆ្នាំ​២០២១ ។​
​ហើយ​បាន​បញ្ជូន​ជ​នស​ង្សូ័​យ​នេះ អោយ​ជំនាញ​នៃ​អធិការដ្ឋាន​នគរបាល​ស្រុក​ស្វាយចេក ដើម្បី​សាកសួរ​។ ចំណែក​ពលករ​ប្រុស ស្រី​ទាំង​១១​នាក់ ក្នុងនោះ​ក្មេងប្រុស​តូច​០១​នាក់ នាំទៅ​ធ្វើ​ច​ត្តា​ឡី​ស័ក នៅ​មណ្ឌល​សំចត​ឃុំ​អូរ​បី​ជាន់ ស្រុក​អូរជ្រៅ ខេត្តបន្ទាយមានជ័យ ។​

​លោក​វរសេនីយ៍ទោ ឡាយ គឺ​ម​លួ​ន នាយការិយាល័យ នគរបាល​ប្រឆាំង​ការជួញដូរ​មនុស្ស​និង​ការពារ​អនីតិជន​នៃ​នគរបាល​ខេត្ត​បន្ទ​យ​មានជ័យ បាន​ឲ្យ​ដឹងថា​៖​ជនសង្ស័យ​មានឈ្មោះ ប៉ិក ឌ​ត​ឬ​ប៉ិក ដូ​ត បាន​សារភាពថា ខ្លួន​និង​បក្ស​ពួកគេ​ចំនួន​០២​នាក់​ទៀត​។ តែ​ពួកគេ​ឈ្មោះ ឡុំ ភេទ​ប្រុស​និង​ឈ្មោះថា ភេទ​ប្រុស បានធ្វើ​សកម្មភាព​នាំ​មនុស្ស​(​ពលករ​ខ្មែរ​ទៅ​ថៃ ដូចខាងលើ​ចំនួន​១១​នាក់ ទាំង​ក្មេងប្រុស​តូច​០១​នាក់ ឆ្លងដែន​ទៅធ្វើ​ការ​នៅ​ប្រទេស​ថៃ​នោះ ដោយ​យក​កម្រៃ​ជូន​ឆ្លងដែន​ថ្លៃ​១០០​បាត​/​ម្នាក់​។ ពេល​ពួកខ្លួន​នាំ​ពលករ​ដើរ​ទៅដល់​ចំណុច​ខ័​ណ្ឌ​នៃ​ព្រំដែន ត្រូវបាន​កម្លាំងយោធា​ខ្មែរ​ឃាត់ខ្លួន​។​

​ជនសង្ស័យ ត្រូវបាន​កម្លាំង​ជំនាញ​ការិយាល័យ​ប្រឆាំង​ការជួញដូរ​មនុស្ស​និង​ការពារ​អនីតិជន បានរៀបចំ​សំណុំរឿង​បញ្ជូន​ខ្លួន​ទៅ​សាលាដំបូង​ខេត្ត ដើម្បី​ចាត់ការ​តាម​នីតិវិធី​បន្ត​៕​

ទីតាំងផ្សាយពាណិជ្ជកម្ម

- Advertisment -

Most Popular