Home ព័ត៌មានជាតិ ​ប្រធាន​ក្រុម...

​ប្រធាន​ក្រុមប្រឹក្សា​ខេត្តស្ទឹងត្រែង​បារម្ភ​ពី​ការបាត់បង់​ពូជ​ត្រី​ប៉ា​សេ​អ៊ី​ដែលជា​អត្តសញ្ញាណ​របស់​ខេត្ត​

ដោយៈ​តារា​រិ​ទ្ធ​/​ភ្នំពេញ​៖​ប្រធាន​ក្រុមប្រឹក្សា​ខេត្តស្ទឹងត្រែង​បាន​សំដែង​ការព្រួយបារម្ភ​ថា​ត្រី​ដែលមាន​តម្លៃ​ថ្លៃ និង ជា​ត្រី​ដែល​តំណាង​ឲ្យ​អត្តសញ្ញាណ​ខេត្ត គឺ​ត្រី​ប៉ា​សេ​អ៊ី​អាច​នឹង ត្រូវ​បាត់បង់​នៅ ពេលខាងមុខ​ដោយសារតែ​កត្តា​នៃ​ការប្រែប្រួល​អាកាសធាតុ​និង​ម្យ៉ាងទៀត​ត្រី​ប៉ា​សេ​អ៊ី​ពិបាក​ក្នុងការ​ចិញ្ចឹម​ព្រោះ​វា​ស៊ាំ​និង​ការរស់នៅ​បែប​ធម្មជាតិ​តែប៉ុណ្ណោះ ។ ការបារម្ភ​របស់ លោក​ធ្វើឡើង​ខណៈដែល​ផល​ត្រី​ដែល​ចាប់បាន​មានការ​ថយចុះ​ពីមួយ​ឆ្នាំទៅ​មួយឆ្នាំ ។​

លោក ឈាង ឡាក់ ប្រធាន​ក្រុមប្រឹក្សា ខេត្តស្ទឹងត្រែង​ ៕

​នៅក្នុង​សន្និសីទ​សារព័ត៌មាន​ស្ដីពី​«​វឌ្ឍនភាព​មូលដ្ឋាន​ឃុំ​សង្កាត់​និង​ទិសដៅ​ការងារ​បន្ដ​ខេត្ដ​ស្ទឹងត្រែង​» នា​ព្រឹក​ថ្ងៃទី​២១​មករា​២០២១លោក ឈាង ឡាក់ ប្រធាន​ក្រុមប្រឹក្សា ខេត្តស្ទឹងត្រែង​បាន​ថ្លែង​ការបារម្ភ​ថា​នាពេលខាងមុខ​ត្រី​ប៉ា​សេ​អ៊ី​ដែលមាន​តម្លៃ​របស់​ខេត្តស្ទឹងត្រែង​និង​ជា​និមិត្តរូប​របស់​ខេត្ត​ផង​នោះ​អាច​ប្រឈម​នឹង​ការបាត់បង់ ផុត ពូជ​ដោយសារ​តែ​ការប្រែប្រួល​អាកាសធាតុ និង កត្តា​ជ្សេ​ងៗ​ទៀត ។​

​បើតាម​លោក ឈាង ឡាក់ ក្នុង​ឆ្នាំ​២០២០​នេះ​បរិមាណ​ផល​នេសាទ​ពី​ធម្មជាតិ​គឺមាន​ការថយចុះ​ដោយ​កត្តា​នៃ​ការប្រែប្រួល​អាកាសធាតុ ។​លោក​បញ្ជាក់ថា​៖​ត្រី​ប៉ា​សេ​អ៊ី​នេះ មិនមែន​ពង​កូន​នៅក្នុង​ទន្លេ​នៃ​ខេត្តស្ទឹងត្រែង​ទេ គឺ​វា​ពង​កូន​នៅ​ឡាវ​តាម​អ្នកជំនាញ​ជលផល​សិក្សា​ស្រាវជ្រាវ​ហើយ​ជា​ក្ដីកង្វល់​មួយ​របស់​ប្រជាពលរដ្ឋ ខេត្តស្ទឹងត្រែង​ដែរ​គឺ​ទៅ មុខ​ទៀត​អាច​នឹង​បាត់បង់​នូវ​ប្រភេទ​ត្រី​ដែលជា​តំណាង​អត្តសញ្ញាណ​របស់​ខេត្ត ។ ក្នុង​ឆ្នាំ​២០២០ បរិមាណ​ផល​ត្រី​ប៉ា​សេ​អ៊ី នេសាទ​បាន​មានការ​ធ្លាក់ចុះ​ខ្លាំង​បើ​ប្រៀបធៀប​ជា មួយឆ្នាំ​២០១៩ ហើយ​នៅពេលដែល​ត្រី​ខ្សត់ខ្សោយ​តម្លៃ​ត្រី​គឺ​ឡើងថ្លៃ​ចាប់ពី​១​គីឡូក្រាម​ឡើងទៅ​មានតម្លៃ ៤០ ម៉ឺន​រៀល ទៅ ៦០ ម៉ឺន​រៀល ។​

​ពាក់ព័ន្ធ​នឹង​វិធានការ​អភិរក្ស​ពូជ​ត្រី​នេះ​កុំ​ឲ្យ​បាត់បង់ លោក ឈាង ឡាក់ គូសបញ្ជាក់ថា​ទោះបី​កន្លងមក​មាន​អ្នកឯកទេស​មកពី​ប្រទេស​វៀតណាម​មក​ធ្វើ​ពិសោធន៍​ដោយ​ការ ចិញ្ចឹម​ត្រី​នេះ​ក៏ដោយ ក៏​នៅតែ​មិនអាច​ចិ​ញ្ជឹ​មរ​ស់បាន ព្រោះ​ប្រភេទ​ត្រី​នេះ​ធន​ក្នុងការ​រស់នៅ​តាមបែប​លក្ខណៈ​ធម្មជាតិ​របស់​វា​តែប៉ុណ្ណោះ ។​

​នៅក្នុង​ទន្លេសេកុង​ស្ទឹងត្រែង​ត្រី​ដែលមាន​រស់ជាតិ​ឆ្ងាញ់​និង​ល្បី​ជាងគេ​ប្រចាំ​ប្រទេស​ខ្មែរ​យើង​នោះ​គឹ​មាន​ចំនួន​ពីរ​ប្រភេទ​គឺ​ត្រី​ប៉ា​សេ​អ៊ី និង ត្រី​ប៉ា​វ៉ា​មុខ​ពីរ​ហើយ​ត្រី​ទាំងពីរ​នេះ មានតម្លៃ​ថ្លៃ​និង​ឆ្ងាញ់​ជាពិសេស​ដែល​មិនអាច​កាត់ថ្លៃ​បាន ។ ត្រី​ទាំងពីរ​ប្រភេទ​នេះ​រដូវ​កាលដែល​សម្បូ​ជាងគេ​គឺ​នៅក្នុង​ខែវិច្ឆិកា​ដល់​ខែកុម្ភៈ​។ តម្លៃ​ត្រី​ប៉ា​សេ​អ៊ី​ប្រភេ ទ​តូចៗ​ថ្លៃ ជាង ១០​ម៉ឺន​រៀល​ក្នុង​មួយ​គីឡូ​និង​ប្រភេទ​ត្រី​ធំ​ថ្លៃ​ក្នុង​មួយ​គីឡូ​ជាង ៤០​ម៉ឺន​រៀល ។ ដោយឡែក​ចំពោះ​ត្រី​ប៉ា​វ៉ា​មុខ​ពីរ​វិញ​មានតម្លៃ​ក្នុង​១​គីឡូ​ជាង​១០​ម៉ឺន​រៀល ។ ត្រី​ប៉ា​សេ​អ៊ី មាន​ទម្ងន់​មិន​លើសពីរ​២​គីឡូក្រាម​នោះទេ ប៉ុន្តែ​ត្រី​ប៉ា​វ៉ា​មុខ​ពីរ​អាច​ធំ​និង​មាន​ទម្ងន់​រហូតដល់​៦​គីឡូក្រាម​ឯណោះ ។​

​អ្នក​ប្រកប​របរ​លក់​ត្រី​នៅ​ផ្សារ​ស្ទឹងត្រែង​បាន​ឲ្យ​ដឹងថា​៖​ប្រភេទ​ត្រី​នេះ​មិនសូវ​ជាមាន​អ្នកទិញ​ច្រើន​នោះទេ ក្នុង​១​ថ្ងៃ​អាច​លក់​បានតែ ២ ឬ ៣​ត្រី​ប៉ុណ្ណោះ​ព្រោះ​ជា​ត្រី​ប្រភេទ​ដែល មានតម្លៃ​ខ្ពស់ អ្នក​ដែល​ហាន​ទទួលទាន​ត្រី​នេះ​ភាគច្រើន​ជាម​ន្ត្រី​ថ្នាក់ខ្ពស់ និង អ្នកមាន​ធនធាន​ទើប​មានលទ្ធភាព​ទិញ​ត្រី​នេះ​បាន​៕

ទីតាំងផ្សាយពាណិជ្ជកម្ម

- Advertisment -

Most Popular