Home ព័ត៌មានជាតិ សេដ្ឋកិច្ច ​វិវាទ​រវាង​អ...

​វិវាទ​រវាង​អ្នកម៉ៅការ សាងសង់​ផ្សារ​ល្វា​ចាស់ និង​អាជីវករ បាន​ដោះស្រាយ​បញ្ចប់

​ដោយៈ គ្រញូង / បាត់ដំបងៈ កាលពី​ព្រឹក​ទី​២១ ខែមករា ឆ្នាំ​២០២១ លោក ណុប ដា​រ៉ា អភិបាលរង នៃ​គណ​:​អភិបាល ខេត្តបាត់ដំបង តំណាង​លោក ងួន រតនៈ អភិបាលខេត្ត បាន​អញ្ជើញ​ចុះ​ដោះស្រាយ បញ្ចប់​វិវាទ រវាង​អ្នកម៉ៅការ​សាងសង់​ផ្សារ និង​អាជីវករ​ផ្សារ​ល្វា​ចាស់ ស្ថិតក្នុង​ឃុំ​ល្វា ស្រុក​ប​វេ​ល ខេត្តបាត់ដំបង ប្រកបដោយ​ជោគជ័យ ។​

​រូបថត​រះ​លោក​ណុប ដា​រ៉ា​និង​ក្រុមការងារ​ចុះ​ដោះស្រាយ​បញ្ចប់​វិវាទ​រវាង​អ្នកម៉ៅការ​សាងសង់​ផ្សារ​និង​អាជីវករ​នៅ​ផ្សារ​ល្វា​ចាស់​ស្រុក​ប​វេ​ល​

​សូមបញ្ជាក់ថា វិវាទ​រវាង​អ្នកម៉ៅការ​សាងសង់ ជាមួយ​អាជីវករ​លក់ដូរ នៅ​ផ្សារ​ល្វា​ចាស់ បានកើត​ឡើង ជាច្រើន​ឆ្នាំ​មកហើយ បណ្ដាលអោយមាន​ការស្ទះ នូវ​ការអភិវឌ្ឍ​ផ្សារ​នេះ ឲ្យ​មានការ​រីកចម្រើន និង​មាន​សណ្ដាប់ធ្នាប់ ដូច​បណ្ដា​ផ្សារ​ដទៃទៀត​។ ក្រោយពី​ទទួលបាន​ព័ត៌មាន នៃ​ការវិវាទ​រវាង អ្នក​សាងសង់​ផ្សារ និង​អាជីវករ រួចមក លោក អភិបាលខេត្ត​បាត់ដំបង បាន​ចាត់តាំង​ឲ្យ​លោក ណុប ដា​រ៉ា អភិបាលរង ចុះទៅ​ដល់ទី​តាំង​ផ្ទាល់ ដើម្បី​ធ្វើការ​ដោះស្រាយ បញ្ហា​នេះ ជូន​ប្រជាពលរដ្ឋ ។​

​រូបថត​រះ​លោក​ណុប ដា​រ៉ា​និង​ក្រុមការងារ​ចុះ​ដោះស្រាយ​បញ្ចប់​វិវាទ​រវាង​អ្នកម៉ៅការ​សាងសង់​ផ្សារ​និង​អាជីវករ​នៅ​ផ្សារ​ល្វា​ចាស់​ស្រុក​ប​វេ​ល​

​ជា​លទ្ធផល នៃ​ដំណោះស្រាយ ទី​១. អាជីវករ ព្រម​ទទួលយក នូវ​ការសាងសង់​តូប​ថ្មី​របស់ខ្លួន តាម​តម្លៃ​ទីផ្សារ ក្នុង​១​តូប ៥៥០ ដុល្លារ តែ​ដោយ​ឃើញ​ផលវិបាក របស់​អាជីវករ លោក ណុប ដា​រ៉ា បាន​សម្របសម្រួល ជាមួយ​អ្នក​សាងសង់ ដោយ​បញ្ចុះតម្លៃ ក្នុង​១​តូប តែ ៤៨៣ ដុល្លារ ។ ទី​២. អាជីវករ​បាន​ឯកភាពគ្នា ជ្រើសរើស​ចាប់លេខ​តូប លក់ដូរ ដោយ​ខ្លូន​ឯង ។​

​រូបថត​រះ​លោក​ណុប ដា​រ៉ា​និង​ក្រុមការងារ​ចុះ​ដោះស្រាយ​បញ្ចប់​វិវាទ​រវាង​អ្នកម៉ៅការ​សាងសង់​ផ្សារ​និង​អាជីវករ​នៅ​ផ្សារ​ល្វា​ចាស់​ស្រុក​ប​វេ​ល​

​ក្រោយពី​បាន​ដោះស្រាយ​បញ្ចប់​បញ្ហា លោក ណុប ដា​រ៉ា បាន​សំណូមពរ ឲ្យ​អាជីវករ ដែល​លក់ដូរ តាម​តូប​ថ្មី ត្រូវ​រក្សាឲ្យបាន នូវ​សណ្ដាប់ធ្នាប់​ល្អ អនាម័យ​ល្អ ។ចេះ​សាមគ្គី​ឯកភាពគ្នា និង​ត្រូវ​ជឿទុកចិត្ត លើ​ការដឹកនាំ​របស់ ប្រមុខ​រដ្ឋាភិបាល សូមកុំ​ជឿ​តាម​ការ​ញុះញង់ អុជអាល​បំប៉ោង​របស់​ជន​អគតិ​មួយចំនួន ដែល​មានបំណង​អាក្រក់ ចង់​បំបែកបំបាក់​សាមគ្គី​ឯកភាព​ផ្ទៃក្នុង របស់​ពលរដ្ឋ​ខ្មែរ និង​ខ្មែរ​គ្នាឯង​។​

​រូបថត​រះ​លោក​ណុប ដា​រ៉ា​និង​ក្រុមការងារ​ចុះ​ដោះស្រាយ​បញ្ចប់​វិវាទ​រវាង​អ្នកម៉ៅការ​សាងសង់​ផ្សារ​និង​អាជីវករ​នៅ​ផ្សារ​ល្វា​ចាស់​ស្រុក​ប​វេ​ល​

​អាជីវករ​ផ្សារ​ល្វា​ចាស់​ទាំងអស់ មានចិត្ត​សប្បាយរីករាយ ត្រេកអរ​ឥតឧបមា និង​សូម​ថ្លែងអំណរគុណ ដល់​ថ្នាក់ដឹកនាំ គ្រប់លំដាប់​ថ្នាក់ ជាពិសេស គឺ​លោក ណុប ដា​រ៉ា ដែល​បាន​លះបង់​ពេលវេលា ដ៏​មានតម្លៃ ចុះ​ជួប​សំណេះសំណាល និង​ជួយ​ដោះស្រាយ បញ្ចប់​វិវាទ​នេះ ដោយ​ជោគជ័យ ៕/V/សរន

​រូបថត​រះ​លោក​ណុប ដា​រ៉ា​និង​ក្រុមការងារ​ចុះ​ដោះស្រាយ​បញ្ចប់​វិវាទ​រវាង​អ្នកម៉ៅការ​សាងសង់​ផ្សារ​និង​អាជីវករ​នៅ​ផ្សារ​ល្វា​ចាស់​ស្រុក​ប​វេ​ល​

 

ទីតាំងផ្សាយពាណិជ្ជកម្ម

- Advertisment -

Most Popular