Home ព័ត៌មានសំខាន់ៗ ​សៀវភៅ​មួយ​ក្...

​សៀវភៅ​មួយ​ក្បាល​និយាយ​អំពី​សម្តេចព្រះ​ន​រោ​ត្តម សីហនុ និង លោក ជូ អេង​ឡាយ មេដឹកនាំ​ចិន នឹង​ចេញផ្សាយ​នៅពេល​ឆាប់ៗ​ខាងមុខ

​ដោយៈ ជា សីហៈ​/​ភ្នំពេញៈ សៀវភៅ​មួយ​ក្បាល​ក្រោម​ចំណងជើង​ថា «Norodom Sihanouk & Zhou EnLai AnExtraordinaryFriendship On The Fringes Of The Cold War» នឹង​ចេញផ្សាយ​ជា​ផ្លូវការ​នា​ខែកុម្ភៈ ឆ្នាំ​២០២១ ខាងមុខនេះ​។

​បណ្តាញ​សង្គម​ដែល​គេ​ដឹងថា ស្និទ្ធនឹង​ព្រះមហាក្សត្រ​បាន​ឲ្យ​ដឹងថា សៀវភៅ​នេះ​និពន្ធ​ឡើង​ដោយ លោក​បណ្ឌិត ជូ​លី​អូ ជេ​ដ្រេ​ស ( Julio A.Jdres)​អតីត​លេខា​ផ្ទាល់​និង​អ្នកនិពន្ធ​ព្រះរាជ​ជីវ​ប្រវត្តិរូប​ផ្លូវការ​នៃ​ព្រះករុណា​ព្រះ​បរម​រតន​កោដ្ឋ​សម្តេចព្រះ​នរោត្តម​សីហនុ​បច្ចុប្បន្ន​ជាទី​ប្រឹក្សា​អម​ព្រះរាជ​ឧុ​ទ្ទ​កាល័យ​ព្រះមហាក្សត្រ ឋានៈ​ស្មើ​ទេសរដ្ឋមន្ត្រី​។

សៀវភៅ​នេះ​រៀបរាប់​អំពី​ដំណើរ​នៃ​ចំណងមិត្តភាព​រវាង​សហ​ស្ថាបនិក​ចំណង​ការទូត កម្ពុជា​-​ចិន គឺ​ព្រះករុណា​ព្រះបាទ​សម្តេចព្រះ​នរោត្តម សីហនុ និង លោក ជូរ អេ​ន​ឡាយ នាយករដ្ឋមន្ត្រី​ចិន​។​

​សៀវភៅ​ដ៏​មានតម្លៃ​ដ៏​វិសេសវិសាល​នេះហើយ​ជា​សៀវភៅ​មួយ​ក្បាល​ដែល​ប្រមូលផ្តុំ​ទៅដោយ​ភាពជា​ក់​ប្រាកដ​នៃ​រឿងរ៉ាវ​ទាំងឡាយ​ទាក់ទង​ទៅនឹង​ចំណងមិត្តភាព​នៃ​សហ​ស្ថាបនិក​ទាំងពីរ​ដែល​បានផ្តល់​ជូន​ប្រជាជន​និង​ប្រជាជាតិ​នៃ​ប្រទេស​ទាំងពីរ​នូវ​ចំណង​មេត្រីភាព​ដ៏​មានតម្លៃ​ឧត្តុង្គឧត្តម​បន្ត​មក​រាប់សិប​ជំនាន់ ។

​លោក​ជូ​លី​អូ​ជេ​ដ្រេ​ស​គឺជា​ឥស្សរជន​ឆ្នើម​មួយរូប​ដែល​បាន​គាល់​បម្រើ​ព្រះករុណា​ព្រះ​បរម​រតន​កោដ្ឋ​យ៉ាង​ស្មោះស្ម័គ្រ​និង​មាន​ភក្តីភាព​ចំពោះ​របបរាជានិយម​ក​ម្ពុ​ជា​ហើយ​លោក​បណ្ឌិត​ក៏​ជា​សាក្សី​ដ៏​សំខាន់​មួយរូប​ចំពោះ​ទំនាក់ទំនង​នយោបាយ​អន្តរជាតិ​និង​ការទូត​ព្រមទាំង​ដំណើរការ​នៃ​ការចរចារ​ផ្សះផ្សារ​បង្រួបបង្រួម​ជាតិ ស្វែងរក​សន្តិភាព​នៅ​កម្ពុជា​របស់ ព្រះករុណា ព្រះ​បរម​រតន​កោដ្ឋ ផងដែរ ៕​.mara/សរន

ទីតាំងផ្សាយពាណិជ្ជកម្ម

- Advertisment -

Most Popular