ការពង្រីក និងបង្កើនប្រព័ន្ធហេដ្ឋារចនាសម្ព័ន្ធ ជារឿងប្រពៃ សម្រាប់កិច្ចអភិវឌ្ឍន៍មូលដ្ឋាន នាពេលអនាគត

​ដោយៈ បូកគោ / កំ​ពតៈ អភិបាល​ខេត្តកំពត បានបញ្ជាក់​ថាៈ ការពង្រីក និង​បង្កើន​ប្រព័ន្ធ​ហេដ្ឋារចនាសម្ព័ន្ធ ជា​រឿង​ល្អ​ប្រពៃ សម្រាប់​កិច្ច​អភិវឌ្ឍ​ន៍មូលដ្ឋាន នាពេល​អនាគត​។ ប៉ុន្តែ​អាជ្ញាធរ និង​ជំនាញ ត្រូវ​គិតពី​លទ្ធភាព ដែល​អាច​ធ្វើបាន ជៀសវាង​ការគ្រោងទុក​នោះ ហួស​ពី​សមត្ថភាព បង្កឱ្យមាន​ពាក្យរិះគន់​។​

​នា​ព្រឹក​ថ្ងៃទី​២០ ខែមករា ឆ្នាំ​២០២១ គណៈកម្មាធិការ​សុរិយោដី ខេត្តកំពត បាន​បើក​កិច្ចប្រជុំ​ពិភាក្សា ស្តីពី​ការកំណត់​ហេដ្ឋារចនាសម្ព័ន្ធ ក្នុងភូមិ​ចំនួន​ពីរ នៃ​ស្រុក​បន្ទាយមាស ដើម្បី​បិទ​ផ្សាយ​ទិន្នន័យ ជា​សាធារណៈ មុននឹង​ឈានទៅ​ចេញ ប័ណ្ណ​សម្គាល់ អចលនទ្រព្យ ជូន​ប្រជាពលរដ្ឋ​។​

លោក ជាវ តា​យ អភិបាលខេត្តកំពត

​ថ្លែង​ក្នុង​កិច្ចប្រជុំ ខាងលើ លោក ជាវ តា​យ អភិបាលខេត្តកំពត បាន​មានប្រសាសន៍ថាៈ ការ​បម្រុង​ទុក​នូវ​ផ្ទៃដី សម្រាប់​ស្ថាបនា និង​បង្កើន​ហេដ្ឋារចនាសម្ព័ន្ធ ក៏ដូចជា ការពង្រីក​បណ្តាញ​ផ្លូវ នៅ​មូលដ្ឋាន ជា​ប្រការ​ល្អ​បំផុត ដើម្បី​ងាយស្រួល ក្នុង​កិច្ចអភិវឌ្ឍន៍ នាពេលខាងមុខ​។ ជាមួយនេះ ទាំង​អាជ្ញាធរ និង​មន្ត្រី​ជំនាញ ក៏​មិនត្រូវ​បំភ្លេច អំពី​បញ្ហា​ប្រឈម ដែល​អាច​នឹង​កើតឡើង ដោយសារ​ការ​បម្រុង​ទុក មាន​ទំហំ​ធំ បែរជា​គ្មាន​លទ្ធភាព​ធ្វើបាន​។ ខណៈនោះ​ហើយ ដែល​បង្កឱ្យមាន​កា​រិះគន់ ឬ​ភាព​ថ្នាំងថ្នាក់ ពី​មជ្ឈដ្ឋាន​នានា ព្រោះតែ​ការប៉ាន់ប្រមាណ មិនបាន​ច្បាស់លាស់​។​

​លោក​អភិបាលខេត្ត បានបញ្ជាក់​ថាៈ កិច្ចការ​ទាំងនេះ តម្រូវឱ្យមាន​ការយក​ចិត្ត​ទុកដាក់ គិតគូរ ក៏ដូចជា ពិភាក្សា​យ៉ាង​ល្អិតល្អន់ ពី​គ្រប់ផ្នែក​ពាក់ព័ន្ធ​ទាំងអស់ មុននឹង​ឈានទៅ​កំណត់ ពី​ចក្ខុវិស័យ ដើម្បី​បញ្ចៀស នូវ​វិប្បដិសារី​។ និយាយ​រួម បើ​ការ​អនុវត្តបាន​ជោគជ័យ ស្របតាម​គោលដៅ ដែល​បាន​ព្រាងទុក នោះ ការរីកចម្រើន និង​ភាពជឿជាក់ របស់​ប្រជាពលរដ្ឋ​មូលដ្ឋាន ចំពោះ​ថ្នាក់ដឹកនាំ នឹង​កើតមាន​ជាក់​ជាមិនខាន​។​

កិច្ចប្រជុំ​ពិភាក្សា ស្តីពី​ការកំណត់​ហេដ្ឋារចនាសម្ព័ន្ធ ក្នុងភូមិ​ចំនួន​ពីរ នៃ​ស្រុក​បន្ទាយមាស

​សូមបញ្ជាក់ថាៈ កិច្ចប្រជុំ​នេះ បាន​លើកយក​ភូមិ​ច្រក​ឃ្លៃ ស្ថិតក្នុង​ឃុំ​បន្ទាយមាស ខាងលិច និង​ភូមិ​អង្គ​ម្លី របស់​ឃុំ​បន្ទាយមាស ខាងកើត មក​ពិភាក្សា​។ ក្នុងនោះ ភូមិ​ច្រក​ឃ្លៃ មាន​គម្រោង​ពង្រីក និង​ស្ថាបនា​ផ្លូវ ទំហំ​ចាប់ពី ៣​ម៉ែត្រ ទៅ ១២​ម៉ែត្រ ចំនួន ២១​ខ្សែ និង​ប្រព័ន្ធ​ប្រឡាយទឹក ៧​ខ្សែ​។ ដោយឡែក ភូមិ​អង្គ​ម្លី មាន​បណ្តាញ​ផ្លូវ ចំនួន ៨​ខ្សែ និង​ប្រព័ន្ធ​ប្រឡាយ​ទឹ ៨​ខ្សែ​៕/V​

ការពង្រីក និង​បង្កើន​ហេដ្ឋារចនាសម្ព័ន្ធ ជា​រឿង​ប្រពៃ សម្រាប់​អភិវឌ្ឍន៍ មូលដ្ឋាន​នា​អនាគត​

ការពង្រីក និង​បង្កើន​ហេដ្ឋារចនាសម្ព័ន្ធ ជា​រឿង​ប្រពៃ សម្រាប់​អភិវឌ្ឍន៍ មូលដ្ឋាន​នា​អនាគត​

ការពង្រីក និង​បង្កើន​ហេដ្ឋារចនាសម្ព័ន្ធ ជា​រឿង​ប្រពៃ សម្រាប់​អភិវឌ្ឍន៍ មូលដ្ឋាន​នា​អនាគត​

ទីតាំងផ្សាយពាណិជ្ជកម្ម

- Advertisment -

Most Popular