អភិបាល​រាជធានី​ឱ្យ​ចាត់វិធានការ​តឹងរឹង​បំផុត​ចំពោះ​ម៉ូតូ​បំពាក់​ស៊ី​ម៉ាំង​កែច្នៃ​ឮ​ខ្លាំង​

​ដោយ​:​រ៉ា​ម៉ន​/​ភ្នំពេញ​: លោក​ឃួ​ង ស្រេង អភិបាល​រាជធានី​ភ្នំពេញ​បានធ្វើ​ការណែនាំ​ឱ្យ​អាជ្ញាធរ​ខណ្ឌ​ទាំង​១៤ និង​កម្លាំង​មាន​សមត្ថកិច្ច​ពាក់ព័ន្ធ​ទាំងអស់ អនុវត្ត​ឱ្យ​តឹងរឹង​បំផុត ចំពោះ​យានយន្ត​ដែល​បំពាក់​ស៊ី​ម៉ាំង​ខ្លាំង​រំខាន​ទៅដល់​បងប្អូន​ប្រជាពលរដ្ឋនៅក្នុង​រាជធានី​ភ្នំពេញ ខណៈដែល​ក្រសួង​ក្រសួងមហាផ្ទៃ បានចេញ​សេចក្តី ណែ នាំ​មួយ​ជុំវិញ​បញ្ហា​នេះ ដើម្បីឱ្យ​អាជ្ញា​ធរមាន​សមត្ថកិច្ច​ទាំងអស់​អនុវត្ត​ឲ្យ​បាន​ម៉ឺងម៉ាត់ និង​មិនមាន​ការលើក លែង​។​

​ការណែនាំ​បែបនេះ របស់លោក​ឃួ​ង ស្រេង អភិបាល​រាជធានី​ភ្នំពេញ​បានធ្វើ​ឡើង​ក្នុង​កិច្ចប្រជុំ​មួយ នៅ​ព្រឹក​ថ្ងៃទី​២០ ខែមករា នេះ​នៅ​សាលា​រាជធានី​ភ្នំពេញ ដោយមាន​វត្តមាន​ចូលរួម​ពី​អាជ្ញាធរ​ខណ្ឌ​ទាំង​១៤ និង​កម្លាំង​មាន​សមត្ថកិច្ច​ផងដែរ​។​

​ក្នុងឱកាស​នោះ​លោក​ឃួ​ង ស្រេង បាន​មានប្រសាសន៍​លើក​ថា មិន​ថា​ម៉ូតូ​ឬ​រថយន្ត​នោះទេ គឺ​ឱ្យ​តែមាន​សំឡេង​រំខាន​ខុសពី​ធម្មតា​ត្រូវតែ​ឃាត់​ណែនាំ​អប់រំ និង​ឱ្យ​ពួកគាត់​ដោះដូរ​មកជា​បំពង់​ស៊ី​ម៉ាំង​ធម្មតា​វិញ ទើប​អនុញ្ញាត​ឲ្យ​ពួកគាត់​ត្រឡប់​ទៅវិញ​បាន​។

​ដើម្បី​អនុវត្ត​ការងារ​នេះ​ឲ្យ​បាន​ជោគជ័យ អាជ្ញាធរ​ខណ្ឌ​១៤ និង​មាន​ឧបករណ៍​វាស់ សំឡេង​ក្នុង​១​ខណ្ឌ​មាន​២​ទៅ​៣​គ្រឿង ដើម្បីឱ្យ​អាជ្ញាធរ និង​កម្លាំង​មាន​សមត្ថកិច្ច​របស់​ខ​ណ្ឌ​នីមួយៗ​មានលទ្ធភាព​ក្នុង​ការឃាត់ វាស់​សំលេង​យានយន្ត​ទាំងនោះ​។​


ជាមួយគ្នា​នោះ លោក​ឧត្ដមសេនីយ៍ សុង លី ស្នងការរង​នគរបាល​រាជធានី​ភ្នំពេញ​បានលើកឡើង​ផងដែរ​ថា អនុវត្ត​ទៅតាម​ការណែនាំ​នៃ​វិធាន​ការឃាត់​យានយន្ត​ពាក់​ស៊ី​ម៉ាំង​លើ​នេះ ក្នុងការ​អនុវត្ត​ជា​លើកទីមួយ កម្លាំង​មាន​សមត្ថកិច្ច​ប៉ូលីស​នៃ​ស្នងការ​នគរបាល​រាជធានី​ភ្នំពេញ បានធ្វើ​ការឃាត់​យានយន្ត បាន​ចំនួន​៦០​គ្រឿង និង​បានធ្វើ​បច្ចុប្បន្នភាព​បាន​ចំនួន​៤០​គ្រឿង ប៉ុន្តែ បើទោះបីជា​មានការ​ណែនាំ​ថា ឱ្យ​អប់រំ​នឹង​ប្ដូរ​ស៊ី​ម៉ាំង​មកជា​ធម្មតា​វិញ​ឱ្យ​ពួកគាត់​ត្រឡប់​ទៅ​គេហដ្ឋាន​វិញ​នោះ គឺ​យានយន្ត​ដែល​បាន​ឃាត់ទុក មិនទាន់​អនុ​ញ្ញ​ត​ឱ្យ​ពួកគាត់​ត្រឡប់​ទៅវិញ​អស់​នៅឡើយ​ទេ ដោយសារតែ​ម៉ូតូ​មួយចំនួន​មិនទាន់មាន​ស៊ី​ម៉ាំង​ដើម្បី​ធ្វើការ​ផ្លាស់ប្ដូរ​។​

​ពាក់ព័ន្ធ​នឹង​បញ្ហា​នេះ​លោក​ឃួ​ង ស្រេង បានបញ្ជាក់​ផងដែរ​ថា រាជធានី​ភ្នំពេញ​មិនមែន​សម្រាប់តែ​អ្នកមាន​ទេ តែ​ទីក្រុង​ភ្នំពេញ ដាច់ខាត​ត្រូវតែមាន​សណ្ដាប់ធ្នាប់ មាន​ភាព​ស៊ីវីល័យ​។ ដូច្នេះ អាជ្ញាធរ​ទាំងអស់​ត្រូវ​មាន​វិធានការ​ជុំវិញ​រ៉ឺម៉ក​ដឹក​សំពីងសំពោង គឺ​មិន​អនុញ្ញាត​ឲ្យ​ពួកគាត់​ដឹកជញ្ជូន​ចូលមក​កណ្ដាល​រាជធានី​នោះទេ ។ ជា​ជំហាន​ទី​១ ចំពោះ​រ៉ឺម៉ក​ម៉ូតូ​ដឹក​សំពីងសំពោង​នេះ អាជ្ញាធរ​ត្រូវ​ឃាត់ ដើម្បី​ធ្វើ​កិច្ចសន្យា​អប់រំ​ជា​លើកទីមួយ ទើប​អនុញ្ញាតឱ្យ​ពួកគាត់​ត្រឡប់​ទៅវិញ​។ តែបើ​មាន​ជា​លើក​ទី​២ យើង​ត្រូវតែ​ធ្វើ​ការឃាត់​ពួកគាត់​ទុក ។ ការអនុវត្ត​ការងារ​នេះ​គឺ ដើម្បី​ធ្វើយ៉ាងណា​ឱ្យ​រាជធានី​ភ្នំពេញ​របស់​យើង​កាន់​តែមាន​សោភ័ណភាព​មាន​សណ្ដាប់ធ្នាប់​សាក​សមជា​ទីក្រុង​ដែលមាន​ភាព​ស៊ី​វិ​ល័យ​៕​

ទីតាំងផ្សាយពាណិជ្ជកម្ម

- Advertisment -

Most Popular