សំអាត​ដើមឈើ មាន​ហានិភ័យ​ខ្ពស់ ក្នុង​បរិវេណ នៃ​វត្ត​ចំនួន​ពីរ ក្នុង​ក្រុង​អង្គរធំ​

ដោយៈ បាយ័ន / សៀមរាបៈ ដោយ​ពិនិត្យឃើញ​មាន​ហានិភ័យ​ខ្ពស់ របស់​ដើមឈើ ដែល​ដុះ​នៅក្នុង​បរិវេណ វត្ត​ព្រះ​សិ​អារ្យ​មេត្រី និង​វត្ត​តាំងតុ នៃ​អតីត​ក្រុង​អង្គរធំ ក្រុម​ជំនាញ នៃ​នាយកដ្ឋាន​គ្រប់គ្រង​ព្រៃឈើ ទេសភាព​វប្បធម៌ និង​បរិស្ថាន នៃ​អាជ្ញាធរ​ជាត​អប្សរា បាន​សហការ ជាមួយ​ផ្នែក​ពាក់ព័ន្ធ បាន​ចុះ​ពិនិត្យ និង​អនុវត្ត​វិធានការ​បន្ទាន់​ចំពោះ​ដើម ឈើ​ទាំងនោះ ដើម្បី​ធានា​សុវត្ថិភាព ជូន​ពុទ្ធបរិស័ទ ព្រះសង្ឃ ជៀសវាង​គ្រោះថ្នាក់ ប៉ះពាល់​ដល់​អាយុ​ជិវិត និង​ជួយ​សម្រាល​តួ​ដើម ការពារ​កុំ​ឲ្យ​បាក់​រលំ ខូចខាត​ដល់ រចនាសម្ព័ន្ធ​របស់​ព្រះវិហារ កុដិ និង​យានយន្ត​គ្រប់​ប្រភេទ​។​

​ដើមឈើ ដែល​បាន​កាត់​ក្រី​មែក ចំនួន ៣៤ មែក រួមមាន ដើម​ស្រឡៅ​១​ដើម​ដើម​ឈើទាល ៩​ដើម ដើម​ស្លែង​១​ដើម​។ ចំណែកឯ​ដើមឈើ​ងាប់ ដែល​បាន​ដកហូត ចំនួន​៤​ដើម រួមមាន ដើមឈើ​ទាល ដើម​ពង្រ ដើម​ស្រឡៅ និង​ដើម​ស្លែង​។ អាជ្ញាធរ​ជាតិ​អប្សរា​បានបញ្ជាក់ ឱ្យដឹង នៅ​ល្ងាច​ថ្ងៃទី​២១ ខែមករា ឆ្នាំ​២០២១ នេះ​៕/V-PC

ទីតាំងផ្សាយពាណិជ្ជកម្ម

- Advertisment -

Most Popular