Home ព័ត៌មានសំខាន់ៗ ការសាងសង់​កំព...

ការសាងសង់​កំពង់ផែ ទេសចរណ៍​អន្តរជាតិ ដ៏​ទំនើប នៅ​ខេត្តកំពត សម្រេចបាន​ពាក់កណ្ដាល

​ដោយៈ ទេព មង្គល /​ភ្នំពេញៈ កំពង់ផែ​ទេសចរណ៍​អន្តរជាតិ នៅ​ខេត្តកំពត សម្រេចការ​សាងសង់ បាន​ប្រមាណ ៥០% ហើយ ដោយ​គ្រោង​បញ្ចប់ និង​អាច​បើក​ដំណើរការ នៅ​ចុងឆ្នាំ​២០២១ ខាងមុខនេះ ដើម្បី​រួមចំណែក​លើកស្ទួយ វិស័យ​ទេសចរណ៍ ឡើងវិញ​។​

​វឌ្ឍនភាព​ការងារ​នេះ ត្រូវបាន​បង្ហាញ នៅក្នុង​កិច្ចប្រជុំ​ត្រួតពិនិត្យ ការអនុវត្ត​គម្រោង​អភិវឌ្ឍន៍ ហេដ្ឋារចនា សម្ព័ន្ធ​ទេសចរណ៍ សម្រាប់​កំណើន ប្រកបដោយ​បរិ​យាប​ន្ន ក្នុង​មហា​អនុតំបន់​មេគង្គ (GMS TIIG No. 3194-CAM(COL) និង (GMS TIIG II No. 3701-CAM(COL) នៅ​ខេត្ត​ទាំង​បួន នៃ​តំបន់​ឆ្នេរសមុទ្រ​កម្ពុជា​។ កិច្ចប្រជុំ​នេះ បានធ្វើ​ឡើង នា​ថ្ងៃទី​២០ ខែមករា ឆ្នាំ​២០២១ ក្រោម​អធិបតីភាព​លោក បណ្ឌិត ថោង ខុន រដ្ឋមន្ត្រី​ក្រសួងទេសចរណ៍ និង​ជា​ប្រធាន​គណៈកម្មាធិការ​ជាតិ គ្រប់គ្រង​គម្រោង​។​

​គម្រោង​នេះ ផ្តោត​សំខាន់​លើ ការអភិវឌ្ឍ​វិស័យ​ទេសចរណ៍ ហេដ្ឋារចនាសម្ព័ន្ធ​គាំទ្រ វិស័យ​ទេសចរណ៍ រួមមានៈ កំពង់ផែ​ទេសចរណ៍​អន្តរជាតិ​ខេត្តកំពត ប្រព័ន្ធ​សម្អាត​ទឹក​កខ្វក់​ផ្សារ​ក្តាម ផ្លូវ​តាម​បណ្តោយ​ឆ្នេរ និង​ទីលាន​សំណល់​រឹង (​ខេត្ត​កែប​) ដែល​ត្រូវអនុវត្ត ការងារ​បច្ចេកទេស សាងសង់ ដោយ​អង្គភាព អនុវត្ត​គម្រោង របស់​ក្រសួង​សាធារណការ និង​ដឹកជញ្ជូន និង​ដឹកនាំ​គ្រប់គ្រង ដោយ​ក្រសួងទេសចរណ៍ គណៈកម្មាធិការ​ជាតិ គ្រប់គ្រង​គម្រោង​។​

​អង្គប្រជុំ បាន​ពិនិត្យ និង​វាយតម្លៃ អំពី​វឌ្ឍនភាព នៃ​ការអនុវត្ត​គម្រោង ក្នុងនោះ​អនុ​គម្រោង​កំពង់ផែ ទេស ចរណ៍​អនុវត្តបាន ប្រមាណ ៥០% ដោយ​គ្រោង​បញ្ចប់ និង​អាច​បើក​ដំណើរការបាន នៅ​ចុងឆ្នាំ​២០២១​នេះ​។​

​លោក​រដ្ឋមន្ត្រី ថោង ខុន ក៏បាន​ណែនាំ​អង្គភាព​ពាក់ព័ន្ធ ជំរុញ​បន្ត​ការអនុវត្ត​គម្រោង ឲ្យ​មាន​ប្រសិទ្ធភាព គុណភាព និង​ឈានទៅ​បញ្ចប់ ការអនុវត្ត​គម្រោង តាម​ផែនការ ដែល​បាន​គ្រោងទុក​៕/V​

ការសាងសង់​កំពង់ផែ ទេសចរណ៍​អន្តរជាតិ ដ៏​ទំនើប នៅ​ខេត្តកំពត សម្រេចបាន​ពាក់កណ្ដាល

ការសាងសង់​កំពង់ផែ ទេសចរណ៍​អន្តរជាតិ ដ៏​ទំនើប នៅ​ខេត្តកំពត សម្រេចបាន​ពាក់កណ្ដាល

ទីតាំងផ្សាយពាណិជ្ជកម្ម

- Advertisment -

Most Popular