Home ព័ត៌មានអន្តរជាតិ ក្រុម​រដ្ឋ​អ៊...

ក្រុម​រដ្ឋ​អ៊ីស្លាម​អះអាង​ទទួលខុសត្រូវ​ចំពោះ​ការ​បំផ្ទុះ​គ្រាប់បែក​អត្តឃាត​សម្លាប់​មនុស្ស​៣២​នៅ​បា​ដា​ត​

​ប្រែ​សម្រួល : កញ្ញា​ដា​លី​ស ៖ ក្រុម​រដ្ឋ​អ៊ីស្លាម​បាន​អះអាង​ទទួលខុសត្រូវ​ចំពោះ​ការ​បំផ្ទុះ​គ្រាប់បែក​អត្តឃាត​ចំនួន​២ ដែល​សម្លាប់​មនុស្ស ៣២ នាក់​និង​បង្ក​របួស ១១០​នាក់​នៅ​ឯ​ផ្សារ​ដ៏​ចង្អៀត​​មួយ​នៅ​កណ្តាល​ទីក្រុង​បា​កដាត​កាលពី​ថ្ងៃ​ព្រហស្បតិ៍​ទី​២១​មករា​។​

​វា​ជា​ការវាយប្រហារ​ដ៏​សាហាវ​បំផុត​លើ​ទីក្រុង​នេះ​ក្នុង​រយៈពេល ៣ ឆ្នាំ នៅពេល​ដែល​ជន​បំផ្ទុះ​គ្រាប់បែក​អត្តឃាត​ម្នាក់​ទៀត​វាយប្រហា​រ​ទៅលើ​តំបន់​តែមួយ​។​

​ក្រសួង​មហាផ្ទៃ​និយាយ​ថា ជន​វាយប្រហារ​ដំបូង​បាន​ទាក់ទាញ​ហ្វូងមនុស្ស​នៅ​ឯ​ផ្សារ​អ៊ូអរ​មួយ​នៅ​ទីលាន​ថា​យ៉ារ៉ា​ន​នៃ​រដ្ឋធានី ដោយ​អះអាង​ថា​រូបគេ​មាន​អារម្មណ៍​មិន​ស្រួល​បន្ទាប់មក​ក៏​បំផ្ទុះ​ខ្សែក្រវាត់​​គ្រាប់បែក​តែម្តង​។​

​ខណៈ​មនុស្ស​ជាច្រើន​ចូល​ទៅ​កន្លែងកើតហេតុ​ដើម្បី​ជួយ​ជនរងគ្រោះ ជន​បំផ្ទុះ​គ្រាប់បែក​អត្តឃាត​ទី ២ ក៏​បំផ្ទុះ​មួយ​គ្រាប់បែក​ទៀត​។​

​ផ្សារ​ទីវាល​ឥត​ដំបូល​ដែល​លក់​សម្លៀក​បំពាក់​ជ​ជុះ​នេះ​កំពុង​មាន​មនុស្ស​ចូល​យ៉ាងច្រើន​កុះករ បន្ទាប់​ពី​រដ្ឋាភិបាល​ដ​ក​ចេញ​នូវ​ការ​រឹតត្បិត​ទប់ស្កាត់​កូវី​ដ​១៩ ជិត​មួយ​ឆ្នាំ​នៅ​ទូទាំង​ប្រទេស​។​

​អ្នក​ថតរូប​របស់​ទីភ្នាក់ងារ​សារព័ត៌មាន AFP ម្នាក់​នៅ​កន្លែងកើតហេតុ​បាន​និយាយថា កម្លាំង​សន្តិសុខ​បាន​ឡោមព័ទ្ធ​តំបន់​នោះ​កន្លែង​ដែល​សម្លៀកបំពាក់​ជាច្រើន​ប្រឡាក់​ដោយ​ឈាម​រាយប៉ាយ​​ពេញ​ផ្លូវ​ភក់ ហើយ​ក្រុម​គ្រូពេទ្យ​ប្រញាប់ប្រញាល់​នាំ​យក​ជនរងគ្រោះ​ទៅ​មន្ទីរពេទ្យ​។​

​រហូតដល់​ពាក់កណ្តាល​យប់ ពួក​រដ្ឋ​អ៊ីស្លាម​បាន​បង្ហោះ​ការអះអាង​ទទួលខុសត្រូវ​ចំពោះ​ការវាយប្រហារ​នេះ​តាម​ប៉ុស្តិ៍​ឃោសនា​របស់​ខ្លួន​នៅ​លើ​អន​ឡាញ​៕

​ផ្សារជជុះ​នៅ​កណ្តាល​ក្រុង​បា​កដាត​កន្លែង​ដែល​ពួក​រដ្ឋ​អ៊ីស្លាម​បំផ្ទុះ​គ្រាប់បែក​កាលពី​ថ្ងៃ​ព្រហស្បតិ៍​

ទីតាំងផ្សាយពាណិជ្ជកម្ម

- Advertisment -

Most Popular