មេបញ្ជាការ​អាវុធហត្ថ​រាជធានី​ភ្នំពេញ ចុះសួរសុខទុក្ខ​មេបញ្ជាការ​អាវុធហត្ថ​ខណ្ឌដង្កោ ដែលមាន​ជំងឺ​ដល់​មន្ទីរពេទ្យ

ដោយ​: រ៉ា​ម៉ន / ភ្នំពេញ​: នៅ​រសៀល​ថ្ងៃទី​១៩ ខែមករា ឆ្នាំ​២០២១ លោក​ឧ​ត្ត​ម​សេនីយ៍​ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើ​ផ្ទៃ​ប្រទេស​-​និង​ជា​មេបញ្ជាការ កងរាជអាវុធហត្ថ​រាជធានី​ភ្នំពេញ អមដំណើរ​ដោយ មេញ្ជា​ការរង​, នាយរង​សេនាធិការ​, លោក​មេបញ្ជាការ​អាវុធ​ហត្ថ​ខណ្ឌ​ទាំង​១៤ និង​បងប្អូន​នាយ​អាវុធហត្ថ​ជាច្រើនរូប​ទៀត បាន​អញ្ជើញ​ចុះសួរសុខទុក្ខ លោក​វរសេនីយ៍ឯក សរ សុ​ភ័​ណ្ឌ មេបញ្ជាការ​អាវុធហត្ថ​ខណ្ឌដង្កោ ដែលមាន​ជម្ងឺ​ដំបៅ​ពោះវៀនធំ និង ពោះវៀន​ដុះ​ខ្នែង បានធ្វើការ​វះកាត់​ដោយ​ជោគជ័យ កំពុង​សម្រាក​ព្យាបាល​នៅ​មន្ទីរពេទ្យ​។​

​ក្នុងឱកាស​សួរសុខទុក្ខ​នោះ​លោក​ឧ​ត្ត​ម​សេនីយ៍​ឯក រ័ត្ន ស្រ៊ាង និង​ក្រុមការងារ​ក្រោម​ឱវាទ បាន​នាំយក ថវិកា​សរុប​ចំនួន ៧,០០០,០០០៛ (​ប្រាំ​ពីរលាន​រៀល​) ទឹក​សុទ្ធ ភេសជ្ជៈ ០៤​កែស ផ្លែឈើ​ស្រស់ ០១​កន្ត្រក ប្រគល់ជូន​អ្នកជំងឺ ជា​អំណោយ​សួរសុខទុក្ខ ក្នុងការ​សម្រាក​ព្យាបាល​ផងដែរ​។​

​នេះ​ជាការ​យកចិត្តទុកដាក់​របស់​ថ្នាក់ដឹកនាំ​ចំពោះ​កូនចៅ​ក្រោម​ឱវាទ ហើយ​ការមកដល់​មន្ទីរពេទ្យ​ដោយផ្ទាល់​បែបនេះ ជាការ​លើកទឹកចិត្ត​មួយ​ខ្លាំងណាស់​បង្ហា​យ​ពី​ភាព​ជិតស្និតរ​វៀង​មេ​និង​កូនចៅ​៕​

ទីតាំងផ្សាយពាណិជ្ជកម្ម

- Advertisment -

Most Popular