Home ព័ត៌មានសំខាន់ៗ ចិន​សំរុក​សាង...

ចិន​សំរុក​សាងសង់​មណ្ឌល​ចត្តា​ឡី​ស័ក នៅ​ពេល​ខ្លួន​ជួប​ការផ្ទុះកូ​វីដ​១៩​អាក្រក់​បំផុត​ចាប់តាំងពី​ខែ​មីនា​ឆ្នាំ​មុន​

​ប្រែ​សម្រួលៈ​វាសនា​/​សៀង​ហៃ​៖​បន្ទប់​បំរុង​រាប់ពាន់​ត្រូវបាន​សាងសង់​ឡើង​លើ​វាល​មួយ​នៅ​ជាយក្រុង​ស៊ី​ជា​ហ្សួង​របស់​ចិន នៅ​ពេល​កម្មករ​សំណង់​ធ្វើ​ការដំឡើង​មណ្ឌល​ធ្វើ​ចត្តា​ឡី​ស័ក​ធំ​មួយពេញ​២៤​ម៉ោង​​ដើម្បី​ទប់ស្កាត់​កំណើន​នៃ​ការ​ឆ្លងកូវី​ដ​១៩​។​

កម្មករសំរុកសាងសង់មណ្ឌលចត្តាឡីស័កទាំងថ្ងៃទាំងយប់នៅភាគឦសាន្តប្រទេសចិន ដើម្បីដាក់អ្នកប៉ះពាល់ឬប្រាស្រ័យទាក់ទងជិតដិតជាមួយអ្នកជំងឺកូវីដ១៩ ដែលមួយថ្ងៃឆ្លងជាង១០០នាក់អស់៧ថ្ងៃមកហើយ

​ចិន​នៅ​ថ្ងៃ​អង្គារ​នេះ បាន​រាយការណ៍​អ្នក​ឆ្លងកូវី​ដ​១៩​ចំនួន​ជាង​១០០​នាក់​ជា​ថ្មី​ទៀត​ដល់​ថ្ងៃទី​៧​ជាប់ៗ​គ្នា ក្នុង​ការផ្ទុះ​ជំងឺឆ្លង​សកល​នេះ​ដ៏​អាក្រក់​បំផុត​ចាប់តាំងពី​ខែ​មីនា​ឆ្នាំ​មុន ដោយ​ខេត្ត​ភាគ​ឦសាន្ត​​មួយ​ឃើញ​កំណើន​នៃ​ការឆ្លង​ជា​រៀងរាល់ថ្ងៃ​។​

​នៅ​ថ្ងៃ​១៨​មករា ចិន​មាន​អ្នក​ឆ្លង​ថ្មី​១១៨​ករណី ដោយ​កើន​ពី​១០៩​នាក់​កាល​ពី​មួយ​ថ្ងៃមុន ហើយ​ក្នុង​ចំនួន​នេះ ១០៦​ករណី​ជា​ការឆ្លង​ក្នុងស្រុក ដោយ​៤៣​ករណី​នៅ​ក្រុង​ជី​លីន និង​៣៥​ករណី​នៅ​ក្នុង​ខេត្ត​​ហឺ​ប៉ី ជិត​ក្រុង​ប៉េកាំង​។​

​សូមបញ្ជាក់​ថា​កន្លងមក ចិន​បាន​គ្រប់គ្រង​កូវី​ដ​១៩​បាន​ល្អ​ដោយ​មិន​មាន​ការឆ្លង​ខ្ទង់​រយ​នាក់​អស់​ពេល​រាប់​ខែ​នៅពេល​ពិភពលោក​ជួប​ការឆ្លង​និង​ស្លាប់​ក្នុង​មួយ​ប្រទេស​ខ្ទង់រយ ពាន់​និង​ម៉ឺន​នាក់​​ក្នុង​មួយថ្ងៃៗ​។​តែ​ការឆ្លង​ជា​ចង្កោម​តូចៗ​មួយចំនួន​នៅក្នុង​សហគមន៍ បណ្តាល​អោយ​មន្ត្រី​ចិន​ចាត់វិធានការ​ធ្វើតេស្តិ៍​ទ្រង់ទ្រាយ​ធំ បិទ​ខ្ទប់​ទីក្រុង​យ៉ាង​តឹងរឹង និង​ត្រៀម​បញ្ជូន​ភូមិ​នានា​ទៅ​ជា​មណ្ឌល​​ធ្វើ​ចត្តា​ឡី​ស័ក ដើម្បី​បំបាត់​ចោល​ការផ្ទុះ​ជំងឺ​ជា​ថ្មី​នេះ​ភ្លាមៗ​។​

​ទិដ្ឋភាព​នៅ​ក្រៅ​ក្រុង ស៊ី​ជា​ហ្សួង នៅ​ចិន​ឦសាន្ត ធ្វើអោយ​នឹកឃើញ​ដល់​កិច្ច​ខិតខំ​របស់​ចិន​ប៉េកាំង​នៅពេលកូ​វីដ​១៩​ផ្ទុះ​ឡើង​ដំបូង​កាលពី​ឆ្នាំមុន ដើម្បី​សាងសង់​មន្ទីរពេទ្យ​បណ្តោះអាសន្ន​អោយ​ហើយ​​ក្នុង​រយៈពេល​តែ​ប៉ុន្មាន​ថ្ងៃ​នៅ​ទីក្រុង​វូ​ហាន​។​

​អាគារ​ចត្តា​ឡីស័​កនៅ ស៊ី​ជា​ហ្សួង បំពាក់​ដោយ​បន្ទប់ទឹក Wi-fi ម៉ាស៊ីន​ត្រា​ជាក់​ហើយ​នឹង​ដាក់​ជន​ដែល​បាន​ប្រាស្រ័យ​ទាក់ទង​ជិតដិត​ជាមួយ​អ្នកជំងឺ​កូវី​ដ​១៩​នៅពេល​វា​ត្រូវ​សាងសង់​រួចរាល់​នៅ​ប៉ុន្មាន​​ថ្ងៃ​ខាងមុខ​។​

​ទីតាំង​ដែល​អាច​ដាក់​មនុស្ស​ជាង​៤​ពាន់​នាក់​នេះ​ទើប​ចាប់ផ្តើម​សាងសង់​កាលពី​ថ្ងៃ​១៣​មករា នៅពេល​បណ្តា​ទីក្រុង​ចិន​ភាគ​ខាងជើង​កំពុង​ដាក់​មនុស្ស​រាប់លាន​នាក់​នៅ​ក្រោម​ការ​រឹតត្បិត​ការធ្វើដំណើរ​​ក្នុងពេល​ចំនួន​ឆ្លង​នៅ​តំបន់​នេះ​មួយ​ថ្ងៃ​ជាង​១០០​នាក់​ជាប់​។​

​មនុស្ស​ជាង​២​ម៉ឺន​នាក់​នៅក្នុង​ភូមិ​នៅ​ខេត្ត​ហឺ​ប៉ី​ជាប់​នោះ ត្រូវបាន​បញ្ជូន​ទៅ​មណ្ឌល​ចត្តា​ឡី​ស័ក នៅពេល​មនុស្ស​រាប់ លាន​នាក់​បាន​ធ្វើតេស្តិ៍​រក​វីរុស​កូរ៉ូណា​ជាច្រើនលើក​៕

​ចិន​កំពុង​ប្រុងប្រយ័ត្ន​ខ្ពស់​អំពី​កំណើន​នៃ​ការ​ឆ្លងកូវី​ដ​១៩ បង្កឡើង​ដោយ​ការធ្វើដំណើរ​ធំ​បំផុត​ប្រចាំឆ្នាំ​ក្នុងអំឡុងពេល​ចូលឆ្នាំថ្មី​នៅ​ខែ​ក្រោយ​

ទីតាំងផ្សាយពាណិជ្ជកម្ម

- Advertisment -

Most Popular