ន័​រវែស​បដិសេធ “​ការជាប់​ទាក់ទង​ផ្ទាល់​” រវាង​ការស្លាប់​មនុស្ស​ចាស់​៣៣​នាក់​និង​វ៉ាក់សាំង​កូវី​ដ​១៩របស់ហ្វាយហ្សឺ

​ប្រែ​សម្រួល : កញ្ញា​ដា​លី​ស ៖ ក្រុម​មន្ត្រី​សុខាភិបាល​និយាយថា មនុស្ស​ចំនួន ៣៣ នាក់​ដែល​ស្លាប់​បន្ទាប់ពី​ទទួល​វ៉ាក់សាំង​កូវី​ដ​១៩​នៅក្នុង​ប្រទេសន័​រវែ​ស គឺ​មាន​អាយុ​លើសពី ៧៥ ឆ្នាំ មាន​ជំងឺ​ធ្ងន់ធ្ងរ ហើយ​មិន​មាន​ភស្តុតាង​ណាមួយ​បង្ហាញ​ពី​ការជាប់​ទាក់ទង​គ្នា​ដោយផ្ទាល់​រវាង​វ៉ាក់សាំង​និង​ការស្លាប់​របស់​ពួកគេ​នោះ​ទេ​។​

​ទីភ្នាក់ងារ​វេជ្ជសាស្ត្រន័​រវេ​សបាន​ព្យាយាម​ធានា​ទំនុកចិត្ត​ដល់​ប្រជាជន​កាលពី​ថ្ងៃ​ចន្ទ​បន្ទាប់​ពី​របាយការណ៍​កា​លពី​ចុង​សប្តាហ៍​បានបង្ហាញ​ថា​មនុស្ស​វ័យ​ចំណាស់​មួយចំនួន​បាន​ស្លាប់​បន្ទាប់ពី​ទទួល​វ៉ាក់សាំង​​របស់​ក្រុមហ៊ុនហ្វាយហ្សឺ ។​

​នាយក​វេជ្ជសាស្ត្រ​នៃ​ទីភ្នាក់ងារ​វេជ្ជសាស្ត្រ លោក ស្តេន​ណា ម៉ា​ដ​សេន បាន​ប្រាប់​សារព័ត៌មាន Bloomberg ថា “​អ្នកជំងឺ​ទាំងអស់​នេះ​មាន​ជំងឺ​ធ្ងន់ធ្ងរ​” ដោយ​បន្ថែម​ថា ពួកគេ​មាន​អាយុ​លើសពី ៧៥ ឆ្នាំ​។​

​លោក​បន្ថែមថា “​ច្បាស់​ណាស់ កូវី​ដ​១៩​មាន​គ្រោះថ្នាក់​ខ្លាំង​ចំពោះ​អ្នកជំងឺ​ភាគ​ច្រើន​ជាង​ការចាក់​វ៉ាក់សាំង​។ យើង​មិន​ភ័យ​តក់ស្លុត​ទេ​”​។​

​លោក​ម៉ា​ដ​សេន​ទទួលស្គាល់ថា ផលប៉ះពាល់​កម្រិត​ស្រាល​នៃ​វ៉ាក់សាំង​តាម​ទ្រឹស្តី​អាច​រុញ​អ្នកជំងឺ​ឱ្យ​កាន់តែ​ជំងឺ​ធ្ងន់ធ្ងរ​ចំពោះ​ជំងឺ​ដែល​មាន​ស្រាប់​របស់​ពួកគេ​។​

​ហើយ​ក្រុម​មន្ត្រី​សុខាភិបាល​និយាយថា​ឥឡូវ​នេះ​វា​អាស្រ័យ​លើ​ក្រុម​វេជ្ជបណ្ឌិត​ត្រូវ​សម្រេចចិត្តថា​តើ​អ្នកជំងឺ​វ័យ​ចំណាស់​និង​អ្នក​ដែល​មាន​ជំងឺ​ប្រចាំកាយ​នឹង​ត្រូវ​ទទួលយក​វ៉ាក់សាំង​ឬ​អត់​៕

​នាយក​វេជ្ជសាស្ត្រ​នៃ​ទីភ្នាក់ងារ​វេជ្ជសាស្ត្រ លោក ស្តេន​ណា ម៉ា​ដ​សេន បដិសេធ​ទំនាក់ទំនង​ផ្ទាល់​រវាង​ការស្លាប់​របស់​មនុស្ស​ចាស់​និង​វ៉ាក់សាំង​កូវី​ដ​១៩​របស់​ក្រុមហ៊ុនហ្វាយហ្សឺ

ទីតាំងផ្សាយពាណិជ្ជកម្ម

- Advertisment -

Most Popular