ម៉េស​ស៊ីជាប់​បម្រាម​២​ប្រកួត​ពី​បទ​វាយ​គូ​ប្រកួត​

ប្រែ​សម្រួល : កញ្ញា​ដា​លី​ស ៖ លី​អូ​នែ​ល ម៉េស​ស៊ីបាន​រួចផុត​ពី​ទណ្ឌកម្ម​ធ្ងន់ធ្ងរ និង ត្រូវ​ផ្អាក​ពីរ​ប្រកួត​ប៉ុណ្ណោះ​កាលពី​ថ្ងៃ​អង្គារ ក្រោយ​វាយ​គូប្រកួត​ក្នុង​ឧបទ្ទវហេតុ​មួយ​ដែល​មិន​មាន​បាល់​នៅ​នឹង​ជើង​សោះ នៅក្នុង​ការប្រកួត​ផ្តាច់ព្រ័ត្រ Spanish Super Cup ។​

​ខ្សែ​ប្រយុទ្ធ Barcelona រូប​នេះ​ដំបូង​ប្រឈម​ការផ្អាក​១២​ប្រកួត​សម្រាប់​ការ​គ្រវាត់​ដៃ​ដាក់​កីឡាករ Bilbao នៅ​ចុង​ការប្រកួត ដែល​ក្រុម​របស់​គាត់​ចាញ់​៣-២​កាលពី​ថ្ងៃអាទិត្យ​។ ​គណៈកម្មាធិការ​បាល់ទាត់​អេ​ស្ប៉ាញ​មិន​ចាត់​ទុក​ឧបទ្ទវ​ហេតុ​នេះ​ថា​ធ្ងន់ធ្ងរ​ពេក​នោះទេ និង​បាន​ដាក់​ពិន័យ​ស្រាល​ប៉ុណ្ណោះ​។ គណៈកម្មាធិការ​ក៏បាន​ពិន័យ​ក្លិប​ចំនួន ៨៤៥ ដុល្លារ និង ម៉េស​ស៊ី ៧២៥ ដុល្លារ​ផង​ដែរ​។

Barcelona និយាយថា ខ្លួន​នឹង​ប្តឹង​ឧទ្ធរណ៍​ចំពោះ​ការផ្អាក​ម៉េស​ស៊ី​៕

ម៉េស​ស៊ី​ត្រូវជាប់​បម្រា​ម​២​ប្រកួត​ក្រោយ​វាយ​គូប្រកួត​កាលពី​ថ្ងៃអាទិត្យ​

ទីតាំងផ្សាយពាណិជ្ជកម្ម

- Advertisment -

Most Popular