អភិបាលខេត្ត ចុះ​ពិនិត្យ​ការស្ថាបនា​ច្រាំង​ស្ទឹង​ឡើងវិញ ក្រោយពី​បាក់ស្រុត ដោយសារ គ្រោះទឹកជំនន់ នាពេល​កន្លងមក

ដោយៈ គ្រញូង / បាត់ដំបងៈ លោក ងួន រតនៈ អភិបាល​នៃ​គណៈ​អភិបាល ខេត្តបាត់ដំបង អមដំណើរ​ដោយ​លោក ផេង សិទ្ធី អភិបាលក្រុង លោក ហាន សា​ហ៊ី​ប នាយក​ទីចាត់ការ ផែនការ និង​វិនិយោគ បាន​អញ្ជើញ​ចុះ​ពិនិត្យ ការដ្ឋាន​ស្ថាបនា ច្រាំង​ស្ទឹង​ឡើងវិញ នា​រសៀល​ថ្ងៃទី​២១ ខែមករា ឆ្នាំ​២០២១ នៅ មាត់​ស្ទឹង មុខ​វត្ត​សង្កែ ក្រុង​បាត់ដំបង ត្រើយ​ខា​លិច ក្រោយពី​ច្រាំង​ស្ទឹង​នោះ រងគ្រោះ​បាក់ស្រុត ដោយសារ​គ្រោះទឹកជំនន់ នាពេល​កន្លងមក​។​

​លោក​អភិបាលខេត្ត បាន​ណែនាំ​ឲ្យ​ក្រុម​ជាង ជួសជុល​ច្រាំង​ស្ទឹង ដោយ​ព​ន្លឿ​ន​ការងារ ឲ្យ​បាន​ហើយ មុនពេល​បុណ្យចូលឆ្នាំថ្មី ប្រពៃណី​ខ្មែរ ដើម្បី​ទាក់ទាញ ភ្ញៀវទេសចរ ក្នុងស្រុក ឲ្យ​ចូលមក​កម្សាន្ត ក្នុង​ខេត្តបាត់ដំបង ឲ្យ​បាន​ច្រើន ហើយនឹង​ត្រៀម​បើក​ឲ្យ​ដំណើរការ ស្ពាន​ភ្លោះ​ថ្ម​ថី្ម មុខ​សាលាខេត្ត​ចាស់ ផងដែរ ដែល​ស្ពាន​នេះ សម្រាប់​ឲ្យ​យានយន្ត​គ្រ​ប្រ់ភេទ បើក​ចេញពី​ក្រុង​។ ឯ​ស្ពាន​សម្តេច ហ៊ុន សែន សម្រាប់​ឲ្យ​យានយន្ត​គ្រប់​ប្រភេទ បើកបរ ចូល​ក្រុង គឺជា​ស្ពាន​ឯកទិស មួយ​ចេញ មួយ​ចូល ដើម្បី​កុំ​ឲ្យ​ស្ទះចរាចរណ៍​ពេល​មានបុណ្យ ទាន​ធំៗ ដូចជា​បុណ្យចូលឆ្នាំ បុណ្យ​ភ្ជុំបិណ្ឌ បុណ្យអុំទូក បុណ្យ​ឆ្លង​ឆ្នាំ​សកល សម្រាប់​ឆ្នាំនេះ ជាដើម​៕/V-PC

ទីតាំងផ្សាយពាណិជ្ជកម្ម

- Advertisment -

Most Popular