ដោយ: ភ្នំស្វាយ / បន្ទាយមានជ័យ: ជួសជុលផ្លូវជាតិលេខ៥ នៅក្រៅគម្រោងពង្រីកទៅជា៤គន្លង ចន្លោះក្រុងសិរីសោភ័ណនិងស្រុកមង្គលបូរី ដែលររងគ្រោះធ្ងន់ធ្ងរដោយទឹកជំនន់កន្លងមក។
កំណាត់ផ្លូវជាតិនោះ មានប្រវែង ៣.៣០០ម៉ែត្រផ្តើមចេញពីវង្វង់មូលស្រីគ្រប់ល័ក្ខកណ្តាលក្រុងសិរីសោភ័ណទៅដល់ផ្លូវបំបែកនៃផ្លូវជាតិលេខ៥ ដែលមាន៤គន្លងឬវាងក្រុង ព្រំប្រទល់ស្រុកមង្គលបូរី។ កំណាត់ផ្លូវនេះ ត្រូវបានជួសជុលឡើងវិញចាក់កៅស៊ូប្រភេទDBST។
លោក សុក ចាន់ថា ប្រធានមន្ទីសាធារណៈការនិងដឹកជញ្ជូនខេត្តបន្ទាយមានជ័យបានឲ្យដឹងនៅ ថ្ងៃទី២១ ខែមករា ឆ្នាំ២០២១ថា នៅឆ្នាំ២០២០កន្លងមកផ្លូវពីចំណុចរង្វង់មូលស្រីគ្រប់ល័ក្ខដល់ផ្លូវបំបែកទៅស្រុកមង្គលបូរី រងគ្រោះដោយទឹកជំននទឹកភ្លៀង និងទឹកហូរធ្លាក់មកពីស្រុកថៃយ៉ាខ្លាំងបណ្តាលហូរកាត់ផ្លូវជាតិច្រោះដាច់ជាដុំៗច្រើនកន្លែង។ ពេលនោះមានកំលាំងមន្ទីរសាធារណៈការដឹកជញ្ជូនដឹកនាំដោយលោកផ្ទាល់ និង អង្គភាពទាំង៣ មានកំលាំងអាវុធហត្ថ នគរបាល និងយោធា ជាច្រើននាក់បានខិតខំប្រឹងប្រែងច្រកខ្សាច់ទប់ទឹកលើចិញ្ចើមផ្លូវមិនឲ្យទឹកហូរកាត់ផ្លូវ ដើម្បីឲ្យប្រជាពលរដ្ឋធ្វើចរាចរណ៍ទៅមកបានស្រួល។
លោកបានបញ្ជាក់ឲ្យដឹងបន្តទៀតថា ការងារជួសជុលផ្លូវជាតិច្រោះដាច់ដោយជំនន់ទឹកភ្លៀងនេះ គឺនុវត្តតាមបទបញ្ជារបស់លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការនិងដឹកជញ្ជូន។ ប្រធានមន្ទីរក៏បាននឹងកំពុងត្រូវស្ថារឡើងវិញផ្លូវ ដែលរងគ្រោះដោយទឹកជំនន់ទាំង៩ ស្រុក ក្រុង ។
ផ្លូវដែលរងការខួចខាតដោយទឹកជំនន់នោះ ត្រូវបានក្រុមការងាររបស់មន្ទីរអនុវត្តពីដើមខែមករា ឆ្នាំ២០២១ ជាបណ្តើរៗហើយ ដោយចាក់កៅស៊ូ DBST និងមានប្រឡាយរំដោះទឹកដោយរៀបថ្មភ្នំរឺថ្មប្រឡុងផ្នែកខាងលិចផ្លូវ មានទទឹងខាងលើ២ម៉ែត្រ ជម្រៅ១ម៉ែត្រ២តឹក បាតក្រោម៨តឹក៕
