Home ព័ត៌មានអន្តរជាតិ ឥណ្ឌូនេស៊ី​រា...

ឥណ្ឌូនេស៊ី​រាយការណ៍​ករណី​ស្លាប់​ដោយកូវី​ដ​១៩​ខ្ពស់បំផុត

​ប្រែ​សម្រួលៈ​វាសនា​/​ហ្សា​ការតា​៖​ឥណ្ឌូនេស៊ី​កាលពី​ថ្ងៃ​ព្រហស្បតិ៍​ម្សិលមិញ​បាន​រាយការណ៍​អ្នកជំងឺ​កូវី​ដ​១៩​ស្លាប់​ច្រើន​បំផុត​ចំនួន​៣៤៦​នាក់​និង​ចំនួន​ស្លាប់​ដោយកូវី​ដ​១៩​បាន​ឡើងដល់​ចំនួន​ខ្ពស់បំផុត​​ជា​លើក​ទី​២​ក្នុង​រយៈពេល​តែ​១​សប្តាហ៍ នៅពេល​បណ្តា​មន្ទីរពេទ្យ​កំពុង​ស្ថិត​ក្រោម​សម្ពាធ​ខ្លាំង​ឡើង​ពី​ជំងឺឆ្លង​នេះ​។​

​ទិន្នន័យ​មក​ពី​ក្រុមការងារ​កូវី​ដ​១៩ បានបង្ហាញ​ថា​ចំនួន​ស្លាប់​នៅក្នុង​ប្រទេស​នេះ​មាន​ចំនួន​សរុប​២៧.២០៣​នាក់ នៅពេល​ចំនួន​ឆ្លង​សរុប​ឡើងដល់ ៩៥១.៦៥១​នាក់ ជា​ចំនួន​ស្លាប់​និង​ឆ្លង​ខ្ពស់បំផុត​​នៅ​អាស៊ី​អាគ្នេយ៍​។​

​ការស្លាប់​និង​ឆ្លង​ដ៏​ខ្ពស់​នេះ កើត​ចំពេល​ពេល​មាន​ការព្រមាន​ថា​ស្ថានការណ៍​កូវី​ដ​១៩ នឹង​កាន់តែ​អាក្រក់​ឡើង​ភ្លាមៗ​នៅ​តាម​មន្ទីរពេទ្យ​ឥណ្ឌូនេស៊ី​នៅពេល​សមត្ថភាព​ទទួល​អ្នកជំងឺ​កូវី​ដ​១៩​នៅ​ហ្សា​ការតា​​នៅសល់​តែ​ជាង​ដប់​ភាគរយ និង​គ្រែ​ក្នុង​បន្ទប់សង្គ្រោះបន្ទាន់​ពេញ​អស់​៨២​ភាគរយ​។​

​របាយការណ៍​បាន​និយាយថា អ្នកជំងឺ​ខ្លះ​បាន​ស្លាប់​ក្រោយ​មន្ទីរពេទ្យ​មិន​ព្រម​ទទួល​ដោយសារ​ពេញ​កន្លែង​អស់​។​

​ការស្វែករក​ឃើញ​របស់​ក្រុម​មួយ​បាន​បង្ហាញថា អ្នកជំងឺ​កូវី​ដ​១៩​ជិត​៤០​នាក់ ត្រូវបាន​មន្ទីរពេទ្យ​បញ្ជូន​ចេញ​វិញ​ចាប់តាំងពី​ចុង​ខែ​ធ្នូ​មក​៕

​ស្ថានភាព​ដ៏​អាក្រក់​នៅ​តាម​មន្ទីរពេទ្យ​ឥណ្ឌូនេស៊ី ដោយសារ​តែ​អ្នកជំងឺ​កូវី​ដ​១៩​ជោរជន់​រក​កន្លែង​ដាក់​មិនបាន​

ទីតាំងផ្សាយពាណិជ្ជកម្ម

- Advertisment -

Most Popular