Home ព័ត៌មានអន្តរជាតិ ផ្ទុះ​គ្រាប់ប...

ផ្ទុះ​គ្រាប់បែក​អត្តឃាត​២ សម្លាប់​មនុស្ស​ជិត​៣០​នាក់​នៅ​អ៊ីរ៉ាក់​

​ប្រែ​សម្រួលៈ​វាសនា​/​បា​ដា​ត​៖​ការ​បំផ្ទុះ​គ្រាប់បែក​អត្តឃាត​ចំនួន​២ បាន​សម្លាប់​មនុស្ស​ជិត​៣០​នាក់​នៅ​ផ្សារ​មាន​មនុស្ស​ណែន​មួយ​នៅ​កណ្តាល​ក្រុង​បា​ដា​ត​កាលពី​ថ្ងៃ​​ព្រហស្បតិ៍​។​

​មនុស្ស​យ៉ាង​តិច​២៨​នាក់​ត្រូវបាន​សម្លាប់​និង​៧៣​នាក់​ទៀត​រងរបួស​នៅក្នុង​ការវាយប្រហារ​នៅក្នុង​ចំណោម​តូប​លក់​ខោអាវ​ជជុះ​នៅក្នុង​ទីលាន​មួយ​នៅក្នុង​រដ្ឋធានី​របស់​​អ៊ីរ៉ាក់​។​

​យោង​តាម​ក្រសួង​មហាផ្ទៃ អ្នក​បំផ្ទុះ​គ្រាប់បែក​អត្តឃាត​ទី​១​បាន​សំរុកចូល​ក្នុង​ផ្សារ ដោយ​អះអាង​ថា​មាន​អារម្មណ៍​មិន​ស្រួលខ្លួន​។​នៅពេល​មនុស្ស​មក​ចោមរោម​ជុំ ជន​​នេះ​ក៏​ចុច​បំផ្ទុះ​គ្រាប់​ឡើង​។​

​បន្ទាប់មក​នៅ​ពេល​មនុ​ស្សមក​ចោមរោម​ជនរងគ្រោះ អ្នក​វាយប្រហារ​ទី​២​បាន​ចុច​បំផ្ទុះ​គ្រាប់បែក​មួយ​ទៀត​។​

​ការវាយប្រហារ​កាលពី​ថ្ងៃ​២១​មករា ជា​ឧបទ្ទវហេតុ​សម្លាប់​មនុស្ស​ច្រើន​បំផុត​នៅក្រុង​បាដា​ត​ចាប់តាំងពី​ខែ​មករា​ឆ្នាំ​២០១៨ នៅ​ពេល​ជន​វាយប្រហារ​អត្តឃាត​ម្នាក់​សម្លាប់​​មនុស្ស​ជាង​៣០​នាក់​នៅក្នុង​ទីលាន​ដដែល​នេះ​៕

​ប្រជាជន​និង​កងកម្លាំងប្រដាប់អាវុធ​ជួបជុំគ្នា​នៅ​កន្លែង​ផ្ទុះ​គ្រាប់​ក្នុង​ផ្សារ​លក់​ខោអាវ​ជជុះ​ក្នុង​ទីក្រុង​បា​ដា​ត​កាលពី​ថ្ងៃ​២១​មករា​

ទីតាំងផ្សាយពាណិជ្ជកម្ម

- Advertisment -

Most Popular