ការស្តារ​ប្រព័ន្ធ​លូ​២០​ខ្សែ ក្នុង​ឆ្នាំ​២០២០ នៅ​ខណ្ឌ​៨​ក្នុង​រាជធានី​ភ្នំពេញ បានបញ្ចប់​ដើម្បី​សម្រួល​ប្រព័ន្ធ​ផ្លូវទឹក​ហូ​នៅ​រដូវវស្សា​ខាងមុខ​

ដោយ​: រ៉ា​ម៉ន / ភ្នំពេញ​: អនុវត្តតាម​ការណែនាំ​ពី​លោក ឃួ​ង ស្រេង អភិបាល​ភ្នំពេញ ដែល​បាន​បញ្ជា​ឱ្យ​អង្គភាព​លូទឹក បូមទឹក នៃ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ ធ្វើ​ការស្ដារ​ប្រព័ន្ធ​លូ​ចំនួន​២០​ខ្សែ ក្នុង​ខណ្ឌ​ចំនួន​៨ នៅ​កណ្ដាល និង​នៅ​ជាយ​រាជធានី​ភ្នំពេញ​បានបញ្ចប់​ជា​ស្ថាពរ​ហើយ​ជា​គម្រោង​របស់ ឆ្នាំ​២០២០ ដើម្បី​សម្រួល​ប្រព័ន្ធ​ផ្លូវទឹក​ហូរ ជៀសវាង​ការ​ជន់​លិច​លំនៅដ្ឋាន​ប្រជាពលរដ្ឋ​នៅ​រដូវវស្សា​ឆ្នាំ​២០២១​ខាងមុខនេះ​។​

​លោក ដួង ចាន់​សារ៉ាត់ ប្រធាន​អង្គភាព​លូទឹក បូមទឹក នៃ​មន្ទីរ​សាធារណការ​និង​ដឹកជញ្ជូន​រាជធានី​ភ្នំពេញ បានឱ្យដឹង​នៅ​ព្រឹក​ថ្ងៃទី​១៩0​មករា​នេះ​ថា​៖ ការងារ​ស្ដារ​ប្រព័ន្ធ​លូ​នេះ សម្រាប់​ឆ្នាំ​២០២០ ដោយ​ចាប់ផ្ដើម​ដំណើរការ​តាំងពី​ខែកក្កដា ឆ្នាំ​២០២០​មក ក្រុមការងារ​អង្គភាព​លូទឹក​បូមទឹក នៃ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ ក្រោយពី​មានការ​ណែនាំ​ពី​លោក ឃួ​ង ស្រេង អភិបាល​ភ្នំពេញ អង្គភាព​លូទឹក​បូមទឹក បានធ្វើការ​ស្ដារលូ​ចំនួន​២០​ខ្សែ​នៅក្នុង​រាជធានី​ភ្នំពេញ បានបញ្ចប់​កាលពី​ចុងឆ្នាំ​២០២០ ដើម្បី​បើកមុខ​ទឹក​រំដោះ​ទឹកភ្លៀង​នៅ​រដូវវស្សា​ឆ្នាំ​២០២១​ខាង​នេះ ឲ្យ​បានល្អ​ប្រសើរ​ជៀសវាង​នូវ​ការលិចលង់​លំនៅដ្ឋាន​របស់​បងប្អូន​ប្រជាពលរដ្ឋ ក្នុង​ខណ្ឌ​ចំនួន​៨ នៅក្នុង​រាជធានី​ភ្នំពេញ​។ ក្នុងនោះ មាន​ខណ្ឌ​ចំនួន​៥​នៅ​កណ្ដាល​ក្រុង​និង​ខណ្ឌ​៣​ទៀត នៅ​ជាយក្រុង គឺ​ខណ្ឌ​សែន​សុខ ខណ្ឌ​ពោធិ៍​សែន​ជ័យ​និង​ខណ្ឌមានជ័យ​។​

​លោក​ក៏បាន​បញ្ជាក់​ផងដែរ​ថា​៖ ក្នុង​ឆ្នាំ​២០២០​កន្លងទៅ ក្រុមការងារ​ស្ដារ​ប្រព័ន្ធ​លូ​ទាំង​២០​ខ្សែ​នេះ បានបញ្ចប់​ការងារ​របស់ខ្លួន​ជា​ស្ថាពរ​ហើយ​។ ក្រៅពីនេះ ក្រុមការងារ​ក៏បាន​ធ្វើ​សកម្មភាព​លើ​ការជួសជុល​គម្រប​លូ អណ្ដូង​លូ​ដែល​បាក់ ខូចខាត​ផងដែរ បើទោះបី​គម្រប​លូ​ខ្លះ​ត្រូវ​កប់​ក្នុង​ដី​និង​ធ្លាក់ចូល​លូ​ក្តី ក៏​ក្រុមការងារ​រុករក​នឹងធ្វើ​ការជួសជុល​ឡើងវិញ​រួចរាល់​ហើយ​ដែរ​។​

​ពាក់ព័ន្ធ​ពាក់ព័ន្ធ​នឹង​ការស្ដារ​ប្រព័ន្ធ​លូ ក្នុង​រាជធានី​ភ្នំពេញ​នេះដែរ លោក​ដួង ចាន់​សារ៉ាត់​ក៏បាន​បញ្ជាក់ថា​៖ សម្រាប់​ឆ្នាំ​២០២១​នេះ យើង​មិនទាន់មាន​គម្រោង​ក្នុង​ការស្តារ​ប្រព័ន្ធ​លូ បន្តទៀត​នោះទេ​។​

​ទោះបី​ជាមាន​ការស្តារ​ប្រព័ន្ធ​លូ រួចរាល់​យ៉ាងណាក្តី ប៉ុន្តែ​លោក ដួង ចាន់​សារ៉ាត់ នៅតែ​ស្នើសុំ​ឲ្យ​បងប្អូន​ប្រជាពលរដ្ឋ​ចូលរួម​សហការ ក្នុង​ការកាយ​សំរាម​ចេញពី​មុខ​ឬ​មាត់​លូ​ពេល​មាន​ភ្លៀង​ធ្លាក់​ម្តងៗ និង​ជៀសវាង​ឲ្យ​បាន​នូវ​ការ​បិទមាត់​លូ ព្រោះតែ​ខ្លាច​មាន​ក្លិនស្អុយ​។ នេះ​ជា​ទម្លាប់​មិនល្អ​នឹងធ្វើ​អោយមាន​ការលិចលង់​លំនៅដ្ឋាន​៕​

ទីតាំងផ្សាយពាណិជ្ជកម្ម

- Advertisment -

Most Popular