ក្រសួងបរិស្ថាន ជំ​រុញឱ្យ​មន្ត្រី​ឧទ្យាន​នុ​រក្ស​បង្កើន​សមត្ថភាព​ក្នុ​ងាករ​បំពេញ​តួនាទី​ជា​ឆ្នាំ​ព្រៃ​

ដោយ​: ដេប៉ូ / មណ្ឌលគិរី​: មន្ត្រីជាន់ខ្ពស់​នេះ​ក្រសួងបរិស្ថាន​បាន​ជំ​រុញឱ្យ​មន្ត្រី​ឧ​ទ្យា​នុ​រក្ស ត្រូវ​បង្កើន​សត​ម្ថ​ភាព​ក្នុងការ​ហ្វឹកហាត់​ដើម្បី​ធ្វើយ៉ាងណា​ទទួលបាន​នូវ​មេរៀន​និង​បទពិសោធ ក្នុងការ​បំពេញ​តួនាទី​ជា​ឆ្នាំ​ព្រៃ​ឱ្យ​កាន់​តែមាន​ប្រសិទ្ធភាព​ថែមទៀត​។​

​ការបញ្ជាក់​បែបនេះ​ធ្វើឡើង​ដោយ​លោក នេត្រ ភក្ត្រា រដ្ឋលេខាធិការ​ក្រសួង បរិស្ថាន​នៅ​ចំពោះមុខ​មន្ត្រី​ឧ​ទ្យា​នុ​រក្ស​បម្រើការ​នៅក្នុង​ដែនជម្រកសត្វព្រៃ​ស្រែ​ពក និង​ដែនជម្រកសត្វព្រៃ​ភ្នំ​ព្រេច ក្នុង​ខេត្តមណ្ឌលគិរី​កាលពី​ថ្មីៗ​នេះ ក្នុង​ពិធី​ប្រគល់​បណ្ណ​សរសើរ​មេត្រីភាព​បរិស្ថាន ដល់​មន្ត្រី​ឧ​ទ្យា​នុ​រក្ស​ឆ្នើម​នៃ​ដែន​ជម្រក​សត្វ​ទាំង ២ ។

​លោក​រដ្ឋលេខាធិការ​បា​ន​ថ្លែងថា “​ទោះបីជា​មន្ត្រី​ឧ​ទ្យា​នុ​រក្ស​មាន​បទពិសោធ​ច្រើន​ក្នុង​ការងារ​ដើរល្បាត បង្ក្រាប​បទល្មើស និង​ការពារ​និង​អភិរក្ស​ធនធានធម្មជាតិ តែ​មន្ត្រី​ឧ​ទ្យា​នុ​រក្ស​ទាំងអស់ ត្រូវ​បន្ត​ហ្វឹកហាត់​ផ្នែក​បច្ចេកទេស​ថ្មីៗ បន្ថែមទៀត​ដើម្បី​បង្កើន​សមត្ថភាព និង​ទទួលបាន​នូវ​មេរៀន និង​បទពិសោធ​ថ្មីៗ​បន្ថែមទៀត​ក្នុង​គោលដៅ​បង្កើន​ប្រសិទ្ធភាព ក្នុងតួនាទី​របស់ខ្លួន​ជា​ឆ្មាំ​ព្រៃ​»​។

​គួរ​បញ្ជាក់ថា​ក្នុង​ពិធី​ប្រគល់​បណ្ណ​សរសើរ​នេះ​ធ្វើឡើង​ក្នុង​ក្របខណ្ឌ​នៃ​ដំណើរ​ទស្សនកិច្ច​ផ្នែក​សារព័ត៌មាន​សហការ​រៀប​ចំ​ដោយ​ក្រសួងបរិស្ថាន​និង​អង្គការ WWF ដែលមាន​អ្នកសារព័ត៌មាន​ជិត ៤០ នាក់​មកពី​ជាង ២០ ស្ថាប័ន​ចូលរួម​។

​លោក នេត្រ ភក្ត្រា បាន​ថ្លែងថា មុននឹង​ចូល​បំពេញការងារ មន្ត្រី​ឧ​ទ្យា​នុ​រក្ស​នៃ​ក្រសួងបរិស្ថាន​ដែល​ត្រូវបាន​ជ្រើសរើស ទទួលបាន​នូវ​ការបណ្តុះបណ្តាល​ផ្នែក​សមត្ថភាព​វិជ្ជាជីវៈ​លើ​វិធីសាស្ត្រ​នៃ​ការដើរ​ល្បាត ច្បាប់​បទដ្ឋាន​ផ្សេងៗ​ក្នុងនោះ​រួមមាន​ទាំង​ច្បាប់​នៃ​ការប្រើប្រាស់​អាវុធ ច្បាប់​ស្តីពី​តំបន់ការពារធម្មជាតិ និង​ក្រមសីលធម៌​វិជ្ជាជីវៈ​របស់ខ្លួន និង​វិធីសាស្ត្រ​ពាក់ព័ន្ធ​ផ្សេងទៀត​។​

​លោក នេត្រ ភក្ត្រា បាន​គូសបញ្ជាក់ថា ការបន្ត​ហ្វឹកហាត់ ពង្រឹងសមត្ថភាព គឺជា​ការចាំបាច់​បំផុត ព្រោះ​ការងារ​ជា​ឆ្មាំ​ព្រៃរបស់​មន្ត្រី​ឧ​ទ្យា​នុ​រក្ស​គឺ​ប្រឈមមុខ​ច្រើន​ក្នុងនោះ ក្រុម​ជនល្មើស​ធនធានធម្មជាតិ​ខ្លះ​មានប្រើ​ប្រាស់​អាវុធ​ទាំង​អាវុធ​ពិត​និង​អាវុធ​កែច្នៃ រួមទាំង​គ្រោះថ្នាក់​ជាយថាហេតុ​បង្កឡើង​ដោយ​អន្ទាក់​គ្រប់​ប្រភេទ ដែល​ត្រូវ​ជនខិលខូច​ដាក់​នៅក្នុង​ព្រៃ ដើម្បី​ចាប់​សត្វព្រៃ​ដោយ​ខុសច្បាប់​។

​នៅក្នុង​ដែនជម្រកសត្វព្រៃ​ស្រែ​ពក​និង​ដែនជម្រកសត្វព្រៃ​ភ្នំ​ព្រេច ក្រោម​ការគាំទ្រ​បច្ចេកទេស​របស់​អង្គការ WWF មន្ត្រី​ឧ​ទ្យា​នុ​រក្ស​បានទទួល​ការហ្វឹកហាត់​នូវ​វិធីសាស្ត្រ​ថ្មីៗ​បន្ថែមទៀត​រួម​នឹង​វិធីសាស្ត្រ​នៃ​ការពង្រឹង កាយសម្បទា​របស់​មន្ត្រី​ឧ​ទ្យា​នុ​រក្ស​ផងដែរ​។ មន្ត្រី​ឧ​ទ្យា​នុ​រក្ស​ឆ្នើម​ចំនួន ០៦ រូប​ទទួលបាន​ប័ណ្ណសរសើរ​មេត្រីភាព​ពី​ក្រសួងបរិស្ថាន​ក្នុងនោះ​រួមមាន​មន្ត្រី​ឧ​ទ្យា​នុ​រក្ស ០៣ រូប បំពេញការងារ ក្នុង ដែនជម្រកសត្វព្រៃ ស្រែ ពក និង ៣ រូប ទៀត បំពេញ ការងារ យ៉ាងសកម្ម ក្នុង ដែនជម្រកសត្វព្រៃ ភ្នំ ព្រេច នៃ ខេត្តមណ្ឌលគិរី ។ មន្ត្រី​ឧ​ទ្យា​នុ​រក្ស​ដែល​ក្រសួងបរិស្ថាន​បានចាត់ទុក​ថា​ជា​ឆ្មាំ​ការពារ​ព្រៃឈើ និង​ជា​អ្នក​នៅ​ជួរមុខ​ដើម្បី​អភិរក្ស​ធនធានធម្មជាតិ​។

​ជាមួយគ្នានេះ​លោក នេត្រ ភក្ត្រា ដែល​បានប្រគល់​បណ្ណ​សរសើរ​មេត្រីភាព​បរិស្ថាន​ដោយផ្ទាល់​ដល់​មន្ត្រី​ឧ​ទ្យា​នុ​រក្ស​នៅ​ស្នាក់ការ​ត្រពាំង​ធ្មៀរ​នៃ​ដែនជម្រកសត្វព្រៃ​ស្រែ​ពក បាន​បញ្ជាក់ដែរថា ប័ណ្ណសរសើរ​មេត្រីភាព​បរិស្ថាន​នេះ​គឺជា សក្ខីភាព​បញ្ជាក់​ពី​ការលះបង់ កម្លាំងកាយ កម្លាំងចិត្ត ដ៏ មោះមុត ក្នុងការ បំពេញការងារ ការពារ ធនធានធម្មជាតិ នៅ កម្ពុជា ។

​ទន្ទឹម​ជាមួយគ្នានេះ លោក​រដ្ឋលេខាធិការ ក៏បាន​ថ្លែង​លើកទឹកចិត្ត​ដល់​មន្ត្រី​ឧ​ទ្យា​នុ​រក្ស​បន្ត​បំពេញការងារ​ប្រកបដោយ​ការទទួលខុសត្រូវ​និង​បន្ត​បង្កើន​សមត្ថភាព​វិជ្ជាជីវៈ​របស់ខ្លួន​។​

​ក្រៅពី​ទទួលបាន​ប័ណ្ណសរសើរ​ពី​ក្រសួងបរិស្ថាន​មន្ត្រី​ឧ​ទ្យា​នុ​រក្ស​ទាំងអស់ ក្នុង​ដែនជម្រកសត្វព្រៃ​ស្រែ​ពក និង​ដែនជម្រកសត្វព្រៃ​ភ្នំ​ព្រេច ក៏​ទទួលបាន​លិខិត​សរសើរ​ពី​អង្គការ WWF ដែលជា​ដៃគូ​សហការ​របស់​ក្រសួងបរិស្ថាន​ផងដែរ​។​

​លោក សេង ទៀក ប្រធាន​អង្គការ WWF កម្ពុជា បាន​ថ្លែងថា ក្នុងនាម​ជា​ដៃគូ​យុទ្ធសាស្ត្រ​យូរអង្វែង​ចាប់តាំងពី​ឆ្នាំ ១៩៩៨ មក ជាមួយ​ក្រសួងបរិស្ថាន​លើ​ការគាំទ្រ​ការគ្រប់គ្រង​ដែនជម្រកសត្វព្រៃ​ស្រែ​ពក និង​ភ្នំ​ព្រេច​ផ្តោត​ពិសេស​ការគាំទ្រ​លើ​ការកសាង​សម​ត្តភាព​មន្ត្រី​ឧ​ទ្យា​នុ​រក្ស ការរៀបចំ​យុទ្ធសាស្ត្រ​និង​ការពង្រឹង​អនុវត្ត​ច្បាប់ ខ្ញុំបាទ​សូម​ធ្វើការ​កោតសរសើរ​និង​វាយតម្លៃ​ខ្ពស់ ចំពោះ​ស​មិត្ត​ផល​ជាច្រើន​ដែល​ទ​ទូល​បាន​ចេញពី​ការអនុវត្ត​ច្បាប់​របស់​មន្ត្រី​ឧ​ទ្យា​នុ​រក្ស​នៃ​ដែនជម្រកសត្វព្រៃ​ទាំងពីរ ចាប់ពី​ឆ្នាំ​២០១៣-២០២០ ក្នុងនោះ ឧ​ទ្យា​នុ​រក្ស​ប្រមូល​អន្ទាក់​បាន​សរុប​ចំនួន ២៤,៧៩៨​អន្ទាក់ និង​អន្ទាក់​ឆក់ ១,០៩២៥​ម៉ែត្រ រណា​យន្ត​១,៧៥២​គ្រឿង ឈេ​ី​២៦,៤៨៦​មែ​៉​ត្រ​គីប​និង​ការទន្ទ្រាន​ដីព្រៃ​ខុសច្បាប់ ២៣,៨៩៨​ហិតា ចេញ​លិខិត​ព្រមាន ១,៥៩៧​ករណី និង​ចាប់បាន​ជន​ប្រព្រឹត្ត ១២៣​នាក់ បញ្ជូនទៅ​តុលាការ ។

​លោក សេង ទៀក បាន​ថ្លែងថា អង្គការ WWF ក៏​សូម​ចូលរួម​ប្រគល់ជូន​ជា​លិខិត​សរសើរ​សម្រាប់​ការងារ​ជូន​ដល់​មន្ត្រី​ឧ​ទ្យា​នុ​រក្ស​គ្រប់ៗ​គ្នា​ទាំងអស់​មកពី​ដែន​ជម្រក​ទាំងពីរ ដើម្បី​ផ្តល់​ការគាំទ្រ​និង​ការលើកទឹកចិត្ត​ដល់​មន្ត្រី​ជួរមុខ​របស់​យើង​ដែលមាន​ឆន្ទៈ​មោះមុត ការសន្យា​និង​ការលះបង់​ខ្ពស់ ចូលរួម​ការពារ​ធន​ធាន​ធម្មជាតិ​និង​សត្វព្រៃ​ដែល​ជាប​តិក​ភ័​ណ្ឌ​ជាតិ​មានជីវិត​សម្រាប់​កូនចៅ​ជំនាន់​ក្រោយ​៕

ទីតាំងផ្សាយពាណិជ្ជកម្ម

- Advertisment -

Most Popular