Home ព័ត៌មានជាតិ សេដ្ឋកិច្ច គម្រោង​រួមគ្ន...

គម្រោង​រួមគ្នា​រវាង​រាជរដ្ឋាភិបាល​កម្ពុជា​និង​អង្គការសហប្រជាជាតិ​ដើម្បី​លើកកម្ពស់​ជីវភាព និង​សុខភាព​ពលរដ្ឋ​ទើប​ចំណូលស្រុក

​ដោយៈ​បាយ័ន​/​សៀមរាប​: ក្នុង​ដំណើរ​ទស្សនកិច្ច​ចុះ​តាមដាន ត្រួតពិនិត្យ​ការអនុវត្ត​គម្រោង​រួមគ្នា រវាង​រាជ​រដ្ឋាភិបាល​កម្ពុជា​ជាមួយ​អង្គការសហប្រជាជាតិ សម្រាប់​គាំទ្រ និង​លើកកម្ពស់​ជីវភាព និង​សុខភាព ប្រជា​ពលរដ្ឋ​ជា​ទេសន្តរប្រវេសន៍ ក្នុងដំណាក់កាល​ជំងឺ​កូ​វីដ​-១៩ ដោយមាន​ការចូលរួម​ពី​លោកស្រី ជូ ប៊ុន​អេង រដ្ឋលេខាធិការ​ក្រសួងមហាផ្ទៃ និង​ជា​អនុប្រធាន​អចិន្ត្រៃយ៍​នៃ​គណៈកម្មាធិការ​ជាតិ​ប្រយុទ្ធប្រឆាំង​អំពើ​ជួញដូរ​មនុស្ស និង​លោកស្រី យូ សុភា អភិបាលរង​ខេត្តសៀមរាប ថ្នាក់ដឹកនាំ​អគ្គ​រង​នៃ​លេខាធិការដ្ឋាន គ​.​ជ​.​ប​.​ជ​។ នេះ​បើតាម​ការបញ្ជាក់​អោយដឹងពី​រដ្ឋបាលខេត្ត​សៀមរាប នា​ថ្ងៃទី​២០ ខែមករា ឆ្នាំ​២០២១​នេះ​។​

គម្រោង​រួមគ្នា​រវាង​រាជរដ្ឋាភិបាល​កម្ពុជា​និង​អង្គការសហប្រជាជាតិ​ដើម្បី​លើកកម្ពស់​ជីវភាព និង​សុខភាព​ពលរដ្ឋ​ទើប​ចំណូលស្រុក

​លោកស្រី យូ សុភា អភិបាលរង​ខេត្តសៀមរាប ថ្នាក់ដឹកនាំ​អគ្គ​រង​នៃ​លេខាធិការដ្ឋាន គ​.​ជ​.​ប​.​ជ បាន​និយាយថា នៅក្នុង​ដំណើរ​ទស្សនកិច្ច​នេះ ប្រតិភូ​បាន​ចុះ​ពិនិត្យ និង​ជួប​សំណេះសំណាល​ជាមួយ​ថ្នាក់ដឹកនាំ​រដ្ឋបាល​ស្រុក ឃុំ មន្ត្រី​អនុវត្ត​គម្រោង និង​ក្រុម​គោលដៅ​ដែល​ទទួលផល​ពី​គម្រោង ដើម្បី​សិក្សា​ស្វែងយល់ ពី​លទ្ធផល​នៃ​ការអនុវត្ត​ផែនការ និង​បញ្ហា​ប្រឈម​នានា​ដែល​អាជ្ញាធរ​មូលដ្ឋាន និង​ប្រជាពលរដ្ឋ​ដែលជា​ទេសន្តរប្រវេសន៍ ជួបប្រទះ ព្រមទាំង​ទទួលយក​នៅ​សំណូមពរ ដែល​មន្ត្រី​អ្នកអនុវត្ត និង​ប្រជាពលរដ្ឋ​លើកឡើង​។​

​ទន្ទឹមនឹងនេះ លោកស្រី ជូ ប៊ុន​អេង បាន​បញ្ជាក់ថា អាជ្ញាធរ​ដែនដី​ត្រូវ​តាមដាន និង​យកចិត្តទុកដាក់​ពី​បញ្ហា​សំណូមពរ​នានា ដែល​ពលក​រដ្ឋ​បានស្នើ និង​បាន​លើកទឹកចិត្ត​ឱ្យ​ប្រជាពលរដ្ឋ​ទាំងអស់គ្នា​ត្រូវ​បង្កើន​ការផលិត​ផ្នែក​កសិកម្ម ការចិញ្ចឹម​សត្វ​ជាដើម ដើម្បី​ដោះស្រាយ​បញ្ហា​ជីវភាព ពិសេស​នៅក្នុង​ដំណាក់​កាលដែល​ប្រទេស​កំពុងតែ​កើតមាន​ជំងឺ​កូ​វីដ​-១៩​នេះ​។

គម្រោង​រួមគ្នា​រវាង​រាជរដ្ឋាភិបាល​កម្ពុជា​និង​អង្គការសហប្រជាជាតិ​ដើម្បី​លើកកម្ពស់​ជីវភាព និង​សុខភាព​ពលរដ្ឋ​ទើប​ចំណូលស្រុក

​លោកស្រី​បាន​បញ្ជាក់ថា រាជរដ្ឋាភិបាល បានធ្វើការ​ស្វះស្វែង​គៀងគរ​រក​ជំនួយ​ឧបត្ថម្ភ​បន្ថែម ទៀត​សម្រាប់​ទ្រទ្រង់​ដល់​ផែនការ​អភិវឌ្ឍ​ការងារ និង​ជំនាញ​បច្ចេកទេស​ផ្សេងៗ ទៅដល់​បងប្អូន​ប្រជាពលរដ្ឋ ដែលជា​ផ្នែក​ដ៏​សំខាន់ និង​ជា​តម្រូវការ​ចាំំ​បាច់​ចំពោះមុខ ក្នុងការ​ទប់ស្កាត់​ការវិលត្រឡប់​ទៅ​ស្វែងរក​ការងារ​ធ្វើ​នៅក្រៅ​ប្រទេស​ដោយ​ខុសច្បាប់ និង​នៅក្នុង​ដំណាក់​ជំងឺ​កូ​វីដ​-១៩​នេះ​។ បន្ថែម​ពី​នោះ លោកស្រី​បាន​ជំ​រុញឱ្យ​ប្រជាពលរដ្ឋ ពិសេស​ពលករ​ដែល​ទើប​ចំណូលស្រុក ទៅ​ចុះឈ្មោះ​រក​ការងារ​ធ្វើ​នៅ​មន្ទីរ​ការងារ និង​បណ្តុះបណ្តាល​វិជ្ជាជីវៈ​ខេត្ត (​មជ្ឈមណ្ឌល​ការងារ​ខេត្តសៀមរាប​) ដែលជា​យន្តការ​របស់​រាជ​រដ្ឋបាល​កម្ពុជា​ក្នុងការ​ដោះស្រាយ​បញ្ហា​ចំពោះមុខ​របស់​ប្រជាពលរដ្ឋ​។​

គម្រោង​រួមគ្នា​រវាង​រាជរដ្ឋាភិបាល​កម្ពុជា​និង​អង្គការសហប្រជាជាតិ​ដើម្បី​លើកកម្ពស់​ជីវភាព និង​សុខភាព​ពលរដ្ឋ​ទើប​ចំណូលស្រុក

​ក្នុង​ដំណើរ​ទស្សនកិច្ច​ខាងលើ គណៈ​:​ប្រតិភូ​បានធ្វើ​ទស្សនកិច្ច​នៅ​មណ្ឌល​សុខភាព​សំបួរ និង​គ្រួសារ​ពលករ​មាន​ផ្ទៃពោះ ដែល​ទទួលបាន​ការគាំទ្រ​ផ្នែក​សុខភាព​សម្រាប់​ត្រៀម​មុន និង​ក្រោយ​សម្រាលកូន ដែល​អនុវត្ត​គម្រោង​ដោយ​អង្គការ​រ៉ា​ក់ ទទួលបាន​ការគាំទ្រ​ពី​អង្គការ UNFPA , គ្រួសារ​ពលករ​ដាំ​បន្លែ ០១​គ្រួសារ ចិញ្ចឹម​មាន់ ០១​គ្រួសារ និង​ប្រកប​របរ​អាជីវកម្ម​ខ្នាតតូច ០១​គ្រួសារ ដែល​អនុវត្ត​គម្រោង​ដោយ​អង្គការ​ទស្សន​ពិភពលោក មានការ​គាំទ្រ​ដោយ​អង្គការ IOM ក្នុងចំណោម​អ្នកទទួលផល​ពី​គម្រោង​សរុប ចំនួន ៨៨ គ្រួសារ​នៅ​ស្រុក​ក្រឡាញ់​។ បន្ថែម​ពី​នោះ​ប្រិ​តិ​ភូ​បាន​បន្តដំណើរ​ទស្សនកិច្ច​ក្រុមការងារ​ផ្សព្វផ្សាយ​អំពី​ការចិញ្ចឹម​កូន​បែប​វិជ្ជមាន ដែល​អនុវត្ត​ដោយ​អង្គការ UNICEF នៅ​ឃុំ​សសរស្តម្ភ ស្រុក​ពួក​៕​

គម្រោង​រួមគ្នា​រវាង​រាជរដ្ឋាភិបាល​កម្ពុជា​និង​អង្គការសហប្រជាជាតិ​ដើម្បី​លើកកម្ពស់​ជីវភាព និង​សុខភាព​ពលរដ្ឋ​ទើប​ចំណូលស្រុក

ទីតាំងផ្សាយពាណិជ្ជកម្ម

- Advertisment -

Most Popular