Home ព័ត៌មានជាតិ សេដ្ឋកិច្ច មន្ត្រី​មន្ទី...

មន្ត្រី​មន្ទីរ​ការងារ អំពាវនាវ​ដល់​ពលក​រ​ខ្មែរ មកពី​ថៃ មក​រៀន​ជំនាញ ដើម្បី​ស្វែងរក​ការងារ​ធ្វើ​

ដោយៈ អូរ​ស្មាច់/ឧ​ត្ត​រ​មាន​ជ័​យៈ មន្ត្រី​នៃ​មន្ទីរ​ការងារ បណ្តុះបណ្តាល វិជ្ជាជីវៈ ខេត្ត​ឧ​ត្ត​រ មានជ័យ បាន​អំពាវនាវ​ដល់​ពលករ​ខ្មែរ ដែល​បានធ្វើ​ដំណើរ វិលត្រឡប់​មកពី​ប្រទេស​ថៃ ចូលមក​ស្រុកកំណើត របស់ខ្លួន​វិញ នៅក្នុង​អំឡុង​បរិបទ​កូ​វីដ​-១៩​នេះ​បើ​ពុំទាន់​មានការ​ងារ ធ្វើ សុំ​មក​ទំនាក់ទំនង​នឹង​មន្ត្រី​នៃ​មន្ទីរ ដើម្បី​រក​កន្លែង​រៀន នូវ​មុខជំនាញ​ផ្សេងៗ​ដោយ​មិន បង់ប្រាក់​។​

​លោក ស៊ុន ហ៊ា​យ ប្រធាន​មន្ទីរ​ការងារ បណ្តុះបណ្តាល វិជ្ជាជីវៈ ខេត្ត​ឧ​ត្ត​រ​មានជ័យ បាន​ឲ្យ​ដឹងថាៈ បច្ចុប្បន្ន ដោយសារ​កំណើន​ពលក​រ ដែល​មកពី​ប្រទេស​ថៃ គឺមាន​ការ​កើន ឡើង​ច្រើន សំរាប់​ប្រជាពលរដ្ឋ រស់នៅក្នុង​ភូមិសាស្ត្រ ខេត្ត​ឧ​ត្ត​រ​មានជ័យ ក្នុងអំឡុង ពេល​បរិបទ​កូ​វីដ​-១៩​នេះ ភាគច្រើន ជា​ប្រជាពលរដ្ឋ នៅតាម​បណ្តា​មូលដ្ឋាន មួយចំនួន ពុំមាន​ការងារ​ធ្វើ ខណៈពេលដែល ពួកគាត់​បានបញ្ចប់​ពី​ធ្វើ​ច​ត្តា​ឡី​ស័ក រយៈពេល ១៤ ថ្ងៃ តាម​ការកំណត់​របស់ ក្រសួងសុខាភិបាល និង​បាន​ឲ្យ​ត្រឡប់​ទៅ​មូលដ្ឋាន​សុំ​មក​ទំនាក់ ទំនង​នឹង​មន្ត្រី នៃ​មន្ទីរ​ការងារ បណ្តុះបណ្តាល វិជ្ជាជីវៈ ដើម្បី​រក​កន្លែង​រៀន​នូវ​មុខជំនាញ ផ្សេងៗ ដោយ​មិនមាន​ការបង់ប្រាក់​។​

​លោក​បាន​បន្តថាៈ បច្ចុប្បន្ន មន្ទីរ​ការងារ បណ្តុះបណ្តាល វិជ្ជាជីវៈ ខេត្ត​ឧ​ត្ត​រ​មានជ័យ មន្ទីរ​មាន​មន្ត្រី​ជំនាញ កំពុង​រង់ចាំ​បង្រៀន នូវ​មុខជំនាញ រួមមាន ជំនាញ​កសិកម្ម​. ដាំ​ដំណាំ​. ចិញ្ចឹមសត្វ​. ជំនាញ​ជុស​ជុល​គ្រឿងយន្ត​. សំណង់​. ជាង​ផ្សារ​. ជុស​ជុល​គ្រឿង​អេឡិចត្រូនិក និង​ជំនាញ​ដទៃ​ផ្សេងៗ​ទៀត ដើម្បី​ប្រក​បរបរ ចិញ្ចឹមជីវិត​រៀងៗ​ខ្លួន​។​

​លោក​ប្រធាន​មន្ទីរ បាន​បន្ថែមថាៈ ពលករ​ខ្មែរ ដែល​បាន​ត្រឡប់​ចូល​ស្រុក​ក្នុង​ខេត្ត​ឧ​ត្ត​រ មានជ័យ ភាគច្រើន គឺ​ពួកគាត់​មិនសូវ​ចង់​រៀន នូវ​ជំនាញ​ទេ គឺមាន​ចំនួន​តិច​តូច​ពោលគឺ ពួកគាត់ តែងតែ​នាំគ្នា ទៅ​ចំណាកស្រុក ដោយ​ពួកគាត់​គិតថា ធ្វើការ​នៅឯ​ស្រុក​គេ អាច​ទទួលបាន​ប្រាក់ចំណូល​ច្រើនជាង​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular