Home ព័ត៌មានសំខាន់ៗ ធនាគារជាតិ​នៃ...

ធនាគារជាតិ​នៃ​កម្ពុជា​បញ្ជាក់​អំពី​ការបន្ត​រួមចំណែក​ស្ថិរភាព​ម៉ាក្រូសេដ្ឋកិច្ច​និង​ទំនើបកម្ម​ប្រព័ន្ធ​ធនាគារ​

ដោយៈ​បញ្ញា​សាស្ត្រ​/​ភ្នំពេញៈធនាគារជាតិ​នៃ​កម្ពុជា​បាន​អះអាងថា​នឹង​បន្ត​រួមចំណែក​រក្សា​ស្ថិរភាព​ម៉ាក្រូសេដ្ឋកិច្ច​និង​ហិរញ្ញវត្ថុ​និង​ជំរុញ​ការអភិវឌ្ឍ​ប្រព័ន្ធ​ធនាគារ​ឱ្យ​កាន់តែ​ទំនើប​ប្រកបដោយ​បរិ​យាប​ន្ន​និង​ភាព​ទុកចិត្ត​ខ្ពស់​។​ការបញ្ជាក់​នេះ​បានធ្វើ​ឡើង​នៅ​រសៀល​ថ្ងៃទី​២១​ខែមករា​ឆ្នាំ​២០២១​ដែលជា​ថ្ងៃ​បញ្ចប់​នូវ​សន្និបាត​រយៈពេល​ពីរ​ថ្ងៃ​របស់ខ្លួន​(២០-២១​មករា​)​។​

ថ្ងៃទី២០-២១ ខែមករា ឆ្នាំ២០២១ ធនាគារជាតិនៃកម្ពុជាបានរៀបចំសន្និបាតបូកសរុបលទ្ធផល​ការងារប្រចាំឆ្នាំ២០២០ ក្រោមអធិបតីភាពរបស់លោក ជា ចាន់តូ ទេសាភិបាល ធនាគារជាតិ​នៃកម្ពុជា(រូបថតធនាគារជាតិនៃកម្ពុជា)

​ក្នុង​សេចក្ដីប្រកាស​ព័ត៌មាន​ស្ដីពី​សន្និបាត​បូកសរុប​លទ្ធផល​ការងារ​ប្រចាំឆ្នាំ​២០២​និង​ទិសដៅ​ការងារ​ឆ្នាំ​២០២១​របស់ខ្លួន​ធនាគ​គារ​នៃ​កម្ពុជា​បាន​បញ្ជាក់់ថា “​ជា​ទិសដៅ​ធនាគារជាតិ​នៃ​កម្ពុជា​នឹង​បន្ត​រួមចំណែក​រក្សា​ស្ថិរភាព​ម៉ាក្រូសេដ្ឋកិច្ច​និង​ហិរញ្ញវត្ថុ​និង​ជំរុញ​ការអភិវឌ្ឍ​ប្រព័ន្ធ ធនាគារ​ឱ្យ​កាន់តែ​ទំនើប ប្រកបដោយ​បរិ​យាប​ន្ន​និង​ភាព​ទុកចិត្ត​ខ្ពស់ ស្របតាម​យុទ្ធសាស្ត្រ​អភិវឌ្ឍន៍​វិស័យ​ហិរញ្ញវត្ថុ​ឆ្នាំ​២០១៦-២០២៥ និង​ស្របតាម​ការវិវត្ត​នៃ​ទំនាក់ទំនង​និង​ដំណើរការ​សេដ្ឋកិច្ច​ក្នុង​បរិការណ៍​នៃ “​ប្រក្រតី​ថ្មី (the new normal)”​សំដៅ​គាំទ្រ​គោល នយោបាយ​របស់​រាជរ​ដ្ឋា​ភិ​បាល​ក្នុងដំណាក់កាល​ស្តារ​កំណើនសេដ្ឋកិច្ច​ឡើង​វិញ​”​។​

​សន្និបាត​បូកសរុប​លទ្ធផល​ការងារ​ប្រចាំឆ្នាំ​២០២០ ដែល​ប្រារព្ធ​ក្រោម​អធិបតីភាព​របស់លោក ជា ចាន់តូ ទេសាភិបាល​ធនាគារជាតិ នៃ​កម្ពុជា​នោះបាន​បង្ហាញថា​នៅ​ឆ្នាំ​២០២០​កន្លងទៅនេះ​រាជរដ្ឋាភិបាល​ក្រោម​ការដឹកនាំ​ប្រកបដោយ​ទស្សនៈវិស័យ​វែងឆ្ងាយ​និង​ម៉ឺងម៉ាត់​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជ​បាន​ទប់ស្កាត់​ការឆ្លង​និង​ការរីក​រាលដាល នៃ​ជំងឺ​កូ​វីដ​-១៩ បាន​ទាន់ពេលវេលា​និង​មាន​ប្រសិទ្ធភាព​ដែល​រក្សាបាន​ជំនឿ​ទុកចិត្ត​យ៉ាងរឹងមាំ​ចំពោះ​សេដ្ឋកិច្ច​និង​វិស័យ​ធនាគារ​កម្ពុជា​។
​ធនាគារជាតិ​នៃ​កម្ពុជា​បានរួម​ចំណែក​យ៉ាងសកម្ម​ក្នុងការ​រក្សា​លំនឹង​ម៉ាក្រូសេដ្ឋកិច្ច​និង​ហិរញ្ញវត្ថុ​តាមរយៈ​ការរក្សាបាន​ស្ថិរភាព​ថ្លៃ​និង អត្រា​ប្តូរប្រាក់ ព្រមទាំង​គរ​ពូន​ទុនបម្រុង​អន្តរជាតិ ក្នុង​កម្រិត​គ្រប់គ្រាន់​សម្រាប់​បម្រើ​ដល់​គោលនយោបាយ​រូបិយវត្ថុ​។ ជាមួយគ្នានេះ វិស័យ​ធនាគារ​ក៏បាន​គាំទ្រ​សកម្មភាព​សេដ្ឋកិច្ច និង​កាត់បន្ថយ​ផលប៉ះពាល់​មកលើ​អាជីវកម្ម​និង​ប្រជាជន​ក្រីក្រ​ដោយបាន​ដាក់ ចេញ​នូវ​វិធានការ​មួយចំនួន​រួមមាន​៖​ការបង្កើន​សាច់ប្រាក់​ក្នុង​ដៃ​របស់​គ្រឹះស្ថាន​ធនាគារ​និង​ហិរញ្ញវត្ថុ​សម្រាប់​ការពារ​ហានិភ័យ​ដែល​អាច​កើតឡើង​ជាយថាហេតុ និង​គាំទ្រ​ការផ្តល់​ឥណទាន​ទៅកាន់​វិស័យ​ចម្បងៗ​នៃ​សេដ្ឋកិច្ច និង​ការរៀបចំ​ឥណទាន​ឡើងវិញ ជាមួយនឹង​ការលើកលែង​កម្រៃ​ពាក់ព័ន្ធ ចំពោះ​អាជីវកម្ម​និង​ប្រជាជន​ក្រីក្រ​ដែល​ទទួលរង​ផលប៉ះពាល់​ពី​វិបត្តិ​។​

ថ្ងៃទី២០-២១ ខែមករា ឆ្នាំ២០២១ ធនាគារជាតិនៃកម្ពុជាបានរៀបចំសន្និបាតបូកសរុបលទ្ធផល​ការងារប្រចាំឆ្នាំ២០២០ ក្រោមអធិបតីភាពរបស់លោក ជា ចាន់តូ ទេសាភិបាល ធនាគារជាតិ​នៃកម្ពុជា(រូបថតធនាគារជាតិនៃកម្ពុជា)

ធនាគារជាតិ​នៃ​កម្ពុជា​បាន​យកចិត្តទុកដាក់​ក្នុងការ​ពង្រឹង​កិច្ចការពារ​អតិថិជន និង​លើកកម្ពស់​ចំណេះដឹង​ផ្នែក​ហិរញ្ញវត្ថុ​ស្របពេល​ដែល បរិ​យាប​ន្ន​ហិរញ្ញវត្ថុ​បាន​កើនឡើង​និង​ស្ថិតក្នុង​បរិការណ៍​ប្រឈម​នឹង​វិបត្តិ តាមរយៈ​ការផ្សព្វផ្សាយ​ចំណេះដឹង​ហិរញ្ញវត្ថុ​នៅតាម​មូលដ្ឋាន​, ការទទួល​សំណួរ​និង​សំណើ​របស់​សាធារណជន​ពាក់ព័ន្ធ​នឹង​ការប្រើប្រាស់​សេវា​ហិរញ្ញវត្ថុ​និង​យុទ្ធនាការ​នានា​ដែល​បាន​បញ្ជ្រាប​ចំណេះដឹង ផ្នែក​ហិរញ្ញវត្ថុ​ទៅដល់​សាធារណជន​។​ម្យ៉ាងទៀត​ធនាគារជាតិ​នៃ​កម្ពុជា​ក៏បាន​គាំទ្រ​ដល់​ន​វា​នុ​វត្ត​បច្ចេកវិទ្យា​ដោយបាន​អនុញ្ញាត​ឱ្យមាន​ការ ប្រើប្រាស់​បច្ចេកវិទ្យា​ហិរញ្ញវត្ថុ ដែល​គាំទ្រ​ដល់​បរិ​យាប​ន្ន​ហិរញ្ញវត្ថុ ព្រមទាំង​បានដាក់​ឱ្យប្រើ​ប្រាស់​និង​អភិវឌ្ឍន៍​ប្រព័ន្ធ​ទូទាត់​ផ្អែកលើ បច្ចេកវិទ្យា​ទំនើប​។ ក្នុងចំណោម​នោះ ប្រព័ន្ធ​បាគង​ដែលជា​ប្រព័ន្ធ​ទូទាត់​កន្លោង​ត្រូវបាន​ដាក់ឱ្យ​ប្រើប្រាស់​និង​កំពុង​សម្រួល​ដល់​ការទូទាត់ ទូទៅ​តាមរយៈ​ទូរស័ព្ទដៃ ដោយ​អាច​ទូទាត់​ឆ្លង​គ្រឹះស្ថាន និង​អាច​ទទួលបាន​ទឹកប្រាក់​ទូទាត់​ភ្លាមៗ​។​

​ធនាគារជាតិ​បានបញ្ជាក់​បន្តថា ម្យ៉ាងទៀត​ការដាក់ចេញ​នូវ​វិធានការ​លើកកម្ពស់​ការ​ប្រើប្រាស់​រូបិយវត្ថុ​ជាតិ​បានទទួល​ជោគជ័យ ជាពិសេស​ក្នុងការ​ជំរុញ​ការទូទាត់​ប្រាក់រៀល​ចំពោះ​ប្រតិបត្តិការ​តូចៗ​កាន់តែ​ទូលំទូលាយ​ជាមួយនឹង​ការកើនឡើង​គួរឱ្យកត់សម្គាល់​នៃ ការ​សន្សំ​និង​ការផ្តល់​ឥណទាន​ជា​ប្រាក់រៀល ដែល​បានរួម​ចំណែក​ពង្រឹង​អត្តសញ្ញាណ​ជាតិ អធិបតេយ្យ​រូបិយវត្ថុ​ជាតិ និង​ប្រសិទ្ធភាព​នៃ​គោលនយោបាយ​រូបិយវត្ថុ​៕​សរន​

ថ្ងៃទី២០-២១ ខែមករា ឆ្នាំ២០២១ ធនាគារជាតិនៃកម្ពុជាបានរៀបចំសន្និបាតបូកសរុបលទ្ធផល​ការងារប្រចាំឆ្នាំ២០២០ ក្រោមអធិបតីភាពរបស់លោក ជា ចាន់តូ ទេសាភិបាល ធនាគារជាតិ​នៃកម្ពុជា(រូបថតធនាគារជាតិនៃកម្ពុជា)ថ្ងៃទី២០-២១ ខែមករា ឆ្នាំ២០២១ ធនាគារជាតិនៃកម្ពុជាបានរៀបចំសន្និបាតបូកសរុបលទ្ធផល​ការងារប្រចាំឆ្នាំ២០២០ ក្រោមអធិបតីភាពរបស់លោក ជា ចាន់តូ ទេសាភិបាល ធនាគារជាតិ​នៃកម្ពុជា(រូបថតធនាគារជាតិនៃកម្ពុជា)

​ ​

ទីតាំងផ្សាយពាណិជ្ជកម្ម

- Advertisment -

Most Popular