Home ព័ត៌មានអន្តរជាតិ អនុ​ប្រធានាធិ...

អនុ​ប្រធានាធិបតី​ស្រី​ដំបូង​ស្បថ​កាន់​តំណែង​, បើក​ទំព័រ​ថ្មី​ក្នុង​នយោបាយ​អាម៉េរិក​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ អនុ​ប្រធានាធិបតី កា​ម៉ា​ឡា ហារី​សបាន​បំបែក​រនាំង​ដែល​ទុក​ឱ្យ​តែ​បុរស​ស្ថិតនៅ​លំដាប់​កំពូល​នៃ​អំណាច​អាម៉េរិក​រយៈពេល​ជាង​ពីរ​សតវត្សរ៍​នៅពេលដែល​លោក​​ស្រី​ស្បថ​កាន់​តំណែង​ខ្ពស់​បំផុត​ទី​ពីរ​របស់​ប្រទេស​កាលពី​ថ្ងៃ​ពុធ​ទី​២០​មករា​។​

​លោក​ហារី​ស​បាន​ស្បថ​ចូលកាន់​តំណែង​ជា​អនុ​ប្រធានាធិបតី​ស្រី​ដំបូង​នៃ​សហរដ្ឋ​អាម៉េរិក​និង​ជា​ស្ត្រី​ស្បែក​ខ្មៅ​និង​ជា​មនុស្ស​ដំបូង​មាន​ឈាមជ័រ​ជា​អ្នក​អាស៊ី​ខាងត្បូង​ដែល​កាន់​មុខតំណែង​នេះ​នៅ​ចំពោះមុខ​ប្រធាន​តុលាការ​កំពូល លោកស្រី សូ​នីយ៉ា សូ​តូ​ម៉ា​យ៉ា នៅ​វិមាន​កា​ពី​តូ​ល​។ ក្រោយមក​លោក​ស្រី​បាន​ធ្វើ​ជា​ប្រធានព្រឹទ្ធសភា​បណ្តោះអាសន្ន​ជា​លើក​ដំបូង​ដើម្បី​ផ្តល់​សម្បថ​ចូលកាន់​តំណែង​ដល់​ព្រឹទ្ធសមាជិក​​បក្ស​ប្រជាធិបតេយ្យ​ថ្មី ៣ រូប​ក្នុងនោះ​រួមទាំង​អ្នក​ចូល​ជំនួស​លោកស្រី​ផងដែរ​។​

​ទិដ្ឋភាព​នេះ​ត្រូវបាន​ចារ​ទុកជា​ប្រវត្តិសាស្ត្រ​និង​មាន​សារៈសំខាន់​ខ្លាំង​បំផុត​។ លោកស្រី​ត្រូវបាន​អមដំណើរ​ទៅលើ​វេទិកា​ដោយ​មន្ត្រី​ប៉ូលិស​កា​ពី​តូ​ល​លោក យូ​ជីន ហ្គោដ​មែន​ដែល​បាន​ប្រឈម​ដោះស្រាយ​​តែ​ម្នាក់ឯង​គត់​ទៅលើ​ហ្វូង​អ្នកគាំទ្រ​ត្រាំ នៅ​ពេល​ពួកគេ​ព្យាយាម​លុកលុយ​វិមាន​ព្រឹទ្ធសភា​ក្នុងអំឡុងពេល​បះបោរ​ដើម្បី​ព្យាយាម​ក្រឡាស់​លទ្ធផល​នៃ​ការបោះឆ្នោត​។ ​លោកស្រី​ហារី​ស​បាន​ស្លៀកពាក់​ឈុត​ដែល​ច្នៃ​ដោយ​អ្នក​រចនា​ម៉ូត​ស្បែក​ខ្មៅ​លេចធ្លោ​វ័យក្មេង​ពីរ​នាក់ គឺ រ៉ូប​ពណ៌​ស្វាយចាស់​និង​អាវធំ​។​

​បន្ទាប់ពី​បាន​ធ្វើ​សច្ចាប្រណិធាន​ចូលកាន់​តំណែង លោកស្រី​ហារី​ស​ញញឹម​ឱប​ស្វាមី​ឈ្មោះ​ឌូ​ក្លាស អេម​ហូ​ហ្វ និង ជល់​កណ្តាប់ដៃ​ជាមួយ​លោក​ប្រធានាធិបតី​ចូ បៃ​ដិន​។​

​ការ​រះ​ត្រដែត​របស់​លោកស្រី​គឺ​មាន​លក្ខណៈ​ជា​ប្រវត្តិសាស្ត្រ​ទោះ​ក្នុង​បរិបទ​ណាក៏ដោយ ក្នុងពេល​ដែល​ព្រំដែន​ដ៏​រឹងរូស​បានរ​លំបាក់​លា​ត​ត្រដាង​ឱ្យឃើញថា​រឿង​អ្វី​ក៏​អាច​កើតឡើង​បានដែរ​នៅក្នុង​នយោបាយ​​អាម៉េរិក​។ ប៉ុន្តែ​វា​ពិតជា​មាន​អត្ថន័យ​ពិសេស​បំផុត ព្រោះ​ថា​លោកស្រី​ហារី​ស​ចូលកាន់​តំណែង​ចំ​ពេល​ដែល​ជនជាតិ​អាម៉េរិក​កំពុង​ដោះស្រាយ​នឹង​បញ្ហា​រើសអើង​ជាតិ​សាសន៍​និង​ប្រឈម​មុខ​នឹង​ជំងឺ​រាតត្បាត ដែល​បំផ្លាញ​សហគមន៍​ស្បែក​ខ្មៅ​និង​សម្បុរ​ត្នោត​យ៉ាងធ្ងន់ធ្ងរ​។​

​អ្នក​ជិតស្និទ្ធ​នឹង​លោកស្រី​ហារី​ស​និយាយថា លោក​ស្រី​នឹង​នាំមក​នូវ​ទស្សនវិស័យ​ដ៏​សំខាន់​តែ​ត្រូវ​គេ​មើល​រំលង​ជា​ញឹកញាប់ នោះ​គឺ​ការជជែក​ដេញដោល​អំពី​វិធី​ជម្នះ​ឧបសគ្គ ដែល​រដ្ឋបាល​ថ្មី​នឹង​ត្រូវ​ប្រឈមមុខ​៕

​លោកស្រី​ហារី​ក្លាយ​ជា​អនុ​ប្រធានាធិបតី​ស្រី​ដំបូងបង្អស់​របស់​អាម៉េរិក​

ទីតាំងផ្សាយពាណិជ្ជកម្ម

- Advertisment -

Most Popular