Home ព័ត៌មានជាតិ សន្តិសុខ នគរបាល​ព្រហ្ម...

នគរបាល​ព្រហ្ម​ទ័​ណ្ឌ​បំបែកសំណុំរឿង​ក្មេង​ទំនើង​យក​ដុំថ្ម​គប់​កញ្ចក់​រថយន្ត ដែល​កើតឡើង​១​ករណី​ទៀត

ដោយ​: ប​.​ជ័យ / បន្ទាយមានជ័យ​: នគរបាល​ព្រហ្ម​ទ័​ណ្ឌ​ស្រុក​មង្គល​បូរី បាន​បំបែកសំណុំរឿង​ក​រិ​ក្មេង​ទំនើង​យក​ដុំថ្ម​គប់​កញ្ចក់​រថយន្ត និង​ប្រើប្រាស​ដែល​កើតឡើង​១​ករណី​ទៀត គឺ​ឃាត់​ក្មេង​ទំនើង​ចំនួន​០៤​នាក់ រួច​បញ្ជូន​សំណុំរឿង​ទៅ​សាលាដំបូង​ខេត្តបន្ទាយមានជ័យ នៅ​ថ្ងៃទី​២០​ខែមករា ឆ្នាំ​២០២១​។​

​លោក​វរសេនីយ៍ឯក​ស៊ិន ណារ៉ាក់ អធិការនគរបាល​ស្រុក​មង្គល​បូរី បាន​ឲ្យ​ដឹង​ថ្ងៃទី​២០​ខែមករា​ថា​៖ កាលពី​ម៉ោង​១០​និង​៥២​នាទី​ព្រឹក ថ្ងៃទី​១៧​ខែមករា ឆ្នាំ​២០២១ មាន​ក្រុម​ក្មេង​ទំនើង​១​ក្រុម បានធ្វើ​សកម្មភាព​ជិៈ​ម៉ូតូ​ដេញ​វ៉ា​រថយន្ត​០១​គ្រឿង ម៉ាក​ស៊ីណា ពណ៌​ទឹកប្រាក់ ផលិត​ឆ្នាំ​២០០៤ ពាក់​ស្លាក​លេខ​ភ្នំពេញ​.2AD.5103 បើកបរ​ដោយ​ឈ្មោះ ឆាង ចន្ថា ភេទ​ប្រុស​អាយុ ៣៧​ឆ្នាំ (​ទីលំនៅ​នៅ​ភូមិ​ជ្រៃ ឃុំ​ក​ណ្តែ​ក ស្រុក​ប្រាសាទបាគង ខេត្តសៀមរាប )​ដែល​ធ្វើដំណើរ​លើផ្លូវ​ច​ជាតិ​លេខ​១៥៦D ពី​សៀមរាប​ទៅ​បាត់ដំបង​។ ពេល​ដល់​ចំណុច​ភូមិ​ប្រឡាយ​ហ្លួង​ក្រោម ឃុំ​ប្ញ​ស្សី​ក្រោក ស្រុក​មង្គល​បូរី ក្រុម​ក្មេង​០៤​នាក់​នេះ បាន​យក​ដុំថ្ម​គប់​កញ្ចក់​រថយន្ត​ខាងក្រោយ​ផ្នែក​ខាងឆ្វេង បណ្តាលអោយ​បែក រួច​ជិៈ​គេចខ្លួន​ទៅ ។​

​ឈ្មោះ ឆាង ចន្ថា ជា​ម្ចាស់​រថយន្ត​បាន​ប្តឹង​ថា នៅ​មុនពេល​កើតហេតុ គាត់​បើករថយន្ត​មក​កន្លែងកើតហេតុ ឃើញ​ក្រុម​ក្មេង​០៤​នាក់​នេះ ជិៈ​ម៉ូតូ​០២​គ្រឿង​ស​ន្ទឹ​ម​គ្នា​លើផ្លូវ​ជាតិ ។​
​ពេលនោះ​គាត់​បាន​ស៊ី​ផ្លេ​រ​សុំ​ផ្លូវ រួច​បើក​វ៉ា​ជែង​ម៉ូតូ​ពួកគេ​។ ប៉ុន្តែ ក្មេង​ទំនើង​ទាំង​០៤​នាក់​នេះ បាន​បើក​ម៉ូតូ​វ៉ា​រថយន្ត​វិញ​ដោយ​ម៉ូតូ​០១​បើក​រ៉េ​រ៉​មុខ​រថយន្ត​និង​០១​គ្រឿង​ទៀត អ្នក​ជិៈ​ពីក្រោយ​មាន​ដុំថ្ម​០២​ដុំ បាន​គប់​ទៅលើ​រថយន្ត​បណ្តាល​ឲ្យ​បែក​កញ្ចក់​ខាងក្រោយ​ផ្នែក​ខាងឆ្វេង​។​

​ដោយ​៖​អនុវត្តតាម​បទបញ្ជា​របស់លោក​ឧ​ត្ត​ម​សេនីយ៍​ទោ​សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ និង​មានការ​សម្របសម្រួល​និតិ​វិធី​ពី​លោក​មាស ច័ន្ទ​ពិសិដ្ឋ ព្រះរាជអាជ្ញា អម​សាលាដំបូង​ខេត្ត បន្ទាយមានជ័យ កម្លាំង​នគរបាល​ស្រុក​មង្គល​បូរី បានធ្វើការ​ស្រាវជ្រាវ​និង​ឈានដល់​ចាប់​ឃាត់ខ្លួន​ក្រុម​ក្មេង​ទំនើង​ទាំង​០៤​នាក់ នៅវេលា​ម៉ោង​០៥​និង​២០​នាទី​ល្ងាច​ថ្ងៃទី​១៨​ខែមករា ឆ្នាំ​២០២១ ។​

​ជនសង្ស័យ​ក្មេង​ទំនើង រួមមាន​ឈ្មោះ ០១/-​ប្រុស វ៉ាន់​នី ហៅ​បាក់ ភេទ​ប្រុស​អាយុ​១៥​ឆ្នាំ ជា​អ្នកធ្វើ​សកម្មភាព​គប់​កញ្ចក់រ​ថយ​ន្ត​,០២/-​ម៉ិច សំប៉ាន ភេទ​ប្រុស​អាយុ​១​ឲ​២០​ឆ្នាំ​,០៣/-​វ៉ា ឆៃ​រ៉ា​ក់ ភេទ​ប្រុស​អាយុ​១៦​ឆ្នាំ​។ ទាំង​០៣​នាក់​នេះ នៅ​ភូមិ​បឹង​វែង ឃុំ​តា​ឡំ ស្រុក​មង្គល​បូរី ខេត្តបន្ទាយមានជ័យ និង​០៤/-​ឈ្មោះ​សុំ ថាវ​រី ភេទ​ប្រុស អាយុ ១៧​ឆ្នាំ នៅ​ភូមិ​ដូន​ច្រែង ឃុំ​ព្រះនេត្រព្រះ ស្រុក​ព្រះនេត្រព្រះ ខេត្តបន្ទាយមានជ័យ​។​

ពួកគេ​បាន​សារភាព​ពី​ទង្វើ​របស់​ពួកគេ ហើយ​ថា​មកពី​ពួ​គេ​ខឹង​នឹង​ម្ចាស់​រថយន្ត​ដែល​មិន​ត្រឹមតែ​សុ​ី​ផ្លេ​ទេ ថែម​បើក​ជែង​ម៉ូតូ​ពួកគេ​ក្នុង​ដែន ទឹកដី​លំនៅដ្ឋាន​របស់​ពួកគេ ធ្វើអោយ​ពួកគេ​ខូ​ូ​ច​ឥទ្ធិពល​ជា​បងធំ​ក្នុងភូមិ ។​និង​ម្យ៉ាង​ទ​ផត មកពី​ពួកគេ​ញៀន​គ្រឿងញៀន ដែលនាំអោយ​ចិត្ត​ទៅ​ហ៊ាន​និង​សាហាវ ។​

លោក​វរសេនីយ៍ទោ ព្រហ្ម ប៊ុនធឿន នាយការិយាល័យ នគរបាល​ព្រហ្មទណ្ឌកំ​រិត​ស្រាល​នៃ​ស្នងការដ្ឋាន​នគរបាល​ខេត្តបន្ទាយមានជ័យ បាន​បញ្ជាក់ថា​៖​ដោយ​ផ្អែកទៅលើ​បណ្តឹង​របស់​ជនរងគ្រោះ​ជា​ម្ចាស់​រថយន្ត​និង​តាម​ចម្លើយសារភាព​របស់រ​បស់​ក្រុម​ក្មេង​ទាំង​០៤​នាក់ បច្ចុប្បន្ន​កម្លាំង​នគរបាល​ជំនាញ បានរៀបចំ​សំណុំរឿង​បញ្ជូន​ក្រុម​ក្មេង​ទាំង​០៤​នាក់​ទៅ​សាលាដំបូង​ខេត្តបន្ទាយមានជ័យ នៅ​ថ្ងៃទី​២០​ខែមករា​ឆ្នាំ​២០២១ ។​

​សូម​រំលឹកថា លើ​កំណាត់​ផ្លុ​វ​ខេត្ត​លេខ​១៥៦D (​ព្រះនេត្រព្រះ​-​មង្គល​បូរី )​នៅ​ម្តុំ​ភូមិ​ស្រមោច​ឃុំ​ព្រះនេត្រព្រះ​និង​ឃុំ​គយ​ម៉ែង​ស្រុក​មង្គល​បូរី​) តែង​កើតឡើង​ករណី​ក្មេង​ទំនើង​ស្ទាក់​រថយន្ត​គប់​កញ្ចក់ ។​
​ប៉ុន្តែ បន្ទាប់មក នគរបាល​បាន​តស៊ូ​បំបែក​ក្តី​នោះបាន​បន្តបន្ទាប់​ដែរ ។​

ទោះ​យ៉ាង នៅ​ករណី​ក្មេង​ទំនើង គប់​បំបែក​កញ្ចក់​ឡាន​លោក​វរសេនីយ៍​នាយការិយាល័យ​ប្រឆាំង​បទល្មើស​ដេ​ដ្ឋ​កិច្ច​ខេត្ត កាលពី​ថ្មី​នេះ នៅ​បំបែក​មិនទាន់​បានដែរ ៕​

ទីតាំងផ្សាយពាណិជ្ជកម្ម

- Advertisment -

Most Popular