ម៉ាក​ហ្គ្រេ​ហ្គ័​រចាប់​អារម្មណ៍​ចង់​វ៉ៃ​ដណ្តើម​លុយ​លាន​ដុល្លារ​ជា​មួយ​ប៉ាក​គី​អៅ​

​ប្រែ​សម្រួល : កញ្ញា​ដា​លី​ស ៖ តារា​ប្រដាល់​ក្របខ័ណ្ឌ UFC ខូន័​រ ម៉ាក​ហ្គ្រេ​ហ្គ័​រ ត្រៀមខ្លួន​ជាស្រេច​សម្រាប់​ការប្រកួត​ស៊ីលុយ​វាល់​លាន​ដុល្លារ​ជាមួយ​អ្នក​ប្រដាល់ មែន​នី ប៉ាក​គី​អៅ​។​

​អ្នក​ប្រដាល់​អៀរ​ឡង់​រូបនេះ​ពីមុន​ធ្លាប់​ឡើង​សង្វៀន​ប្រកួត​ជា​មួយ​ផ្ល​យ មេ​វេឌ័រ​ក្នុង​ឆ្នាំ​២០១៧ ក្នុង​អ្វីដែល​បាន​ក្លាយជា​ការប្រកួត​ឆ្លង​ក្របខ័ណ្ឌ​មាន​មនុស្ស​មើល​ច្រើន​បំផុត​ក្នុង​ប្រវត្តិសាស្ត្រ​។​

​ម៉ាក​ហ្គ្រេ​ហ្គ័​រ​នឹង​វិលត្រឡប់​មក​សង្វៀន​ពហុ​កោ​ណ UFC នៅ​ថ្ងៃ​សៅរ៍​នេះ នៅ​ពេល​រូបគេ​ប្រឈម​នឹង​កីឡាករ ដា​ស្ទីន ពៀ​រ៉័រ ក្នុង​ទីក្រុង​អា​ប៊ូ​ដា​ប៊ី​ប៉ុន្តែ​ភ្នែក​ម្ខាង​ទៀត​ក៏​សម្លឹងមើល​ការប្រកួត​ឆ្លង​​ក្របខ័ណ្ឌ​សាជាថ្មី​សម្រាប់​ជំនួប​ស៊ីលុយ​ធំ​ជាមួយ​ប៉ាក​គី​អៅ​ផងដែរ​។

​ពេល​សួរថា​តើ​គាត់​នឹង​វ៉ៃ​ជាមួយ​កីឡាករ​ហ្វីលីពីន​នៅ​ឆ្នាំ​នេះ​ទេ គាត់​បាន​ប្រាប់​ទូរទស្សន៍ BT Sport ថា “​ខ្ញុំ​ត្រូវ​ទុក​ជម្រើស​ខ្ញុំ​នៅ​ចំហ​សិន​។​ការចរចា​កំពុង​ជំរុញ​ទៅ​មុខ​ខ្លាំងក្លា​។​មាន​ការចរចា​បិទទ្វារ​ជា​​ច្រើនលើក​។ ចាំ​មើល​តើ​លទ្ធផល​វា​យ៉ាង​ម៉េច​”​។​

​អតីត​ម្ចាស់​ខ្សែក្រវាត់​ពិភពលោក​ពីរ​សម័យ ម៉ាក​ហ្គ្រេ​ហ្គ័​រ បានប្រកាស​ចូលនិវត្តន៍​ពី​ក្របខ័ណ្ឌ UFC កាលពី​ខែ​មិថុនា ដោយ​អះអាង​ថា “​ធុញ​នឹង​ការប្រកួត​” ព្រោះ​ឈ្នះៗ​ពេក​៕

​ខូន័​រ ម៉ាក​ហ្គ្រេ​ហ្គ័​រ(ឆ្វេង) ត្រៀមខ្លួន​ជាស្រេច​សម្រាប់​លទ្ធភាព​ការប្រកួត​ជាមួយ​ប៉ាក​គី​អៅ​

ទីតាំងផ្សាយពាណិជ្ជកម្ម

- Advertisment -

Most Popular